गृह प्रदेश आएका प्रधानमन्त्री देउवाले भने : काठमाडौं फर्केर राहत प्याकेज घोषणा गर्छु

लखन चाैधरी
लखन चाैधरी

लखन चौधरी लोकान्तरका लागि सुदूरपश्चिम प्रदेश प्रतिनिधि हुन् । 

गृह प्रदेश आएका प्रधानमन्त्री देउवाले भने : काठमाडौं फर्केर राहत प्याकेज घोषणा गर्छु

प्रधानमन्त्री शेरबहादुर देउवाले काठमाडौं फर्केर बाढी र पहिरो पीडितका लागि राहत प्याकेज घोषणा गर्ने बताएका छन् ।


Advertisement

सुदूरपश्चिम दौडाहामा रहेका प्रधानमन्त्री देउवाले शुक्रबार धनगढीमा आयोजित पत्रकार सम्मेलनलाई सम्बोधन गर्दै सो कुरा बताएका हुन् । 


Advertisement

उनले पछिल्लो वर्षाले देशको पूर्व र पश्चिम क्षेत्रमा धेरै ठूलो क्षति पु¥याएको बताउँदै अल्पकालीन र दीर्घकालीन राहत र पुनर्निर्माणको योजनाहरु ल्याउने समेत बताए ।

उनले, ‘सुदूरपश्चिममा ठूलो संख्यामा मानवीय क्षति भएको छ । पूर्वाधारहरु क्षतविक्षत छन् । बाटो छैन, विजुली छैन । किसानको धानबालीमा ठूलो क्षति भएको छ । म त्यहाँ पनि जाँदैछु । अहिले उद्धार र राहतको काम भइरहेको छ । दीर्घकालीन योजना बनाएर काम गर्नुपर्नेछ ।’


Advertisement

अविरल वर्षापछि आएको बाढी र पहिरोले क्षति पुर्याएपछि उनी बिहीबार सुदूरपश्चिम आएका हुन् ।

यसैबीच काँग्रेस सभापति समेत रहेका प्रधानमन्त्री देउवाले एमसीसी पारित हुने बताएका छन् ।

एमसीसीबारे गलत प्रचार गरिएको भन्दै उनले नेपालको कानूनको अधिनमा हुने गरी लागु हुने बताएका हुन् ।

एमसीसी फिर्ता हुन्छ कि, संशोधन हुन्छ भन्ने जिज्ञासामा उनले भने, ‘यसमा केही गर्नुपर्ने नै छैन । झुठ्ठा प्रचार गरिएको छ । एमसीसी अनुदान हो । यसमा नेपालको कानून लागु हुन्छ । नेपालको कानूनभन्दा तल हुन्छ ।’
 

लखन चाैधरी
लखन चाैधरी

लेखकबाट थप...

कमेन्ट गर्नुहोस्