चीनलाई जवाफ दिन भारतले पनि ब्रह्मपुत्र नदीमा बाँध बनाउने

चीनले यार्लुङ जाङ्बो नदीको एक भागमा विशाल बाँध बनाउने भएपछि भारतले पनि ब्रह्मपुत्र नदीमा जलविद्युत् परियोजना निर्माणको योजना बनाइरहेको छ । 

एक भारतीय अधिकारीले भारतको यस महत्त्वाकांक्षी परियोजनाको जानकारी मंगलवार दिएका छन् । 


Advertisement

तिब्बतमा उत्पत्ति भएको यार्लुङ जाङ्बो नदी भारतमा ब्रह्मपुत्र भनी चिनिन्छ । तिब्बतबाट अरुणाचल प्रदेश हुँदै असम अनि बंगलादेशसम्म उक्त नदी बहन्छ । 

चिनियाँ परियोजनाले ब्रह्मपुत्र नदीमा बाढी ल्याउने वा पानीको कमी गराउने हो कि भनी भारतीय अधिकारीहरूले चिन्ता व्यक्त गरेका छन् । 


Advertisement

चीनको बाँध परियोजनाबाट हुनसक्ने प्रतिकूल प्रभावलाई कम गर्नका लागि अरुणाचल प्रदेशमा ठूलो बाँध बनाउने आवश्यकता रहेको भारतको जल मन्त्रालयका एक वरिष्ठ अधिकारीले रोयटर्स समाचार संस्थालाई बताए । 

उनले भने, ‘हाम्रो प्रस्तावलाई सरकारले विचार गरिरहेको छ । अनि चिनियाँ बाँधको प्रभावलाई घटाउन ठूलो जल भण्डारण क्षमता निर्माण गर्न पनि जरूरी छ ।’

भारत र चीनबीच लद्दाखमा सीमा विवादका कारण तनावपूर्ण सम्बन्ध रहेको अवस्थामा ब्रह्मपुत्रमा बाँध बनाउने योजना अर्को फ्ल्याशपोइन्टका रूपमा विकसित हुन सक्ने भनी केही विश्लेषकहरूले चेतावनी दिएका छन् । यस बाँध निर्माणले भारतको सुरक्षामा जोखिम पर्ने उनीहरूको भनाइ छ । 

एजेन्सी
एजेन्सी

लेखकबाट थप...

कमेन्ट गर्नुहोस्