आन्दोलनलाई कडा बनाउँदै बार, देशैभर बन्दी प्रत्यक्षीकरणबाहेकका मुद्दामा बहस नगर्ने

आन्दोलनलाई कडा बनाउँदै बार, देशैभर बन्दी प्रत्यक्षीकरणबाहेकका मुद्दामा बहस नगर्ने
फाइल तस्वीर।

प्रधानन्यायाधीश चोलेन्द्रशमशेर जबराको राजीनामा माग गर्दै निरन्तर धर्नामा बसिरहेको नेपाल बार एशोसियसनले आन्दोलनका थप कार्यक्रमहरू सार्वजनिक गरेको छ । 


Advertisement

बारको शुक्रवार बसेको बैठकले थप आन्दोलनका कार्यक्रमहरू सार्वजनिक गर्दै देशभरका बार एकाइहरूलाई पत्राचार गरेको हो । 


Advertisement

कार्यक्रमअनुसार आइतवार देशभरका सबै अदालतमा बन्दी प्रत्यक्षीकरणबाहेकका मुद्दामा बहस पैरवी नगर्ने, मंसिर ६ गते देशभरका अदालतहरूमा बिहान १० बजेदेखि १२ बजेसम्म कालोपट्टीसहित धर्ना र विरोध सभा गर्ने, केन्द्रीय संसद्मा रहेका सबै राजनीतिक दलका संसदीय दलहरूमा ज्ञापनपत्र तथा ध्यानाकर्षणपत्र दर्ता गराउने, ७ गते हदम्याद गुज्रने अवस्थाको अन्तिम म्याद बाहेक कुनै पनि अदालत, न्यायाधीकरणहरुमा फिराद, प्रतिउत्तर, पुनरावेदन, रिट, लिखित जवाफ, बहसनोट केही पनि दर्ता नगर्ने, ८ गते देशका १८ वटा उच्च अदालत तथा उच्च अदालत रहेका स्थानमा तत् तत् क्षेत्राधिकारभित्रका कानून व्यवसायीहरूको सहभागितामा वृहत विरोधसभा आयोजना गर्ने निर्णय गरिएको छ । 

त्यस्तै ९ र १० गते काठमाडौं उपत्यकाका सबै बार एकाईका सदस्यहरूको सहभागितामा सर्वोच्च अदालत केन्द्रित विरोध तथा आन्दोलनका कार्यक्रमलाई निरन्तरता दिने बताइएको छ । 


Advertisement

साथै २४ देखि २६ गतेसम्म पोखरामा हुने भनिएको राष्ट्रिय सम्मेलन हाललाई स्थगित गरिएको महासचिव लीलामणि पौडेलले जानकारी दिए । 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्