नेपालको स्याटेलाइट प्रक्षेपणका लागि आठ कम्पनीको प्रस्ताव

नेपालको स्याटेलाइट प्रक्षेपणका लागि आठ कम्पनीको प्रस्ताव
सन्दर्भ तस्बिर

अन्तरिक्षमा  आफ्नै   भू–उपग्रह   (स्याटेलाइट)   प्रक्षेपण   गर्ने सरकारको नीतिअनुसार परामर्श सेवा दिन आठवटा  अन्तर्राष्ट्रिय  कम्पनीले  प्राविधिक  र  आर्थिक प्रस्ताव पेस गरेका छन् । नेपाल दूूरसञ्चार प्राधिकरणका अध्यक्ष पुरुषोत्तम खनालले प्राधिकरणको आह्वानमा ती कम्पनीले प्रस्ताव पेस गरेको बताए ।


Advertisement

उनले अन्तरिक्षमा नेपालको आफ्नै भू–उपग्रह (स्याटेलाइट) प्रक्षेपण गर्नका लागि त्यसको नियमन,  कानुनी  संरचना,  व्यावसायिक  ढाँचा  र  बिड  डकुमेन्ट  तयार  गर्न  पाँच  कम्पनीसँग प्रस्ताव माग गरिएकोमा आठवटा अन्तर्राष्ट्रिय  कम्पनीले  प्रस्ताव  पेस  गरेको  जानकारी दिए । प्राविधिक  र  आर्थिक  मूल्याङ्कनको  प्राप्ताङ्क  क्रमशः  ८०  र  २०  हुन्छ  ।  दुईवटै  मूल्याङ्कनमा उत्कृष्ट अङ्क प्राप्त गर्ने एउटा कम्पनी छनोट भई सो कम्पनीसँग कार्य सम्झौता गरी प्रक्षेपणसम्बन्धी काम सुरु हुनेछ । प्राधिकारणले असोज ३१ सम्म आशयपत्र बुझाउन प्राधिकरणले समयसीमा तोकेकोमा सो अवधिमा दशैँ बिदा परेकाले पाँच दिन समय थप  गरेको  थियो  ।  सोही  अवधिमा  ती  आठ  कम्पनीले प्रस्ताव पेस गरेको खबर गोरखापत्रमा छापिएको छ ।


Advertisement


Advertisement

छापाबाट
छापाबाट

लेखकबाट थप...

कमेन्ट गर्नुहोस्