×

X
Dabur
Nic Asia
Marvel

कांग्रेस महाधिवेशनको समीक्षा

‘१४ औं महाधिवेशनमा सम्झौता, १५ औं मा नेतृत्व भनेका थियौं, तयारी शुरू गरिसक्यौं’

काठमाडाैं | पुस ६, २०७८

TVS INSIDE

कांग्रेसको महाधिवेशनको समीक्षा गर्नुपूर्व राजनीति र देशको अवस्थाबारे केही कुरा गरौं । मेरो देश प्राकृतिक रूपले धेरै नै सुन्दर देश छ । देश हाँक्ने व्यक्ति दूरदर्शी हुँदा अरबका मरुभूमि स्वर्ग बन्दो रहेछ । हिउँ नै हिउँको युरोप पनि स्वर्ग बन्दोरहेछ । यति सुन्दर प्रकृतिको उपहार हाम्रो देश कहिल्यै विकसित भएन ।

IME BANK INNEWS
morang Auto yamaha

यति स्रोत साधन भएको देश, यति राम्रो क्लाइमेट भएको देशका जनताहरू अमेरिका र युरोपको भिसा पाउनका लागि नागरिकता छाड्न राजी हुनुपर्ने स्थिति छ । देशमा गरीबी अत्यन्त बढ्यो । विकास सन्तुलित भएन । हामीले बनाएका सडक मान्छे मार्ने धराप जस्ता भए । नेपालको भू–बनोट अनुसारको विकास हुन सकेन ।


Advertisment
NMB BANK
RMC TANSEN
Saurya island

प्रकृतिक स्रोत साधनसँग नेपाली जनतालाई जोड्न सकिएन । ग्लोबल भिलेजमा आफ्नो संस्कृतिलाई कसरी जोड्दै जाने भन्ने सोच नहुँदा अहिलेको नेतृत्व, जो २०४६ सालबाट हामीले देख्दै आइरहेका छौं, उसले जनताका आशा अपेक्षा पूरा गर्न सकेन । विकासले गति लिन सकेन । 

राजनीतिक नेतृत्व असफल भएको निष्कर्षसाथ चार वर्षअघि कांग्रेसका केही युवा साथीहरूलाई बोलाएर मैले भनें– वर्तमान नेतृत्वको कारणले नेपालको विकास गर्न अवसर पाएनौं । तिमीहरूले केही गर्ने कि मेरोजस्तो कपाल मात्र फुलाउने ? त्यसपछि बीपीको मेलमिलापको दिन एउटा वक्तव्य जारी गरेर यो अभियान शुरू गरेका थियौं । 

Vianet communication
Maruti inside

त्यो बेला नै १४ औं अधिवेशन हाम्रो सम्झौता हो, १५ औं महाधिवेशन हाम्रो नेतृत्व हो भनेर भनेका थियौ । यो अभियान शुरू गर्दा धेरै पुराना नेताहरू रिसाउनुभयो । उहाँहरू हामीसँग हिँड्न सक्नु भएन । तर, हाम्रो राजनीतिक अभियानले गति लिएको छ । 

नेपाली कांग्रेसको यो अधिवेशनले अप्ठ्यरोमा परेको नेपालको राजनीतिलाई एउटा सकारात्मक सन्देश र दिशानिर्देश गरेको छ । राजनीति भन्नेबित्तिकै घृणा गर्ने गरेको अवस्थामा कांग्रेसको नेतृत्वमा एउटा नयाँ जेनेरेसनले प्रतिनिधित्व गर्‍यो । शेरबहादुर देउवा जस्तो ८० पुग्न लागेको नेता पनि यसमा अट्नु भयो । युवा नेताहरू पनि समावेश भए । 

यसर्थ निराशातर्फ जाँदै गरेको नेपालको राजनीतिलाई कांग्रेसको महाधिवेशनले इन्जेक्सनको काम गर्‍यो । राष्ट्र निर्माणका अवयवहरू विकसित हुने क्रममा नेपालमा अब यो जेनेरेसनले पार्टीलाई सही दिशामा लैजाने अपेक्षा गर्न सकिन्छ । हामीले एउटा अभियान चलायौं कि पार्टीहरू सुध्रिए भने नेपालको राजनीति सुध्रिन्छ । राजनीति सुध्रियो भने नेतृत्वमा सही मान्छे आउँछ भन्ने हाम्रो अभियान हो । यसले धेरै सफलता हासिल गरेको छ । 

