झण्डै तीन दर्जनको नेतृत्व गर्दै मुख्यमन्त्री शाही हिमाली जिल्लामा, योजना अनुगमन र कार्यकर्ताको गुनासो सुन्दै

शेरबहादुर थापा
शेरबहादुर थापा

लोकान्तर संवाददाता थापा कर्णाली प्रदेशबाट रिपोर्टिङ गर्छन् ।

कर्णाली प्रदेशका मुख्यमन्त्री महेन्द्रबहादुर शाही हिमाली जिल्लाको भ्रमणमा दलबलसहित निस्केका छन् ।

झण्डै पन्ध्र दिनको यात्रा तय गरेर मुख्यमन्त्री शाही, सामाजिक विकास मन्त्री दल रावल, आन्तरिक मामिला तथा कानून मन्त्री नरेश भण्डारीसहितका नेता कार्यकर्ताहरु, पत्रकारको टोली जुम्लाबाट मुगुतर्फ प्रस्थान गरेको छ ।


Advertisement

चार दिन अघि गृहजिल्ला कालिकोट गएका मुख्यमन्त्री शाहीले जुम्ला गृह जिल्ला भएका मन्त्री भण्डारी र हुम्ला गृहजिल्ला भएका मन्त्री रावललाई साथमै लगेर गएका हुन । पछिल्लो समयमा कोरोना संक्रमण बढेपनि सबैले पिसिआर जाँच गरेर जिल्ला भ्रमणमा मुख्यमन्त्रीका प्रमुख स्वकीय सचिव खेमबहादुर शाहीले लोकान्तरलाई बताए ।

उनका अनुसार विभिन्न योजनाको अनुगमन गर्ने, धेरै स्थानमा काम नगरी भुत्तःानी भएको भनिएका योजनाको स्थलगत अध्ययन गर्ने, भ्रष्टाचार भएको भए कारवाहीको प्रक्रिया अगाडी बढाउने, पार्टी कार्यकर्ता तथा स्थानीय पालिकाका जनप्रतिनिधिको गुनासो सुन्ने लगायतका काम मुख्यमन्त्री शाही लगायतको टोलीले गर्ने भएको छ ।


Advertisement

मुख्यमन्त्री शाहीले लोकान्तरसँग कुरा गर्दै प्रदेश सभा सञ्चालन नभइरहेको र बजेट कार्यान्वयनको अन्तिम तयारी भइरहेकाले अनुगमनमा निस्किएको बताए ।

'अहिले यो खाली समय हो । कर्णालीमा अन्य प्रदेशको जस्तो कोरोना संक्रमणको अवस्था भयावह पनि छैन,' उनले लोकान्तरसँग मंगलवार विहान भने, 'त्यसैले खाली समयको सदुपयोग गर्न र भेटघाटमा हामी निस्किएका हौं । कम्तिमा योजनाको आवश्यकता कहाँ छ भन्ने कुराको जानकारी लिन पनि हामी निस्किएका हौं ।'
 

शेरबहादुर थापा
शेरबहादुर थापा

लेखकबाट थप...

कमेन्ट गर्नुहोस्