अग्नि खरेलले राजीनामा दिएको हल्लापछि प्रधानमन्त्रीका सल्लाहकारको यस्तो अनुरोध

प्रधानमन्त्री केपी शर्मा ओलीका प्रेस सल्लाहकार सूर्य थापाले महान्यायाधीवक्ता अग्नि खरेलले राजीनामा दिएको हल्लाको प्रभावमा नपर्न अनुरोध गरेका छन् ।

सामाजिक सञ्जाल ट्विटरमा लेख्दै थापाले सर्वाेच्च अदालतले गर्ने फैसला अघि विद्यमान सहज माहोल गिजोल्न षड्यन्त्रका साथ सक्रिय तत्वले हल्ला फैलाएको जनाएका छन् ।


Advertisement

‘महान्यायाधीवक्ता अग्नि खरेलले राजीनामा गर्नुभएको भनी आज बिहानैदेखि फिजाइएको गलत हल्ला खेदजनक छ,’ थापाले लेखेका छन्, ‘प्रतिनिधि सभाको विघटन बारेमा परेका रिटहरूमा सर्वाेच्च अदालतले गर्ने फैसला अघि विद्यमान सहज माहोल गिजोल्न षड्यन्त्रका साथ सक्रिय तत्वको हल्लाको प्रभावमा नपर्न अनुरोध गर्दछु ।’

यसअघि खरेलले समेत लोकान्तरसँग कुरा गर्दै आफूले राजीनामा नदिएको स्पष्ट पारिसकेका छन् ।


Advertisement

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्