कांग्रेसभित्रको प्रगतिशलील अलायन्सको भविष्य

कांग्रेसको पुनर्जागरणका लागि डा. शेखर कोइरालाको नेतृत्वमा बनेको यो प्यानल कायमै रहन्छ । नेपालमा नयाँ जेनेरेसनको भविष्य छ । कांग्रेस कार्यकर्तालाई उत्साहित बनाउन राष्ट्रका लागि जुन टीम बनाएका थियौं, त्यसमा केही साथीहरू छुट्नु भएको छ । १४ औं अधिवेशनको समाप्ति १५ औं अधिवेशनको शुरूवात हो । त्यो अभियानमा म लागिसकेको छु । हामी लागिसकेका छौं । हाम्रा साथीहरू लागिसक्नु भएको छ । 

यही टीमले मात्र नेपालको राजनीतिमा आशा जगाउन सक्छ । कम्युनिस्टहरूमा आएको निराशा र विखण्डन कांग्रेसका लागि अवसर पनि हो ।

आफ्नो सरकार गिराउन कम्युनिस्टहरूजे जे जस्ता खेल खेले त्यसबाट हामी (कांग्रेस)मा जरुर आशा त पलाएको छ नि ! त्यसकारण कांग्रेसको भविष्य उज्ज्वल छ । १४ औं अधिवेशनसम्म शेरबहादुर देउवा र रामचन्द्र पौडेल समूहको कुरा आयो । १५ औं महाधिवेशनमा देउवा, कोइराला प्यानल नभई नयाँ फ्युजन हुन्छ ।

१५ औं महाधिवेशनले नयाँ व्यक्ति र समूहलाई नेतृत्वमा लैजान्छ । कांग्र्रेसमा नयाँ नेतृत्व आउनु प्राकृतिक रूपमा आवश्यक र सत्य पनि हुन्छ ।

देउवाले गगनलाई बदल्लान् कि गगनले देउवालाई ?

शेरबहादुर देउवा नेपालका नेतामध्ये अत्यन्तै भाग्यमानी व्यक्ति पनि हो, किनभने हाम्रो पाठशालाका युवाहरू चाहे शेरबहादुरले प्रतिनिधिका रूपमा उठाएको व्यक्ति होस्, चाहे धनराजजी र गगन हाम्रो समूहबाट उठेका हुन्, चाहे प्रकाशमानजीको प्यानलबाट उठेका विश्वप्रकाश हुन्, अत्यन्त शार्प माइन्डेड युवा हुन् । अहिले देउवाको टीममा पुगेका छन् । अर्कोपटक उनीहरूलाई सँगै लिएर हिँड्नु पर्नेछ । 

शेरबहादुर देउवाले हेर्नुपर्ने ‘ट्रान्सफर्मेसन अफ माइन्ड’ र ‘टान्सफर्मेसन’ अफ सोसाइटी हो । अहिले शेरबहादुरजी असफल हुनुभएको कारण माइन्डलाई टान्सफर्मेसन गर्न नसकेकाले हो । अवसर पाएर पनि सक्नुभएन । रूपान्तरण गर्न सक्नुभएन, किनभने उहाँसँग पुरानत सोच राख्ने (ट्रेडिसनल) मान्छेको झुण्ड थियो । तर अहिले उहाँले अवसर पाउनुभएको छ । विश्वको इतिहासमा सीमित व्यक्तिले मात्र बारबार यस्तो अवसर पाउने गर्छन् । 

८० पुग्न लागेको सभापतिले भर्खरका योङहरू (नेपालको कन्टेक्स्टमा भनेको, विदेशमा त यो उमेर समूह प्रधानमन्त्री भइसकेको छ) पाउनुभएको छ । देउवाजीले यो जेनरेसनसित सहकार्य गरे मुलुकले उज्यालो भविष्य पाउछ । 

राजनीतिक कोर्ष चेन्ज या अर्ली इलेक्सन ? 

