×

Nic Asia
Marvel

दक्षिण एसियामा चर्किँदो अर्को एक सीमा विवाद

पाकिस्तान–अफगानिस्तान सीमामा तनाव : के हो ‘डुरान्ड लाइन’ र तारबार विवादको खास कारण ?

काठमाडाैं | पुस २१, २०७८

NTC
Photo : Akhter Gulfam/EPA
TVS INSIDE

पाकिस्तान र अफगानिस्तानबीच रहेको २६ सय ७० किलोमिटर सीमाक्षेत्रमा तारबार लगाउने विषयमा चलिरहेको विवाद लम्बिने संकेत देखिएको छ । 

IME BANK INNEWS
morang Auto yamaha

अफगानिस्तानको नानगढहर प्रान्तसँग जोडिएको सीमामा पाकिस्तानी सुरक्षाबलले लगाएको तारबारलाई अफगानिस्तानका तालिबानले हटाइदिएका छन् । गत डिसेम्बर महिनामा उनीहरूले तारबार हटाउने क्रममा ‘यो तिमीहरूको सिमाना हैन’ अनि ‘यहाँ आयौ भने हामी गोली हानिदिन्छौं’ समेत भनेको भिडियोहरू सार्वजनिक भएका थिए । 


Advertisment
NMB BANK
Saurya island

त्यस घटनाको केही दिनपछि अफगानिस्तानको निमरोज प्रान्तमा पाकिस्तानी सेनाले तारबार लगाउन खोज्दा तालिबानले रोकेको अफगान सञ्चारमाध्यमले खबर दिएका थिए । पाकिस्तानी सैनिकहरूले निमरोजमा रहेको चाहर बुर्जाक जिल्लामा आफ्नो बोर्डर आउटपोस्ट बनाउन खोजेपछि तालिबानले रोकेको बताइन्छ । पाकिस्तानी सेना अफगान भूमिको १५ किलोमिटर भित्रसम्म गएको र चेकपोस्ट बनाउन खोजेको प्रत्यक्षदर्शीहरूलाई उद्धृत गर्दै खामा नामक अफगान सञ्चारमाध्यमले खबर दिएको थियो । 

यसैबीच पाकिस्तानका गृहमन्त्री शाह महमूद कुरैशीले सीमामा तारबारको काम जारी राख्ने र यस विषयमा उठेका समस्यालाई कूटनीतिक माध्यमले समाधान गरिने बताएका छन् । तर तालिबानका प्रवक्ता जबीउल्लाह मुजाहिदले तारबार परियोजनाको आलोचना गर्दै डुरान्ड लाइनमा तारबार लगाउने तथा सीमाका आधारमा कबिलाका परिवारलाई छुट्ट्याउने अधिकार पाकिस्तानसँग नरहेको बताएका छन् ।

Vianet communication
Maruti inside

बेलायतले भारतलाई उपनिवेश बनाएको बेलामा सन् १८९३ मा पछि बनेको पाकिस्तान र अफगानिस्तानबीच डुरान्ड लाइन नामक सीमारेखा कोरिएको थियो । बेलायती र रुसी साम्राज्यबीच एसियामा आधिपत्यका लागि भएको प्रतिस्पर्धा (द ग्रेट गेम) का क्रममा यो कृत्रिम रेखा कोरिएको थियो । अफगानिस्तानलाई मध्यवर्ती (बफर) राज्य बनाएको बेलायतका लागि ब्रिटिश इन्डियन सरकारका सचिव सर मोर्टाइमर डुरान्ड र तत्कालीन अफगान शासक अब्दुर रहमान खानबीच सीमारेखा निर्धारणका विषयमा सहमति भएको थियो ।

सीमाले उक्त क्षेत्रमा रहेका पश्तुन कबिलाहरूको संवेदनशीलतालाई विचार नगरेको जिकिर पश्तुनहरूले गर्दै आएका छन् । सीमाका कारण कबिला परिवारहरू अनाहकमा दुई देशमा छुट्टिएर बस्नुपरेको गुनासो उनीहरूले गर्दै आएका छन् । 

पाकिस्तानले अफगानहरूको आपत्तिलाई खारेज गर्दै आफूले सन् १९४७ मा बेलायती उपनिवेशबाट स्वतन्त्रता पाएपछि अन्तर्राष्ट्रिय सीमा विरासतमा प्राप्त गरेको र यसैलाई मान्नुपर्ने बताउने गरेको छ । तर अफगानिस्तानले उपनिवेशकालीन सीमालाई नमान्ने बताएको छ । 

