सरकारले गर्‍यो चिनियाँ राष्ट्रपति आउने मितिको औपचारिक घोषणा

फाइल फोटो
असोज २२, २०७६

काठमाडौं – चिनियाँ राष्ट्रपति शी चिनफिङ असोज २५ गते शनिवार नेपाल आउने पक्का भएको छ ।

राष्ट्रपति विद्यादेवी भण्डारीको निमन्त्रणामा चिनियाँ राष्ट्रपतिले १२ र १३ अक्टोबर (असोज २५–२६) गते नेपाल भ्रमण गर्ने तय भएको परराष्ट्र मन्त्रालयले विज्ञप्तिमार्फत् जनाएको छ ।


ADVERTISEMENT

राष्ट्रपति शीले नेपाल आएर समकक्षी विद्यादेवी भण्डारीसँग भेटवार्ता गर्नेछन् ।

त्यसपछि शीसहित चिनियाँ प्रतिनिधिमण्डलका लागि राष्ट्रपति भण्डारीले दिवा भोजको आयोजना गर्ने पनि विज्ञप्तिमा जनाइएको छ ।

राष्ट्रपति शी र प्रधानमन्त्री ओलीको उपस्थितिमा नेपाल–चीन द्विपक्षीय सम्झौतामा हस्ताक्षर समेत हुनेछ ।

भ्रमणका क्रममा राष्ट्रपति शीले प्रधानमन्त्री केपी शर्मा ओली तथा शीर्ष नेताहरूसँग पनि भेटवार्ता गर्नेछन् ।

असोज २२, २०७६ मा प्रकाशित

प्रतिक्रिया दिनुहोस