नेपाली कांग्रेसको नेतृत्व परिवर्तनका लागि भएको महाधिवेशनले राष्ट्रिय राजनीतिलाई चलायमान बनाए पनि अहिले नै कोर्ष करेक्सनमा जाँदैन । राजनीतिलाई यति धेरै असर गर्दैन ।

नेपाली जनतामा नेपालको विकासमा, शिक्षा स्वास्थ्य र पहिचानमा के प्रभाव पर्छ ? जस्तोसुकै ठूला कुरा गरे पनि नेपालको राजनीति नेताले आफ्नो स्वार्थअनुसार चलाए । पार्टीहरू पनि स्थायी हुन सकेनन् । यो राजनीतिलाई देशसित, विकाससित जोडेर गयौं भने यसले एउटा निकास दिन्छ । अहिलेको सत्ता गठबन्धनमा केही फेरबदल आउँदैन । यसलाई मजबुत गर्दै बलियो बनाउछौं । 

अमेरिकी आर्थिक सहयोग मिलेनियम च्यालेञ्ज कम्प्याक्ट (एमसीसी)लाई लिएर सत्ता गठबन्धन ढल्छ कि भन्ने खालका टिप्पणी पनि सुनिन्छन् । 

नेपालका हरेक मुद्दा व्यक्ति र स्वार्थ केन्द्रित छन् । वास्तवमा सबै कुरा राष्ट्रकेन्द्रित हुनुपर्छ । राष्ट्रलाई हित हुने कुरा गर्नुपर्छ । एमसीसीलाई यहाँसम्म ल्याउनमा केपी ओली, प्रचण्डजी, झलनाथजी, माधव नेपालजी, बाबुरामजी लगायत‘जी’हरू हुनुहुन्छ, सबै इन्भल्ब हुनुहुन्छ । सडकमा एउटा कुरा भित्र अर्को कुरा गर्नु भएन । राष्ट्रलाई फाइदा हुन्छ भने एमसीसी अनुमोदन गरुन्, हुँदैन भने नगरुन् ।

देशव्यापी रूपमा कांग्रेसको लहर

मुलुकको शासन सत्ता सञ्चालनमा कम्युनिस्टहरूको असफलतासँगै कांग्रेसको पक्षमा देशभर माहोल सिर्जना भएको छ । कांग्रेसको पक्षमा देखिएको अपार जन समर्थनलाई कसरी क्यास गर्ने भन्ने सबै कुरा शेरबहादुरजीको हातमा छ । पार्टी सञ्चालनका लागि हाम्रो पाठशालाबाट हामीले अत्यन्त योग्य र सक्षम पुस्ता देउवालाई पठाएका छौं । 

पाँच–पाँचपटक प्रधानमन्त्री भइसकेको मान्छे, दुईपटक सभापति भइसकेको मान्छे, फेरि पनि गुटमा बस्ने कि सिंगो पार्टीको नेता बन्ने भन्ने कुराको छिनोफानो गर्ने उपयुक्त समय आएको छ ।

कांग्रेसमा उदाएको सिंगो जेनेरेसनलाई लिएर जाने/नजाने जिम्मा उहाँको हातमा छ । आगामी चुनावमा कांग्रेसको विजय पराजयमा शेरबहादुरजीको मुख्य हात हुन्छ । हाम्रो विचार समूह गुट–उपगुट र भागबण्डामा लाग्दैनौ । तर कांग्रेसभित्र योग्यले समान अवसर पाउनुपर्छ भन्ने दबाबमा हामी लाग्छौं । शेरबहादुरजी कहाँ उभिनुहुन्छ, त्यसमै कांग्रेसको भविष्य जोडिन्छ । 

कांग्रेसबाहेक जनतासामु विकल्प पनि छैन । गत चुनावमा जनताले नेकपालाई भोट दिएकै हुन् । उनीहरू कुकुर बिरालो जस्तै मारामार गरेर पार्टी फुटाएपछि कांग्रेसप्रति जनताको भरोसा बढेको छ । कांग्रेसमा नयाँ र युवा नेतृत्व आएको छ भनेर पनि आशा बढेको छ । 

(नेता भण्डारीसँग लोकान्तरका लागि सुशील पन्तले गरेको कुराकानीमा आधारित)
 

TATA Below
NLIC
जेठ १९, २०७९

राजनीतिक दलहरू स्थानीय तह निर्वाचनको नतिजा विश्लेषण र आगामी चुनावी रणनीति बनाउने काममा व्यस्त छन् । स्थानीय तह चुनावबाट ठूलो दल बनेको कांग्रेसभित्र आगामी प्रदेश र प्रतिनिधि सभाको निर्वाचनबारे अनौपचारिक छलफल शु...