सीमामा तारबार लगाइँदा त्यसले दुई राष्ट्रबीचको अन्तरलाई औपचारिकता दिने र कबिलामा विग्रह ल्याउने अफगानहरूको धारणा छ । हुन पनि डुरान्ड लाइनलाई स्थायी सीमाका रूपमा विकसित गर्ने पाकिस्तानी रणनीतिअन्तर्गत नै तारबारको काम अघि बढाइएको हो ।

त्यसो त पाकिस्तानले सन् २०१७ देखि नै सीमामा तारबार लगाइरहेको हो । त्यसको एक वर्षअघि अफगानिस्तानमा रहेका पाकिस्तानी लडाकू समूहहरूबाट सुरक्षाबलमाथि हिंस्रक आक्रमण भएपछि तारबार लगाउन थालिएको हो ।

त्यसबाहेक सीमापार हुने लागूऔषध र हतियारको तस्करी रोक्न पनि पाकिस्तानले तारबार लगाएको हो । संसारमा गरिने अफिमको आपूर्तिमध्ये ८० प्रतिशतभन्दा बढी अफगानिस्तानबाटै हुने गरेको आँकडा संयुक्त राष्ट्रसंघसँग छ । अफगानिस्तानमा उत्पादित अफिमको लगभग ४५ प्रतिशत पाकिस्तानको बाटो हुँदै पश्चिम एसिया, अफ्रिका र युरोप पुग्ने गरेको छ । 

तालिबानले डुरान्ड सीमालाई नै नमान्ने भनेर यस विवादलाई थप पेचिलो बनाएको छ । यसलाई कूटनीतिक माध्यमले हल गर्ने भनी दुवै पक्षले बताए पनि यो सहजै समाधान हुने विषय हैन ।

सीमाका धेरै भागमा तारबार लगाइसकिएको छ र बाँकी रहेका केही भागमा अहिले तालिबानले अवरोध गरिरहेको हो ।

अमेरिकाले २० वर्षअघि अफगानिस्तानमा आक्रमण गरेर तालिबान शासन ढालेपछि डुरान्ड लाइनरूपी खुला सीमाको दुरुपयोग गर्दै हक्कानी नेटवर्क, अलकायदा र तेहरीक–ए–तालिबान जस्ता आतंककारी समूहहरूले अफगानिस्तान र पाकिस्तान दुवैमा आक्रमण गर्ने गरेका थिए । पाकिस्तानले अफगान तालिबान र हक्कानी नेटवर्कलाई आश्रय दिएर अफगान सरकारलाई अस्थिर बनाउन योगदान गरेको आरोप पूर्ववर्ती गानी सरकारले लगाउने गरेको थियो । उता पाकिस्तानले चाहिँ अफगानिस्तानमा पाकिस्तानी तालिबानलाई आश्रय दिइएको गुनासो गर्ने गरेको थियो । 

सीमामा तारबार लगाएर पाकिस्तानलाई धेरै फाइदा पुगेको तर्क अलजजीरा डट्कममा अब्दुल बसितले गरेका छन् । उनका अनुसार, पाकिस्तानले सन् २००७ देखि आतंकवादी समूहहरूविरुद्ध चलाएको कारवाहीका कारण ती आतंकवादीहरू अफगानिस्तानतर्फ भाग्ने अनि केही समयपछि फेरि आएर आक्रमण गर्ने गरेकाले पाकिस्तानलाई अप्ठ्यारो पर्ने गरेको थियो । 

तर तारबार लगाएपछि आतंकवादीहरू सीमा पार गरेर भाग्न गाह्रो परेको छ र पाकिस्तानी सुरक्षाबलको पकडमा आउने गरेका छन् । सीमाकै कारण अफगानिस्तानबाट सीमा पारि हुने आक्रमणको संख्या घटेर सन् २०१९ मा ८२ बाट सन् २०२० मा जम्मा ११ मा झरेको छ ।

तारबारका कारण फाइदा लिइरहेको पाकिस्तानले अफगानिस्तानमा तालिबान शासन आएपछि आफूलाई थप सहज हुने अपेक्षा गरेको थियो । बीस वर्षको युद्धपछि अमेरिकाले गत सेप्टेम्बर ११ मा अफगानिस्तानबाट पूर्ण रूपमा बाहिरिने प्रक्रिया शुरू गरेलगत्तै तालिबानले सबैलाई आश्चर्यमा पार्दै अगस्ट महिनामै राजधानी काबुल र सम्पूर्ण देश कब्जामा लियो । पाकिस्तानको आशीर्वाद र आश्रय पाएको तालिबान र हक्कानी नेटवर्कले अफगानिस्तानमा शासन चलाउन थालेपछि पाकिस्तानले सीमाका विषयमा पनि आफूले भनेजस्तो हुने अपेक्षा गरेको थियो । 

