एम्बुलेन्स लिएर वडाध्यक्ष नै संक्रमितको घरमा

प्रतिकात्मक तस्वीर

सप्तरीको खडक नगरपालिका–८ स्थित संक्रमित पत्रकारको घरमा साइरन बजाउँदै २ एम्बुलेन्स र एक प्रहरी भ्यान गएर बिहान टक्क रोकियो ।

वडा नम्बर ८ का वडाध्यक्ष इसराइल मियाँ र इलाका प्रहरी कार्यालय कल्याणपुरका प्रहरी निरीक्षक धर्मराज मुडभरीसहितको टोली बिहान ११ः०० बजे संक्रमित पत्रकारको घर पुगे । 


Advertisement

३ कोठाको अलग/अलग ओछ्यानमा ६ जना आइसोलेट भई बसेका थिए । राजविराजबाट प्रकाशित हुने एक दैनिक पत्रिकाका सम्पादक ४ दिनअघि र उनकै पत्रिकाका सहसम्पादकसहित परिवारका सदस्यमा कोरोना पोजिटिभ पुष्टि भएपछि उनीहरू सिंगो घर आइसोलेट गरी बस्न थालेका हुन् ।

यसबारे जिल्ला प्रशासन कार्यालय र जिल्ला स्वास्थ्य कार्यालयमा समेत जानकारी गराइएको ती पत्रकारकी दिदीले जानकारी दिइन् । कतिपय स्थानमा होम आइसोलेसनमा बसेका संक्रमितको घरमै गएर जनप्रतिनिधिले भेटेर हौसला दिने अभियान चलाएका छन् ।


Advertisement

प्रतिरोधात्मक क्षमता बढाउने आयुर्वेदिक औषधि र स्वास्थ्य सावधानीका उपायको जानकारी सहितको स्वास्थ्य लाभको पत्र बोकेर जनप्रतिनिधिको टोली संक्रमितको घरमै पुगेर भेट्ने काम पनि भइरहेको छ ।

पत्रकारको घरमा अचानक एम्बुलेन्स, प्रहरी, सेनासहित पुगेका वडाध्यक्ष मियाँले होम आइसोलेसनमा बस्न पाइँदैन भन्दै दुव्र्यवहार गरे । संक्रमित पत्रकारका अनुसार वडाध्यक्षले राजविराजस्थित आइसोलेसन केन्द्र वा नगरपालिकाकै स्वास्थ्य चौकीमा आइसोलेट भएर बस्न निकै दबाब दिए ।
    
बाहिरी मानिसलाई प्रवेश निषेध गरी सिंगो घर नै आइसोलेट गरी सरकारी मापदण्ड अनुसार नै होम आइसोलेसनमा बसेकाले अन्तको आइसोलेसनमा जानु नपर्ने संक्रमित पत्रकारले अडान राखे । पत्रकारकी दिदीले पनि व्यवस्थित गरेर सिंगो घर नै आइसोलेसन बनाएर राखेकाले अन्त लैजाने दबाब नदिनु भनेर वडाध्यक्षलाई आग्रह गरिन् ।

त्यसपछि वडाध्यक्ष झन् ठूलो स्वरमा चर्कंदै वडाका अन्य संक्रमितलाई यसअघि संस्थागत आइसोलेसनमा पठाइएकाले घरमा बस्न नपाइने भनेर झगडा गर्न थालेको संक्रमितहरूले जनाएका छन् । वडाध्यक्ष मियाँले समुदायमा कोरोना संक्रमण नफैलियोस् भनेर राजविराज वा नगरपालिकाले निर्णय गरेको आइसोलेशन केन्द्रमा राख्न खोजेको बताए । उनले संक्रमण फैलिएमा सबैले आफैंलाई दोष दिने भएकाले सावधानी अपनाउन यसो गर्नुपरेको जानकारी दिए । 

कमेन्ट गर्नुहोस्