स्यानिटाइजर भन्ठानेर हातमा तातो कफी खन्याएपछि... (भिडियो)

ब्राजिलको परनामा एकजना मानिसले पसलमा ह्यान्ड स्यानिटाइजर भन्ठानेर कफीको मशिनमा थिच्दा हात पोलेका छन् ।

पसलको सीसीटीभी क्यामरामा कैद भएको दृश्यमा ती व्यक्तिले भूलवश हात पोलेको देखिएको हो । 


Advertisement

पसलभित्र गएपछि ती मानिस सीधै डिस्पेन्सरमुनि हात राख्न पुगेका थिए । कोरोनाभाइरसको संक्रमण फैलिँदे जाँदा आजकल मानिसहरू स्यानिटाइजर बाक्लै प्रयोग गर्न थालेका छन् । 

तर त्यो खासमा कफी डिस्पेन्सर थियो र ती व्यक्तिको हातमा तात्तातो कफी पर्न गयो । 


Advertisement

तातो कफी परेपछि उनले हात झट्कारेको अनि टाउको हल्लाउँदै कसैले देख्यो कि भनी यताउता हेरेको देखिन्छ । 

यो भूलले ती व्यक्तिलाई अलिकति लज्जित तुल्याएको भए पनि उनको उद्देश्य चाहिँ सही थियो । 

विश्व स्वास्थ्य संगठनले मानिसहरूलाई नियमित रूपमा साबुनपानी वा अल्कोहल भएको स्यानिटाइजरले हात धोएर कोरोनाभाइरसको संक्रमण रोक्न सकिन्छ भनी सुझाव दिइरहेको छ । 

एजेन्सी
एजेन्सी

लेखकबाट थप...

कमेन्ट गर्नुहोस्