लक–डाउन उल्लंघन गरी बाहिर निस्किनेलाई पक्रिन प्रहरीले प्रयोग गर्न थाल्यो यस्तो डिभाइस

विश्वव्यापी महामारीको रूपमा फैलिरहेको कोरोनाभाइरसका कारण सरकारले एक साताका लागि घोषणा गरेको लकडाउन उल्लंघन गर्नेलाई नियन्त्रणमा लिनका लागि प्रहरीले ‘मल्टिफङ्सनल एरेस्ट एन्ड रेस्क्यू डिभाइस’प्रयोग गर्न थालेको छ ।

नजिक पुगेर हातैले समाउँदा प्रहरीलाई समेत जोखिम हुने भएकाले लकडाउन उल्लंघन गर्नेहरूलाई उक्त डिभाइसको प्रयोग गरी नियन्त्रणमा लिन थालिएको हो ।


Advertisement

बानेश्वर चोक लगायतका क्षेत्रमा प्रहरीले उक्त डिभाइस प्रयोग गरी शुक्रवार ५० भन्दा बढीलाई नियन्त्रणमा लिएको छ ।

लक–डाउनको चौथो दिनको स्थिति अवलोकन गर्न महानरीय प्रहरी कार्यालय रानीपोखरीका प्रमुख डीआईजी विश्वराज पोखरेल समेत बानुश्वर पुगेका थिए ।


Advertisement

कोरोनाको संक्रमण फैलिरहेको समयमा मानिसहरूको दूरी कायम गर्न प्रहरीलाई अफ्ठारो परिरहेको समयमा १ फिट दूरी कायम हुने खालको डिभाइस भित्र्याएको डीआईजी पोखरेलले बताए ।

नेपालमा कोरोना भाइरसको संक्रमण ३ जनामा पुष्टि भइसकेको छ । एक जना निको भएर घर फर्किएका छन् भने अरू २ जना उपचाररत छन् ।


 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्