मातृसत्तात्मक टापु : यो ठाउँमा पुरुष छैनन्, तनाव पनि छैन !

संसारका अधिकांश भागमा पितृसत्तात्मक समाज भेटिन्छन् । राजनीतिक, आर्थिक, सामाजिक संसाधनमा पुरुषहरूकै दबदबा हुनाले महिलाहरूले निजी जीवनदेखि लिएर व्यावसायिक जीवन सबैतिर दब्नुपरेको हुन्छ । 


Advertisement

तर युरोपमा रहेको एक टापुमा पूर्णतः मातृसत्तात्मक समाज छ । एस्टोनिया भन्ने देशमा रहेको बाल्टिक सागरको किह्नु टापुमा चारवटा गाउँ छन् । त्यहाँ लगभग एक हजारजना बस्छन् । 


Advertisement

त्यहाँ संसारभरिका पर्यटकहरू घुम्न आउँछन् र त्यहाँको पर्यटन व्यवसाय महिलाहरूले नै चलाउँछन् । 
 

किह्नुलाई युरोपको अन्तिम मातृसत्तात्मक समाज मानिन्छ । त्यहाँ १९औं शताब्दीतिरैबाट पुरुषको संख्या घट्न थालेको थियो । माछा मार्न जाने र शिकारमा जाने भएकाले पुरुषहरू घरबाट टाढै बस्ने गर्छन् । 


Advertisement

एकदमै कम समय उनीहरू टापुमा बस्ने हुनाले उनीहरूको प्रासंगिकता सकिएको छ । त्यहाँ पुरुष कम हुँदै र्गपछि महिलाले नै सबैथोक चलाउन थालेका छन् । 

महिलाहरू त्यहाँ बालबालिकाको पालनपोषणका साथै कृषि, परम्परागत सिलाइबुनाइ र हस्तशिल्प जस्ता काम गर्छन् । विभिन्न सामाजिक संस्कारहरू पनि उनीहरूले नै गर्छन् ।

टापुको पहिलो प्राथमिकता बच्चाबच्ची, त्यसपछि समुदाय अनि मात्र पुरुष हुन् । 

महिलाहरूले खेती, बच्चाको लालनपालन र दैनिक जीवका जिम्मेवारीहरू सन्तुलन मिलाएर गर्छन् । 

पुरुष नहुँदा यहाँ झैझगडा, तनाव, लडाइँ र मारकाट केही पनि छैन ।

यस टापुलाई युनेस्को कल्चरल हेरिटेज अफ ह्युमानिटी लिस्टमा पनि संलग्न गरिएको छ । 

एजेन्सी
एजेन्सी

लेखकबाट थप...

कमेन्ट गर्नुहोस्