सिरियाले टर्कीका ३३ सैनिक मारेपछि टर्कीले लियो बदला, १६ सिरियाली सैनिकको हत्या

सिरियामा बिहीवार टर्कीका ३३ जना सैनिकको हत्या गरिएको आरोप सिरियाली सरकारमाथि लागेपछि टर्कीले शुक्रवार शरणार्थीहरूलाई युरोप पस्नका लागि ढोका खोलिदिएको छ । 

टर्कीले आफ्ना सैनिक मारिएको बदलामा १६ जना सिरियाली सैनिकको हत्या गरेको निगरानी समूहहरूले जनाएका छन् । 


Advertisement

सिरियाको इदलिब प्रान्तमा रुसको समर्थन प्राप्त सिरियाली फौजहरूले आक्रमण गरेपछि युद्ध चर्किने डर बढेको भनी अन्तर्राष्ट्रिय समुदायले चिन्ता व्यक्त गरेको छ । इदलिबमा राष्ट्रपति बशर अल–असदले विद्रोहीहरूलाई उनीहरूको

अन्तिम किल्लाबाट हटाउनका लागि रक्तरञ्जित अभियान चलाइरहेका छन् । 


Advertisement

खतरनाक बमबारीले नाटोको सदस्य टर्की र दमास्कसको साझेदार मस्कोलाई एकअर्काको आमनेसामने ल्याएको छ । 

तनाव बढ्दै जाँदा मस्कोले आफ्ना दुई युद्धपोत इसतानबुलको बोस्फोरस जलडमरु हुँदै अघि बढाएको छ । 

इदलिबमा चालु लडाइँले सन् २०११ मा शुरू भएको गृहयुद्धपछिकै सबभन्दा गम्भीर मानवीय संकट ल्याउने भनी संयुक्त राष्ट्रसंघले लगातार चेतावनी दिएको छ । 

तर रुसले भिटो लगाउने गरेकाले सिरियामा राष्ट्रसंघको कारवाही हुन सकेको छैन । 

अमेरिकाले सिरियाको कारवाहीको भर्त्सना गरेको छ र नाटोले संकटका विषयमा आकस्मिक वार्ता गर्ने शुक्रवार जनाएको छ । 

टर्कीभन्दा पश्चिममा रहेका छिमेकीहरूलाई असर पर्ने गरी टर्कीले शरणार्थीहरूलाई युरोप पस्ने बाटो खोल्ने भएको छ । 
 

एजेन्सी
एजेन्सी

लेखकबाट थप...

कमेन्ट गर्नुहोस्