तर तालिबानले डुरान्ड सीमालाई नै नमान्ने भनेर यस विवादलाई थप पेचिलो बनाएको छ । यसलाई कूटनीतिक माध्यमले हल गर्ने भनी दुवै पक्षले बताए पनि यो सहजै समाधान हुने विषय हैन ।

विशेषगरी सीमाको दुवैतर्फ प्रभाव भएको आतंकवादी समूह तहरीक–ए–तालिबान (पाकिस्तानी तालिबान) पाकिस्तानका लागि लामै समयसम्म टाउकोदुखाइको विषय बन्ने देखिन्छ । पाकिस्तान सरकारले प्रतिबन्ध लगाएको उक्त समूह पाकिस्तानमा कठोर शरियामा आधारित राजनीतिक व्यवस्थाको लक्ष्य लिएर आफूले सशस्त्र संघर्ष गरिरहेको बताउने गर्छ । 

खासमा पाकिस्तानको स्थापना नै कट्टरपन्थी शरियामा आधारित शासन प्रणाली भएको मुलुकका रूपमा भएको तर शासकहरू त्यस लक्ष्यबाट भट्किएको दाबी उसले गरेको छ । लक्ष्यप्राप्ति नहुन्जेल पाकिस्तान राज्य र सुरक्षाबलका विरुद्ध उसको संघर्ष जारी रहने देखिन्छ । पाकिस्तानविरुद्ध आक्रोश राख्ने पश्तुन र बलोच राष्ट्रवादीहरूलाई पनि उसले समर्थन गर्ने गरेको छ, भलै उनीहरूसँग उसको विचारधारा मिल्दैन ।

अफगानिस्तान र इरानको सीमासँग जोडिने बलोचिस्तान प्रान्तमा तनाव बेहोरिरहेको पाकिस्तानी सरकारलाई पाकिस्तानी तालिबानले थप जोखिम तेर्स्याएको हो । 

पाकिस्तानी राज्यले बलोचहरूमाथि निर्मम दमन गर्ने गरेकाले बलोच लडाकू समूहहरूले उक्त क्षेत्रमा पर्ने चीन पाकिस्तान आर्थिक कोरिडोरका परियोजनाहरूमाथि आक्रमण गरिरहेका छन् । रणनीतिक महत्त्व भएको ग्वादर बन्दरगाह पनि त्यहीँ पर्छ र त्यहाँ माछा मार्न पाउने अधिकार खोसिएकोदेखि लिएर स्वच्छ जल पिउनसमेत नपाएको गुनासो स्थानीय बलोचहरूले गर्ने गरेका छन् । 

बलोचहरूको आक्रमणसँगै उक्त क्षेत्रमा पाकिस्तानी तालिबान समेतको प्रहार पाकिस्तानी सुरक्षाबलले खेप्नु परिरहेको छ । एसिया टाइम्समा विवेक वाई केलकरले यसलाई एसियाको टाउकोदुखाइका रूपमा चित्रित गरेका छन् । अफगान तालिबान र पाकिस्तानी सेना तथा गुप्तचर संस्था आईएसआईभित्र रहेका दक्षिणपन्थीहरूले पाकिस्तानी तालिबानप्रति सहानुभूति राख्ने गरेकाले पनि समस्या आएको देखिन्छ । 

अफगानिस्तानमा तालिबानले शासन चलाउन थालेदेखि पाकिस्तानी तालिबानले उसप्रतिको बफादारीलाई थप मजबूत बनाएको छ । अफगान तालिबानले लामो समयसम्म धैर्यताका साथ अमेरिकाविरुद्ध संघर्ष गरेर जीत हासिल गरेजस्तै पाकिस्तानी तालिबानले पनि पाकिस्तानी राज्यविरुद्ध संघर्ष जारी राख्ने प्रेरणा मिलेको उसको कथन रहेको अफगानिस्तान र पाकिस्तानको राजनीति तथा सुरक्षाका विषयमा अध्ययन गर्ने अब्दुल सईदले कार्नेगी इन्डाउमेन्ट फर पीस नामक थिंकट्यांकको वेबसाइटमा प्रकाशित आलेखमा उल्लेख गरेका छन् । 

पाकिस्तानी तालिबानसँग राजनीतिक सहमति गर्न तथा अफगान तालिबानसँग डुरान्ड लाइनका विषयमा कूटनीतिक सहमति गर्न पाकिस्तानका लागि निकै ठूलो चुनौती छ । उक्त चुनौतीलाई पाकिस्तानी राज्यले सफलतापूर्वक समाधान नगरेमा क्षेत्रीय अशान्ति तथा अस्थिरता कायम रहनेछ । 

TATA Below
NLIC
बैशाख ३०, २०७९

तमाम अन्योल र आशंकाबीच शुक्रवार स्थानीय तह निर्वाचनको मतदान सम्पन्न भएको छ । एकाध ठाउँमा भएका झडपबाहेक प्रायः मतदान शान्तिपूर्ण भएको छ ।  प्रचण्ड गर्मी र झरीको पर्वाह नगरी मतदाताले आफ्नो विवेकको मत बाकसम...