असार २७, २०७९

मस्कोमा बस्ने अमेरिकी राजनीतिक विश्लेषक एन्ड्रु कोरीब्को विश्व मामिलामा व्यापक टिप्पणी गर्ने गर्छन् । विश्व व्यवस्थामा आइरहेका परिवर्तन तथा अन्तर्राष्ट्रिय सम्बन्धमा विकसित बहुध्रुवीयताका बारेमा कोरीब्कोको गहिरो बुझाइ छ ।...

जेठ २५, २०७९

स्थानीय तहको निर्वाचनमा जुन अपेक्षा गरिएको थियो त्यसअनुसारको नतिजा आएन । तर, जुन नतिजा आएको छ त्यो नै नकरात्मक भयो भन्ने चाहिँ होइन ।  अपेक्षा अनुसारको नजिता नआउनुमा विविध कारणहरू छन् । सबैभन्दा पहिल...

जेठ १२, २०७९

जनता समाजवादी पार्टीका कार्यकारिणी समिति अध्यक्ष उपेन्द्र यादवले गठबन्धनका घटक दलहरूबाट जसपाका उम्मेदवारलाई हराउनका लागि राजनीतिक षड्यन्त्र र बेइमानी भएको आरोप लगाएका छन् । लोकान्तरसँगको अन्तर्वार्तामा उनले गठब...

असार १४, २०७९

पूर्वप्रधानमन्त्री एवं नेकपा एसका सम्मानित नेता झलनाथ खनाल अमेरिकी आर्थिक सहयोग कार्यक्रम मिलेनियम च्यालेञ्ज कर्पोरेसन (एमसीसी) र सैन्य सहयोग राज्य साझेदारी कार्यक्रम (एसपीपी)को विरोधमा 'फ्रन्टलाइन'मा उभिने...

जेठ ९, २०७९

राजनीतिक र औद्योगिक शहरका रूपमा चिनिएको १ नम्बर प्रदेशको राजधानी विराटनगरले २०७९ वैशाख ३० गते भएको निर्वाचनबाट लामो राजनीतिक पृष्ठभूमि बोकेको परिवारका नागेश कोइरालालाई मेयर बनाएको छ । विराटनगरको बागडोर ...

अत्यावश्यक ६ सुधार जसले न्यूनीकरण गर्नसक्छ सहकारीमा व्याप्त विकृति

अत्यावश्यक ६ सुधार जसले न्यूनीकरण गर्नसक्छ सहकारीमा व्याप्त विकृति

साउन २३, २०७९

नेपालको आर्थिक विकासमा सार्वजनिक, निजी र सहकारी ३ खम्बे नीतिलाई अवलम्बन गरिएको छ । संविधानमा समाजवादको परिकल्पनासहित सार्वजनिक, निजी र सहकारी क्षेत्रको प्रवर्द्धन गरी तीब्र दीगो आर्थिक विकासको मार्गनिर्देशन भएको ...

'कुकुर्नी कमिनीको बकपत्र'

'कुकुर्नी कमिनीको बकपत्र'

साउन २२, २०७९

थुक्क कुकुर्नी भनेर कडा स्वभावका आमाहरूले आफ्ना छोरीलाई गाली गर्दा 'त्यसो नभन्नु न यार' भनेर मैले धेरैपटक खिन्नता प्रकट गरेको छु । तर, मलाई पनि आमाले यदाकदा कुकुर भनेर सम्बोधन गर्नुभएको छ । धन्न पण्डित ...

राजनीतिसँगका जनअपेक्षा– अवस्था बदल्ने कि नेता ?

राजनीतिसँगका जनअपेक्षा– अवस्था बदल्ने कि नेता ?

साउन २२, २०७९

राजनीति एउटा त्यस्तो विशेष नीति, दर्शन वा मार्गचित्र हो जसका माध्यमबाट नागरिक जीवनलाई सुखद्, सहज र प्रतिष्ठापूर्ण बनाउन सकिन्छ । यो कठोर साधना पनि हो । राजनीतिले सार्वजनिक जीवनलाई सदैव उच्च महत्त्व दिन्छ र आफ्नो घो...

ad
x