चीनले भारतसँग एक लाख टन चामल किन्ने

खाद्य संकट बेहोरिरहेको चीनले भारतबाट ३० वर्षमा पहिलोपटक चामल आयात गर्ने भएको छ । भारतले चीनलाई सस्तो दरमा टुक्रे चामल दिने भएको छ । 

समाचार संस्था रोयटर्सका अनुसार, भारतका व्यापारीहरूले एक लाख टन चामल चीनतर्फ निर्यात गर्न सम्झौता गरेका छन् । 


Advertisement

भारत संसारको सबभन्दा ठूलो चामल निर्यातक देश हो भने चीन सबभन्दा ठूलो चामल आयातक मुलुक हो । 

चीनले प्रतिवर्ष ४० लाख टन चामल आयात गर्ने गरेको छ । तर केही समययता चीनले भारतको चामलमा गुणस्तरको प्रश्न उठाउँदै आयात बन्द गरेको थियो । 


Advertisement

तर प्राकृतिक विपतका कारण अहिले खाद्यसंकटको सामना गरिरहेको चीनले भारतको चामलमा गुणस्तरको प्रश्न नउठाई आयात गर्ने भएको हो । चीनमा संसारको कुल २२ प्रतिशत जनसंख्या छ भने कृषियोग्य भूमि चाहिँ ७ प्रतिशत मात्र छ । 

चीनमा औद्योगिकीकरण र शहरीकरणका कारण कृषियोग्य भूमिमा निकै कमी आएको छ । उसले २० प्रतिशत कृषियोग्य भूमि औद्योगिकीकरणकै कारण गुमाइसकेको छ । 

भारतका चामल व्यापारीहरूका अनुसार, भारतसँग सीमा विवाद चल्दा चीनले चामल किन्न थाइल्यान्ड, भियतनाम, म्यान्मार र पाकिस्तानसँग कुराकानी गरेको थियो । तर यी देशमा अतिरिक्त चामल सीमित मात्रामा रहेकाले उनीहरू चामल बेच्नका लागि प्रतिटन ३० डलर बढी लिइरहेका थिए । 

चीनले डिसेम्बर र फेब्रुअरीको बीचमा एक लाख टन टुक्रे चामल किन्ने भएको हो । यसका लागि ३०० डलर प्रति टनको मूल्य निर्धारण गरिएको छ । 
 

एजेन्सी
एजेन्सी

लेखकबाट थप...

कमेन्ट गर्नुहोस्