स्कटल्यान्डको स्वतन्त्रताका लागि दोस्रो जनमतसंग्रह गरिने संकेत

स्कटल्यान्डकी प्रमुख (प्रथम मन्त्री) निकोला स्टर्जियनले स्वतन्त्रताका लागि दोस्रोपटक जनमतसंग्रह गर्न चाहेको भनी द टाइम्स पत्रिकाले खबर दिएको छ । 

‘अर्को संसदीय निर्वाचनअघि स्कटल्यान्डले स्वतन्त्र बन्ने कि नबन्ने भन्ने विषयमा छनोट गर्ने अवसर प्राप्त गर्नुपर्छ,’ स्टर्जियोनले भनिन् । 


Advertisement

सन् २०१६ को जुन महिनामा भएको ब्रेक्जिट जनमतसंग्रहमा ६२ प्रतिशत स्कटिश मतदाताहरू युरोपेली संघमा नै बस्ने पक्षमा थिए यद्यपि बेलायतलाई संघबाट हटाउने पक्षले नै बहुमत ल्यायो । 
 

स्टर्जियोनले यस मतदानलाई पनि सन्दर्भ बनाउँदै स्कटल्यान्डको भविष्य युरोपेली संघको सदस्य स्वतन्त्र मुलुक बन्नुमा निहित रहेकोमा आफ्नो सरकार विश्वस्त रहेको बताएकी छन् । 


Advertisement

सन् २०१४ को पहिलो स्वतन्त्रता जनमतसंग्रहमा ५५ प्रतिशत मतदाताले संयुक्त अधिराज्यमै बस्ने भनी मत दिएका थिए । 
 

एजेन्सी
एजेन्सी

लेखकबाट थप...

कमेन्ट गर्नुहोस्