स्पेनमा कोरोनाभाइरस रोगीलाई बोकेको एम्बुलेन्समा ढुंगा प्रहार (भिडियो)

स्पेनमा कोरोनाभाइरस लागेका वृद्धहरूलाई नयाँ घरमा लैजानका लागि खटिएका एम्बुलेन्समाथि युवाहरूले ढुंगा प्रहार गरेका छन् । 

जिब्राल्टरनिरको ला लिनीया दे ला कन्सेप्सियोन शहरमा एम्बुलेन्स आइपुग्दा ढुंगा प्रहार गरिएको हो । 


Advertisement

रिसाएका स्थानीयहरूले एम्बुलेन्सको जत्थाको बाटो छेकेका थिए अनि वृद्धहरूलाई राखेको घरमा सुरक्षा दिन बसेका प्रहरीमाथि पेट्रोल बम प्रहार गरेका थिए । 

ती वृद्धहरूलाई अल्काला देल भाये शहरबाट बाहिर लैजाँदा चाहिँ ताली बजाइएको थियो । उक्त शहरमा संक्रमण फैलिएको थियो । 


Advertisement

वृद्धहरूलाई घरमा पस्न नदिनका लागि एम्बुलेन्सको बाटो छेक्न सडकमा कार तेर्स्याउने दुईजनालाई प्रहरीले पक्राउ गरेको छ । 

लगभग ५० जना युवाले वृद्धहरू बस्ने घरलाई घेरेका थिए । 

उनीहरूले कोरोनाभाइरस लकडाउनलाई उल्लंघन गर्दै घरबाहिर आएर वृद्धहरूलाई छेक्न खोजेका थिए । 

स्थानीय सञ्चारमाध्यमले जनाएअनुसार, ती मानिसहरूले आक्रमण गर्नुअघि ह्वाट्सयापमा सन्देश पठाएर टायर बालेर अवरोध गर्ने चेतावनी दिएका थिए । 
 

एजेन्सी
एजेन्सी

लेखकबाट थप...

कमेन्ट गर्नुहोस्