‘बेबी डल’ गीतबाट प्रसिद्ध भएकी कनिका कपूरलाई कोरोना, विमानस्थलबाट भागिन्

बलिउडकी प्रसिद्ध गायिका कनिका कपूरलाई कोरोनाभाइरस लागेको छ । उनी शनिवार लन्डनबाट लखनउ आएकी थिइन् । 

विमानस्थलमा उनी ग्राउन्ड स्टाफसँग मिलेर वाशरूमबाट भागेको बताइएको छ । 


Advertisement

कनिकाले आइतवार लखनउको ग्यालेन्ट अपार्टमेन्टमा एक पार्टी आयोजना गरेकी थिइन् र त्यसमा लखनउका ठूला अधिकारी र अनेकौं नेता थिए । 

अहिले कनिकाको पूरै अपार्टमेन्टमा हडकम्प मच्चिएको छ । 


Advertisement

कनिका लखनउको ताज होटलमा बसेकी थिइन् र होटलका कर्मचारी पनि डराएका छन् । अनि कनिका बस्ने अपार्टमेन्टका धेरैजसो मानिस भवन छोडेर अन्तै जान थालेका छन् । कनिकाको परिवार त्यही भवनमा बस्छ र अहिले परिवारलाई क्वारेन्टाइनमा राखिएको छ । 

स्वास्थ्य विभागले कनिकाको सम्पर्कमा आएका सबै मानिसलाई कल गरेर सेल्फ आइसोलेट गर्न भनेको छ । कनिकामा मात्र कोरोना भेटिएको हो, अरूमा अहिलेसम्म देखिएको छैन । 

कनिका कपूरले बेबी डल, चिट्टिया कलाइयाँ, देसी लुक जस्ता सुपरहिट गीत गाएकी छन् । 
 

एजेन्सी
एजेन्सी

लेखकबाट थप...

कमेन्ट गर्नुहोस्