मेसी भन्छन्, ‘आरोपले म थाकें’

निराश लियोनल मेसीले बार्सिलोनाको प्रत्येक समस्यामा दोषी देखाएर आरोप लगाउने हुनाले आफू त्यसबाट थाकेको बिहीबार बताएका छन् ।

एन्टोइन ग्रिजमनका पूर्व एजेन्टले मेसीकै कारण फ्रान्सेली स्ट्राइकरले बार्सिलोनाका लागि ला लिगामा राम्रो खेल्न नसकेको आरोप लगाएका थिए । एजेन्ट एरिक ओल्ह्याट्सले बार्सिलोनामा मेसीले चाहिने भन्दा बढी नियन्त्रण गरेको बताएका थिए ।


Advertisement

उनले मेसीको आतंकका कारण ग्रिजमनले गत वर्ष क्लब आएयता सोचेजस्तो प्रदर्शन गर्न नसकेको आरोप लगाएका थिए । विश्वकप छनोटमा अर्जेन्टिनाका लागि खेलेयता मेसी बार्सिलोना आइपुगेका हुन् र विमानस्थलबाट बाहिर पुगेलगत्तै उनलाई स्पेनी मिडियाले घेरेको थियो । त्यसै क्रममा उनले भने, ‘सत्य बोल्ने हो भने म थाकिसकें, किनभने बार्सिलोनाका प्रत्येक असफतामा मेरै कारण देखाइन्छ ।’

मेसीले अगाडि थपे, ‘अहिले म १५ घण्टा उडानमा बिताएर थाकेर आइरहेको छु, स्पेनी कर अधिकृतहरू पनि मलाई नै पर्खिइरहेका छन्, यो त पागलपनको हद नै हो ।’ बार्सिलोनासँग अनुबन्धको एक वर्ष बाँकी छँदा मेसीले विना कुनै मूल्य क्लब छाड्ने बुँदा उपयोग गर्न खोजेका थिए, तर त्यसमा सफल भएनन् । आफ्नो क्लबविरुद्ध कानुनी लडाइँ लड्न उनी अनिच्छुक रहेका थिए ।  


Advertisement

युरोपेली च्याम्पियन्स लिगको क्वाटरफाइनलमा बायर्न म्युनिकको हातबाट ८–२ ले पराजित भएयता बार्सिलोना एकपछि अर्को समस्याबाट गुज्रिइरहेको छ । गत महिनामात्र अविश्वासको प्रस्ताव सामना गर्नॅ अगाडि नै क्लब अध्यक्ष जोसेप मारिया बार्टोमेउले राजीनामा दिएका थिए । पछिल्लो समय मेसी आफै स्पेनी कर अधिकृतहरूको लगातार सोधपुछमा फसेका छन् ।

सन् २०१६ मा मेसीलाई २१ महिनाको जेल सजाय सुनाइएको थियो । यसक्रममा उनलाई २० लाख युरो पनि जरिवाना गराइएको थियो । उनीमाथि छवि अधिकारबाट कमाएको ४२ लाख युरो स्पेनी सरकारसमक्ष लुकाएको आरोप लगाइएको थियो । मेसीले दुई लाख ५० हजार युरो तिरेपछि उनी जेल भने जानुपरेन । स्पेनी कानुनमा कुनै पूर्व दोष नभए दुई वर्षसम्मको जेल सजाय बाहिरी निगरानीमा बिताउन पाउने नियम छ । कान्तिपुर दैनिकमा खबर छ ।

छापाबाट
छापाबाट

लेखकबाट थप...

कमेन्ट गर्नुहोस्