संसद्‍मा जनार्दन शर्मा– 'लकडाउनको समयमा आएका युवा को हुन् भनेपछि झडप शुरू भयो'

नेकपा सांसद जनार्दन शर्माले पश्चिम रुकुमको चौरजहारीमा जेठ १० गते ६ जना दलित युवाको मृत्यु भएको घटनालाई राजनीतिकरण नहुने बताएका छन् ।

मंगलवार बसेको प्रतिनिधि सभा बैठकमा सभामुखसँग समय लिएर रुकुमका सांसद शर्माले घटनको निश्पक्ष छानबिन गर्ने कुरामा राजनीतिकरण नहुने बताएका हुन् ।


Advertisement

‘जेठ १० गते साझ १८:३० बजे घटना घटेको छ । वीरबहादुर मल्लको घरमा जाजरकोटका नवराज विक लगायत १८ युवा आएको देखेपछि उनको श्रीमतीले छिमेकीसँग गुहार मागेको र त्यसपछि लकडाउनको समयमा आएका युवा को हुन् भनेर छिमेकी आएपछि झडप शुरू भएको र झडप हुने क्रममा त्यतिबेला वडाध्यक्षले प्रहरीलाई खबर गरेको र प्रहरी आएको छ । झपड अगाडि बढ्दै जाँदा ११ जनाले भेरी नदीमा हामफालेकोमा ५ जना तैरिन सकेको र ६ जना हराएकामध्ये नवराज लगायत ३ जनाको शव फेला परेको र ३ जना अझै हराइरहेका छन्,’ उनले भने ।

सांसद शर्माले यो घटनालाई राजनीतिकरण नगर्न आग्रह गरे ।


Advertisement

‘यसरी घटना घटेको छ, सत्य तथ्य छानविन गर्ने कुरामा राजनीतिकरण हुन सक्दैन । सत्यतथ्य छानबिन हुनेछ,’ शर्माले भने ।

शर्माले बोल्दै गर्दा कांग्रेस सांसदले आपत्ति जनाएका थिए । ‘गृहमन्त्रीले जवाफ दिने कि ? रुलिङ पार्टीका सांसदले ?’ कांग्रेसका प्रकाश रसाइली स्नेहीले भने ।

रसाइलीले विश्वकै लज्जास्पद् घटनालाई ढाकछोप गर्न खोजिएको आरोप लगाए । संसद्मा होहल्ला भएपछि सभामुख सापकोटाले सम्हालिन आग्रह गरे ।

‘माननीय सदस्यहरू सम्हालिनुस्, सबै माननीय सदस्यलाई विनम्र अनुरोध गर्छु कि घटनाबारे मेरो पनि ध्यानाकर्षण भएको छ,’ सापकोटाले भने ।
 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्