किम्चीमा चिनियाँहरूले दाबी गरेपछि दक्षिण कोरियालीहरू आक्रोशित

चीन र दक्षिण कोरियाका सामाजिक सञ्जाल प्रयोगकर्ताहरू झगडा गरिरहेका छन् । 

कोरियाली खानाको अभिन्न अंगका रूपमा रहेको किम्ची कसले बनाउन शुरू गरेको भन्ने विषयमा विवाद उठेको हो । 


Advertisement

चीनको किम्ची कम्पनीले अन्तर्राष्ट्रिय मापदण्ड आईएसओ प्रमाणपत्र हात पारेपछि अन्लाइनमा युद्ध शुरू भएको हो । 

चीन सरकारको मुखपत्र ग्लोबल टाइम्सले आईएसओ हैसियत चीनको नेतृत्वमा रहेको किम्ची उद्योगले पाएको अन्तर्राष्ट्रिय पहिचान भनी लेख्यो । 
 


Advertisement

किम्ची शब्दको प्रयोग चीनले गरेपछि दक्षिण कोरियालीहरू क्रुद्ध भए अनि किम्चीलाई चीनले हडप्न खोजेको आरोप लगाए । तर आईएसओको पुरस्कारले पाओ चाइ भनिने अचार बनाइएको तरकारीलाई मात्र समेटेको उनीहरूको भनाइ छ । 

कस्तो बकवास कुरा, हाम्रो संस्कृति हडप्न खोज्ने चोर,’ दक्षिण कोरियाका एक सामाजिक सञ्जाल प्रयोगकर्ताले नाभेर नामक लोकप्रिय वेब पोर्टलमा लेखे । 
 

सौलमा बस्ने किम सियोल–हाले भने, ‘किम्ची आफ्नो हो भनी चीनले भनेको अनि यसको अन्तर्राष्ट्रिय मापदण्ड बनाउन खोजेको मिडियामा पढें । यो बकवास कुरा हो ।’

चीनले किम्चीमा लोभ गर्नु भनेको संसारमा प्रभुत्व जमाउन खोज्नु बराबर हो भनी केही दक्षिण कोरियाली मिडियाले लेखे । 

चीन र दक्षिण कोरियाका सामाजिक सञ्जाल प्रयोगकर्ताले यसअघि गत अक्टोबर महिनामा बीटीएस नामक कोरियाली पप ब्यान्डका प्रमुखको अभिव्यक्तिका विषयमा झगडा गरेका थिए । उनले कोरियाली युद्धपछि आफ्नो देशले अमेरिकासँग एक्यबद्धता गरेको बताए । उक्त युद्धमा चीनले उत्तर कोरियाको पक्षमा लडेको थियो । 

एजेन्सी
एजेन्सी

लेखकबाट थप...

कमेन्ट गर्नुहोस्