बैशाख २८, २०७९

श्रीलंकामा अभूतपूर्व आर्थिक संकट आएपछि सरकार गहिरो समस्यामा परेको छ ।  घट्दो विदेशी मुद्रा सञ्चिति तथा बढ्दो ऋणका कारण श्रीलंकाले अत्यावश्यक वस्तु समेत आयात गर्न सकेको छैन । सरकारविरुद्ध हप्तौंदेखि प्रदर्शन...

बैशाख २७, २०७९

स्थानीय तह निर्वाचनको सन्दर्भमा मतदाताको कुरा सुन्न लोकान्तर डट्कमका सम्पादक विमल गौतम र म उम्मेदवारी मनोनयनअगावै काठमाडौंबाहिर निस्केका थियौं । रिपोर्टिङका क्रममा कर्णाली प्रदेशको दैलेखदेखि नेपालगञ्ज, बु...

जेठ ९, २०७९

अमेरिका, भारत, जापान र अस्ट्रेलिया सदस्य भएको समूह क्वाड्रिल्याटरल सिक्योरिटी डायलोग (क्वाड) को बैठक मंगलवार (मे २४ मा) जापानको राजधानी टोक्योमा हुन गइरहेको छ ।  गत सेप्टेम्बर महिनापछि पहिलोपटक चारै द...

जेठ १०, २०७९

अमेरिकाका राष्ट्रपति जो बाइडनले जापान भ्रमणका क्रममा सोमवार (मे २३ मा) ताइवानका विषयमा दिएको एक बयानले अन्तर्राष्ट्रिय राजनीति तातेको छ ।  जापानका प्रधानमन्त्री फुमिओ किशिदासँगको संयुक्त पत्रकार सम्मेलनम...

जेठ ५, २०७९

उत्तरी युरोपका दुई मुलुक फिनल्यान्ड र स्विडनले पश्चिमी सैन्य गठबन्धन नेटोमा जोडिनका लागि यसै साता औपचारिक निवेदन दिएका छन् ।  ब्रसेल्सस्थित नेटोको केन्द्रीय कार्यालयमा उनीहरूले निवेदन दर्ता गराएपछि नेटोका...

ओलीको 'पर्सनल अट्याक'ले रोक्न नसकेको रेनुको विजयी यात्रा

ओलीको 'पर्सनल अट्याक'ले रोक्न नसकेको रेनुको विजयी यात्रा

जेठ १०, २०७९

केपीबा (एमाले अध्यक्ष केपी शर्मा ओली) धेरैका बा थिए, तर कतिपयका लागि उनी बाजस्ता थिएनन् । मलाई लाग्छ, बा हुनका लागि आवश्यक गुण ओलीसँग छैन । बा त्यस्तो व्यक्ति हो, जसले सबैका छोराछोरीलाई आफ्नैसरह माया गर्छ,...

बालेन, देशकै नेतृत्व गर्ने एउटा यस्तो ‘लेन’ बनाऊ !

बालेन, देशकै नेतृत्व गर्ने एउटा यस्तो ‘लेन’ बनाऊ !

जेठ १०, २०७९

स्थानीय निर्वाचनको नतिजाले फरक तरंग सिर्जना गरेको छ । हरेक सरोकारवाला, राजनीतिका शुभचिन्तक, राजनीतिशास्त्री, राजनीतिकर्मी सबैलाई धेरै कुरा सिकाएको छ । चुनाव स्थानीय थियो, शिक्षाचाहिँ राष्ट्रिय दिएको छ । मतदात...

नयाँ बजेटमा वामदेवका ५ सुझाव– १८ वर्ष पुगेकालाई जागिर, नभए बेरोजगार भत्ता

नयाँ बजेटमा वामदेवका ५ सुझाव– १८ वर्ष पुगेकालाई जागिर, नभए बेरोजगार भत्ता

जेठ ९, २०७९

अर्थमन्त्री जनार्दन शर्माले आर्थिक वर्ष २०७९/८० का निम्ति प्रस्तुत गर्ने बजेटका सिद्धान्त र प्राथमिकताका सम्बन्धमा छलफलका निम्ति राष्ट्रिय सभाको बैठकमा दस्तावेजसहित आफ्ना विचारहरू प्रस्तुत गर्नुभयो । स्थानीय तहको निर्वाचन आ...

ad
x