दक्षिण कोरियाको राजधानी सौलका मेयर मृत फेला

दक्षिण कोरियाको राजधानी सौलका मेयर पार्क वोन सूनको मृत शरीर फेला परेको त्यहाँको प्रहरीले जनाएको छ । उनी बिहीवारदेखि बेपत्ता थिए । 

घरबाट निस्कनुअघि उनले एउटा सन्देश लेखेर राखेको अनि त्यसबाटै शंका उत्पन्न भएर आफूले मानिसहरूलाई सतर्क गराएको उनकी छोरीले प्रहरीलाई बताएकी थिइन् ।


Advertisement

मेयर पार्कको शव उत्तरी सौलको माउन्ट बुगाकमा फेला परेको थियो । उनको फोनको सिग्नल अन्तिमपटक त्यहीँ फेला परेको थियो । 

मृत्युको कारण अहिलेसम्म खुलेको छैन । 
 


Advertisement

सामाचार संस्था योन्हापका अनुसार, पार्कले आत्महत्या गरेको हुन सक्ने प्रहरीको आरम्भिक अनुसन्धानले देखाएको छ । 

पार्कले लेखेको नोट पछि सार्वजनिक गरिएको थियो । त्यसमा उनले लेखेका रहेछन्– ‘म सबैसँग माफी चाहन्छु । मेरो जीवनमा मलाई साथ दिनेहरू सबैलाई धन्यवाद दिन्छु ।’

पार्क बेपत्ता हुनुभन्दा केही घन्टाअघि एक महिला कर्मचारीले उनीविरुद्ध यौन शोषणको उजुरी दर्ता गरेको बताइएको छ । तर पार्कको मृत्युँिग यसको कुनै साइनो थियो कि थिएन भन्ने कुरा पुष्टि हुन सकेको छैन । 

पार्क वोन सून बिहीवार कार्यालय गएका थिएनन् । 

प्रहरी अधिकारी ली बेयोङ सिओकले पत्रकारहरूलाई बताएअनुसार, बिहीवार राति १०ः५३ मा उनलाई सेक्युरिटी क्यामरामा अन्तिमपटक देखियो । त्यतिखेर उनी जंगल क्षेत्रमा प्रवेश गरिरहेका थिए । उनको फोनको सिग्नल पनि अन्तिमपटक त्यहीँ देखिएको थियो । 

उनी राष्ट्रपति मून जे–इनको लिबरल डेमोक्रेटिक पार्टीका सदस्य थिए । उनलाई सन् २०२२ को राष्ट्रपति चुनावमा सम्भावित उम्मेदवारका रूपमा लिइएको थियो ।
 

एजेन्सी
एजेन्सी

लेखकबाट थप...

कमेन्ट गर्नुहोस्