चीनमा २.६५ करोड वर्षपहिले घुम्थ्यो २३ फीट अग्लो गैंडा

चीनको गान्सु प्रान्तमा जीवाश्मशेष विज्ञहरूले प्राचीन विशाल गैंडाको खोज गरेका छन् । 
 


Advertisement

लिनजिया बेसिनमा पाइएको अवशेष २.६५ करोड वर्ष पुरानो छ । यस्ता विशालकाय गैंडाहरू तिब्बतको पठारमा करोडौं वर्षपहिले पाइने गर्थे । 


Advertisement

चाइनिज एकेडमी अफ साइन्सेजका जीवाश्मशेष वैज्ञानिक ताओ तङ र उनको टोलीले यस अवशेषलाई खोजेको हो । यस जीवनलाई इन्ड्रिकोथरस पनि भनिन्छ । प्राचीन गैंडाको हालै भेटिएको प्रजातिलाई पारासेराथिरियम लिन्सीएन्स नाम दिइएको छ । 

ताओले यसको खोज सन् १९८० देखि गरेकोमा अहिले आएर सफलता हात पारेका हुन् । यस गैंडाको सिंग अहिले पाइने गैंडाको जस्तो हुँदैनथियो । यो कताकता घोडा जस्तो देख्न्थ्यिो । 


Advertisement

जंगलमा घुम्ने यो गैंडाले अग्ला रुखका हाँगामा भएका पात र फल खाने गर्थ्यो । 

ताओले यस विशालकाय गैंडाको खप्पर र चिउँडोको हाड सुरक्षित अवस्थामा फेला पारेका हुन् । ताओका अनुसार, यस गैंडाको तौल २१ टन जति हुनुपर्छ । 

त्यतिखेर पृथ्वीमा हुने स्तनधारी जीवमध्ये यो सबभन्दा विशालमध्ये एक हुनुपर्छ । 
 

एजेन्सी
एजेन्सी

लेखकबाट थप...

कमेन्ट गर्नुहोस्