विश्वविद्यालयको छतबाट अजिंगर निस्किएपछि शिक्षक र विद्यार्थीको भागाभाग (भिडियो)

कात्तिक १, २०७६

काठमाडौं – थाइल्यान्डको थाम्मासात विश्वविद्यालयको छतबाट १२ फीट लामो अजिंगर निस्किएपछि विद्यार्थी र शिक्षकहरू भागाभाग गरेका छन् । 

अजिंगर कोरिडोरको सीलिङबाट निस्किएको थियो र लामो जिभ्रो बाहिर निकालेको थियो । 


ADVERTISEMENT

ऊ पछि पूरै तन्किएको थियो र जिभ्रो निकाल्दै फेरि सीलिङतिरै पसेको थियो । 

भिडियो क्यामरा कोरिडोरको पछिल्तिर प्यान गर्दा दुईजना मात्र देखिन्छन् किनकि विद्यार्थी र शिक्षकहरू भागेका थिए । 

एकजना किशोरी अलि सुरक्षित दूरीमा उभिएर डराउँदै अजिंगरलाई हेरिरहेको अनि मानिसहरू भागेको देखेर हाँसेको देखिन्छ । 

घटना असोज ११ गते भएको हो । फुपा फुवानानोन नाम गरेका उपप्राध्यापक त्यतिखेर घटनास्थलमा थिए । सर्प देखेपछि आफू तर्सिएको उनले बताए । 

‘हाम्रो क्याम्पसमा थुप्रै सरीपृप छन् तर अजिंगर छतबाट तुर्लुंग झुण्डिएको दृश्य चाहिँ अलि आश्चर्यलाग्दो नै थियो,’ उनले भने, ‘अजिंगरको त्यहाँ गुँड भएकाले वा मुसा लगायत शिकार देखेकाले ऊ त्यहाँ पुगेको हुनुपर्छ ।’

स्थानीय उद्धार टोली नआउन्जेल विद्यार्थी र कर्मचारीहरू अजिंगरबाट टाढै बसेका थिए । 

अजिंगरलाई सुरक्षित रूपमा नियन्त्रणमा लिइयो र प्राकृतिक वासस्थानमा लगेर छोडियो ।

एजेन्सी
 

कात्तिक १, २०७६ मा प्रकाशित

प्रतिक्रिया दिनुहोस

ताजा समाचार