सुकुमबासी वस्तीको दशैं कथा- 'हाम्रा लागि के दशैं के तिहार' [भिडियो]

विश्वास खनाल
विश्वास खनाल

खनाल लोकान्तरका मल्टिमिडिया संवाददाता हुन् ।

गाउँघर, शहरबजार जताततै दशैंको माहोल छ । दशैंमा नयाँ लुगा लगाउने, मीठोमसिनो खाने, आफन्तजनसँग बसेर रमाइलो गर्ने गरिन्छ । काममा बाहिर रहनेहरू पनि दशैंको मौकामा घर फिर्छन् । 


Advertisement

तर, थापाथलीस्थित सुकुम्वासी बस्तीमा बस्ने ५७ वर्षीया जानुका पोखरेलका छोरा भने ८ वर्ष भइसक्दा पनि घर फर्केका छैनन् । कारणबारे जानुका भन्छिन्, ‘जेठो छोरो यहाँको दुःख देखेर नेपाल फर्किनै मान्दैन, उसलाई दशैंमा टीका नगलगाएको ८ वर्ष भइसक्यो ।’


Advertisement

उनी यो वस्तीमा बस्न थालेको १४ वर्ष भयो । मोरङकी उनी जग्गाजमिन केही नभएपछि श्रीमान् र बालबच्चासहित यहाँ आएकी रहिछन् । 

‘घरबहालमा बस्दै आएकी थिएँ, २०६४ मा माओवादीले यो जग्गामा भूमिहीनलाई बस्ने व्यवस्था गरेपछि यहाँ आएकी हुँ,’ उनले भनिन् । जसोतसो कमाएको रकम र ऋण गरेर उनले घर नबनाएको पनि होइन । तर, बाबुराम भट्टराई सरकारका पाला घर भत्काइदिएपछि उनी फेरि घरबारविहीन भइन् । 


Advertisement

त्यतिबेलादेखि उनलाई दशैं दशैंजस्तो लाग्दैन रे । भन्छिन्, ‘सुकुम्वासीका लागि दशैं के राम्रो हुनु ?’

उनीजस्तै थुप्रै सुकुम्वासीहरू बस्ने वस्तीमा दशैंले छोएको छैन । सुनसान छन् । अन्य दिन जसरी बित्थ्यो, चाडपर्वका बेला पनि उसै गरी विना रमाइलो बिताइरहेछन् सुकुम्वासीहरू । 

बल्खु पुलस्थित सुकुम्वासीवस्तीमा भाडा तिरेर बस्ने सुशीला बोम्जनलाई पनि दशैं रमाइलो लागेको छैन । ‘श्रीमान ज्यालामजदुरी गर्नुहुन्छ, त्यो पनि एक दिन काम भयो भने पाँच दिन काम हुँदैन,’ उनले भनिन्, ‘अनि हाम्रा लागि के दशैं के तिहार ?’

विश्वास खनाल
विश्वास खनाल

लेखकबाट थप...

कमेन्ट गर्नुहोस्