चीनले बनायो पैदलयात्रीको तापक्रम नाप्ने चश्मा (भिडियो)

चीनमा सुरक्षाकर्मीहरूले इन्फ्रारेड क्यामरा जडित चश्मा लगाएर पैदलयात्रीहरूको तापक्रम जाँच्न थालेका छन् । 

हाङ्चोको लोकप्रिय पार्कमा चश्मा लगाएका अधिकारीहरूले दुई मिनेटमा लगभग १०० जनाको तापक्रम लिए । 


Advertisement

चश्मामा कृत्रिम बौद्धिकता प्रविधि छ र यसले मानिसहरूको तापक्रम तत्कालै जाँचेर चश्मामा देखाइदिन्छ । 

यो उच्च प्रविधियुक्त ग्याजेटले उच्च तापक्रम भएको कुनै मानिस देखियो भने तत्कालै भाइरसनिरोधी अधिकारीलाई सतर्क गराइहाल्छ । 


Advertisement

‘विगतमा हामी परम्परागत निधारे थर्मोमिटर उपयोग गर्थ्यौं जसले गर्दा मानिसहरू पंक्तिमा उभिएर प्रत्येकको तापक्रम लिनुपर्ने हुन्थ्यो,’ एक कर्मचारीले भनिन् । 

‘तर अहिले हाम्रा कर्मचारीलाई मानिसहरूको तापक्रम जाँच्न पहिलेको भन्दा सहज भएको छ ।’

इन्फ्रारेड क्यामरा कन्ट्याक्टलेस डिभाइस हो जसले तापशक्ति पत्ता लगाएर त्यसलाई विद्युतीय संकेतमा परिणत गर्छ । 

त्यस संकेतलाई तापक्रममा गणना गर्न सकिन्छ अनि मोनिटर डिस्प्लेमा थर्मल इमेज बनाउन सकिन्छ ।

एजेन्सी
एजेन्सी

लेखकबाट थप...

कमेन्ट गर्नुहोस्