ललितपुरको भट्टेडाँडामा पहिरोले २ वटा टिप्पर र एउटा मोटरसाइकल पुर्‍यो

फाइल फोटो

ललितपुरको भट्टेडाँडामा पहिरोले २ वटा टिप्पर र एउटा मोटरसाइकल पुर्दा ५ जना घाइते भएका छन् । 

ललितपुरको बाग्मती गाउँपालिका– ३ भट्टेडाँडामा पहिरोले २ वटा टिप्पर र एउटा मोटरसाइकल पुरेको महानगरीय प्रहरी परिसर ललितपुरका प्रमुख प्रहरी वरिष्ठ उपरीक्षक (एसएसपी) टेकप्रसाद राईले लोकान्तरलाई जानकारी दिए ।


Advertisement

एसएसपी राईका अनुसार घाइतेमध्ये २ जनाको अवस्था गम्भीर छ । उनीहरूलाई उपचारका लागि काठमाडौं ल्याइएको छ ।

खराब मौसमका कारण उद्धार कार्यमा कठिनाइ भएको छ ।


Advertisement

अन्य कोही पुरिएका छन् कि भनेर खोजी कार्य जारी राखेको एसएसपी राईले जानकारी दिए ।
 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्