कहिलेसम्म आमनेसामने रहन्छन् भारत र चीन ?

कहिलेसम्म आमनेसामने रहन्छन् भारत र चीन ?

भारत र चीनले वास्तविक नियन्त्रण रेखामा ५० हजारभन्दा बढी सैनिकहरू आमनेसामने छन् । 


Advertisement

तनाव कम गर्नका लागि १३ चरणमा भएका वार्ता विफल रहे । गत बिहीवार भारत र चीनका कूटनीतिकर्मीहरूको बैठक बसेको थियो । त्यसमा सैन्य कमान्डरहरूको १४औं चरणको बैठकका लागि स्वीकृति दिइएको छ । 


Advertisement

दुवै देशले विवाद समाधान नहुन्जेल स्थितिलाई स्थिर राख्न सहमति जनाएका छन् । तर दुईमध्ये एक पक्ष झुके मात्र समाधान आउने हो । 

विगत १८ महिनादेखि दुवैतर्फका सैनिकहरू सीमामा खटिएका छन् । दोस्रोपटक उनीहरू जाडोको मौसममा खटिएका हुन् । 


Advertisement

गत १६ नोभेम्बरमा भारतीय स्थलसेना र वायुसेनाले साझा अभ्यास गरेका थिए । उनीहरू अर्को वर्षको जाडो महिनामा युद्ध भएमा फरक फरक मोर्चामा सैनिक सामग्री सहित पुग्ने तयारीको जाँच गरिरहेका थिए । 

भारतले उत्तरी सेक्टर र सम्भावित संघर्ष क्षेत्रमा आवश्यक सामग्री पुर्‍याउने व्यवस्थालाई कसरी बलियो बनाउने भनी हाई इन्टेन्सिटी अभ्यास गरिएको बताएको छ । 

उक्त अभ्यासमा भारतीय वायुसेनाले आफूसँग भएको सबभन्दा ठूलो ग्लोबमास्टर मालवाहक विमानहरूका साथै रुसी आईएल–७६ र एएन–३२ परिवहन विमानको उपयोग गरी स्थलसेनाका लागि आवश्यक सामग्री र हतियार पुर्‍याउने क्षमता जाँचेको थियो । 

दुई सेनाबीचको तालमेल कसरी मिलाउने भनी अभ्यासमा देखिएको थियो । 

उता चिनियाँ जनमुक्ति सेनाले नोभेम्बर ८ मा उसका जवनाहरू एक हप्तासम्म पश्चिमी पठार क्षेत्रमा युद्धाभ्यास गरेको बताएको छ । नोभेम्बर महिनाको आरम्भमा भारतीय सैनिकहरूले युद्धाभ्यास गरेपछि आफूले पनि गरेको चीनको भनाइ छ । 

उक्त युद्धाभ्यासमा चीनले आफ्नो सम्प्रभुता रक्षा गर्न आफू सक्षम रहेको देखाउन खोजेको छ । त्यसअघि सिन्च्याङ मिलिटरी कमान्डले स्थल र वायुसेनालाई एकैसाथ अभ्यास गराएको थियो । 

लगातार दोस्रो जाडो मौसममा भारत र चीनले आआफ्नो नियन्त्रणमा रहेको इलाकामा युद्धको शंखनाद गरेका छन् । दुवै सेनाले आफ्नो शस्त्र भण्डारको सबभन्दा घातक तोप, क्षेप्यास्त्र, लडाकू विमान र ड्रोन तैनाथ गरेका छन् । त्यसबाहेक आणविक हतियारहरूको शक्ति पनि छ । 

भारतीय सेनाले ३०० किलोमिटरसम्म मार हान्ने ब्रह्मोस क्षेप्यास्त्र, ४० किलोमिटर परसम्म हान्ने होवित्जर तोप, आणविक बम खसाउन सक्ने सुखोई–३० तैनाथ गरेको छ । चीनले भारतको रफाल लडाकू विमानलाई खसाउन रुससँग किनेको एस–४०० एन्टीमिसाइल प्रणाली तैनाथ गरेको छ । 

भारतीय सेनाले पनि एस–४०० मिसाइल तैनाथीको तयारी गरिरहेको छ । 

यी दुई देश एकअर्कालाई झुकाउनका लागि तामझाम गर्दैछन् कि युद्ध गर्ने नै यिनीहरूको उद्देश्य हो भन्न गाह्रो छ । 

एजेन्सी
एजेन्सी

लेखकबाट थप...

कमेन्ट गर्नुहोस्