विदेशीले तालिम दिएका अफगान स्नाइपरलाई तालिबानले गर्‍यो हत्या

बेलायतको विशेष फौजसँग मिलेर काम गरेका एक अफगान स्नाइपरलाई तालिबानले उनकै परिवारअगाडि हत्या गरेको छ । 


Advertisement

नूर नामक ती स्नाइपरलाई काबुलमा उनको बहिनीको घरमा भेटेको हो । त्यसपछि दुईजना बन्दूकधारीले उनलाई भुइँमा लडाएर छातीमा तीनवटा गोली हानेका थिए । 


Advertisement

बेलायतले तालिम दिएको अफगान इकाइ सीएफ३३३ का उनी सदस्य थिए । तालिबानले काबुल कब्जा गरेपछि अरूलाई उद्धार गरिएको भए पनि उनी काबुलमै थिए । उनले अन्य स्थानमा जानका लागि निवेदन दिए नदिएको स्पष्ट छैन । 

यस हत्याले बेलायती सेनाका सदस्यमा आक्रोशको लहर छाएको छ । 


Advertisement

नूरलाई उनकी पत्नी र पाँच बालबालिकाकै अगाडि गोली हानेर हत्या गरिएको हो । 

पश्चिमी फौजसँग काम गरेका मानिसको खोजीमा तालिबान अहिले घरघर गइरहेका छन् । 

नूरका साथी रफी होत्तकले बताए, ‘नूरलाई धेरैपटक ज्यान मार्ने धम्की आएको थियो । उनलाई ज्यानको डर थियो । बेलायत र उनीहरूको साझेदारलाई समर्थन गर्नेहरूले यस्तो स्थिति भोग्नुपरेको छ ।’
 

एजेन्सी
एजेन्सी

लेखकबाट थप...

कमेन्ट गर्नुहोस्