विदेशमा अलपत्र नेपाली लिएर पहिलो चरणमा २ वटा विमान भोलि नेपाल आउने

गगन अर्याल
गगन अर्याल

लोकान्तर संवाददाता अर्याल सुरक्षा/अपराध तथा समसामयिक विषयमा समेत कलम चलाउँछन् ।

प्रतिकात्मक तस्वीर

कोभिड– १९ संक्रमणपछि रोजागरी गुमाएका तथा अन्य विभिन्न प्रयोजनका लागि विदेश पुगेर अलपत्र परेका नेपाली नागरिकलाई लिएर भोलि (शुक्रवार) २ वटा जहाज नेपाल आउने भएका छन् ।

विदेशमा रहेर समस्यामा परेका नेपालीलाई ल्याउने तयारी सरकारले गरेसँगै भोलि संयुक्त अरब इमिरेट्स (युएई) र म्यानमारबाट एक–एक जहाज नेपाल आउन लागेका हुन् ।


Advertisement

औपचारिकरूपमा पत्र नआएपनि मौखिक जानकारी भने प्राप्त भएको अध्यागमन विभागका वरिष्ठ अध्यागमन अधिकृत राजेश पन्थीले लोकान्तरलाई जानकारी दिए ।

भोलि दुईवटा जहाज नेपाली नागरिकलाई लिएर नेपाल आउन लागेकोबारे आफूले पनि सुनेको त्रिभुवन अन्तर्राष्ट्रिय विमानस्थलका महाप्रबन्धक देवेन्द्र केसीले जानकारी दिए ।


Advertisement

‘हामीले पनि सुनेका छौं, तर औपचारिक पत्र भने अहिलेसम्म आइसकेको छैन,’ महाप्रबन्धक केसीले लोकान्तरसँग भने ।

भोलि बेलुकासम्म २ वटा जहाज युएई र म्यानमारबाट आउन लागेको स्रोतले बतायो ।

विदेशमा रहेका नेपालीहरूबाट पहिलो चरणमा लकडाउनका कारण रोजगारीका लागि विदेश गएर भिसा सकिएका, घर फिर्ती केन्द्रमा रहेका, आममाफी पाएका, जेष्ठ नागरिक, महिला, बिरामी, परिवारलाई भेट्न गएका, भिषा सकिएर चेकआउट भएका र आफन्त बितेर अन्तिम संस्कारमा आउनुपर्नेहरूलाई स्वदेश ल्याउने निर्णय सरकारले गरेको थियो ।

पहिलो चरणमा अत्यन्तै समस्यामा परेका नेपालीलाई फिर्ता ल्याउनका लागि ‘एक्सन प्लान’ अर्थात् ‘नेपाली नागरिकलाई स्वदेश आउन सहजीकरण गर्नेसम्बन्धी कार्ययोजना, २०७७’ समेत बनाइसकिएको छ । त्यसैअनुसार पहिलो चरणमा भोलि केही नेपालीलाई नेपाल ल्याउन लागिएको छ ।

२६ वटा शीर्षक बनाएर भारत र तेस्रो मुलुकमा रहेका नेपाली नागरिकलाई दैनिक ३ हजार ५ सयको दरले प्रत्येक दिन ल्याउने कार्ययोजना सरकारले बनाएको छ ।

गगन अर्याल
गगन अर्याल

लेखकबाट थप...

कमेन्ट गर्नुहोस्