बडुवाल हत्या प्रकरण किनारा नलाग्दै कैलालीको लम्की पुनः तनावग्रस्त

बडुवाल हत्या प्रकरण किनारा नलाग्दै कैलालीको लम्की पुनः तनावग्रस्त

महिना दिन नपुग्दै कैलालीको लम्की पुनः तनावग्रस्त बनेको छ ।


Advertisement

भूपेन्द्र बडुवाल हत्या प्रकरण किनारा नलाग्दै बिहीवार ट्रकको ठक्करबाट १ महिलाको मृत्यु भएपछि लम्की पुनः तनावग्रस्त बनेको हो ।


Advertisement

जिल्ला प्रहरी कार्यालय कैलालीका प्रवक्ता तथा प्रहरी नायब उपरीक्षक (डीएसपी) प्रतीक बिष्टका अनुसार ट्रकको ठक्करबाट टीकापुर नगरपालिका–२ की ४० वर्षीया गोमा थापाको मृत्यु भएको छ । 

पूर्वपश्चिम राजमार्गअन्तर्गत लम्की बजारमा ना२ख ९३७० नम्बरको ट्रकले ठक्कर दिएको थियो । उनको घटनास्थलमै मृत्यु भएपछि राजमार्ग अवरुद्ध गरिएको छ । 


Advertisement

स्थानीयले राजमार्गमा प्रदर्शन गर्न थालेका छन् भने भीड नियन्त्रण गर्न प्रहरीले आधा दर्जन बढी सेल अश्रुग्यास प्रहार गरेको छ । लम्की बजार पनि बन्द गरिएको छ । 

यसैबीच, आक्रोशित भीडले ठक्कर दिने ट्रकमा आगजनी गरेका छन् । घटनापछि राजमार्ग अवरुद्ध गरिएको छ । 

लम्कीचुहा नगरपालिका–१ का बडुवालको गत कात्तिक २३ गते राति टीकापुर नगरपालिका १ स्थित सिद्धार्थ होटलनजिकै हत्या भएको थियो । प्रहरीले हालसम्म हत्याको चुरो पत्ता लगाउन सकेको छैन । घटनाले पनि लम्की क्षेत्र २ दिनसम्म तनावग्रस्त बनेको थियो ।
 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्