×

Nic Asia
Marvel

मध्य एसियाली मुलुकमा तनाव

कजाकस्तान दंगाको भूराजनीतिक आयाम: ग्यासको मूल्यले विस्फोट गराएको आक्रोश र अमेरिका–रुस जुहारी

काठमाडाैं | पुस २२, २०७८

NTC
Photo : AFP
TVS INSIDE

मध्य एसियाली मुलुक कजाकस्तानमा चलेको हिंस्रक आन्दोलन वर्षौंदेखि जनतामा दबेर रहेको आक्रोश विस्फोट हुनुको परिणाम हो र यस प्रकरणमा भूराजनीतिक आयाम पनि जोडिएको छ ।

IME BANK INNEWS
morang Auto yamaha

देशका विभिन्न भागमा प्रदर्शनकारी र सुरक्षाकर्मीबीच भिडन्त हुँदा आठजना सुरक्षाकर्मीको मृत्यु भएको र ३१७ जना घाइते भएको खबर सञ्चारमाध्यमहरूले दिएका छन् । कतिजना सर्वसाधारण मारिएको वा घाइते भएको भन्ने विवरण आउन बाँकी छ ।


Advertisment
NMB BANK
Saurya island

गत जनवरी २ मा सरकारले ग्यास इन्धनको मूल्य बढाएको विरोधमा पश्चिमी भागमा रहेको शहर झानाओजेनमा प्रदर्शन शुरू भएको हो । उक्त प्रदर्शन देशव्यापी रूपमा फैलिएको छ र हिंस्रक समेत बनेको छ ।

विरोध बढ्दै गएपछि कजाकस्तानका राष्ट्रपति कासिम जोमार्ट तोकाएभले रुसी नेतृत्वको कलेक्टिभ सेक्युरिटी ट्रीटी अर्गनाइजेसन (सीएसटीओ) सँग सुरक्षा व्यवस्था कायम गर्नका लागि सहयोग मागेका छन् । तोकाएभको अनुरोधलाई स्वीकार गर्दै सीएसटीओले शान्तिसेना पठाउने निर्णय लिएको छ । दंगाबाजहरूलाई नियन्त्रणमा लिने काम पनि भइरहेको छ । 

Vianet communication
Maruti inside

राष्ट्रपति तोकाएभले यो दंगा विदेशमा तालिम पाएका आतंकवादीहरूले गराएको भनी दोषारोपण गरेका छन् र तिनीहरूका विरुद्ध कठोर कारवाही चलाइने बताएका छन् । 

हुन पनि प्रदर्शनकारीहरूले बैंक लुट्ने, सार्वजनिक भवनहरूमा तोडफोड र आगजनी गर्ने, सेनाका वाहनहरू खोस्ने र सैनिकहरूलाई निःशस्त्र बनाउने काम गरेको देख्दा यो स्वतःस्फुर्त विरोध प्रदर्शन भन्दा पनि सुनियोजित षड्यन्त्रअन्तर्गत गरिएको काम हो कि जस्तो पनि देखिन्छ । भूराजनीतिक विश्लेषक ब्रुनो मसाजले यो विशुद्ध विरोध प्रदर्शन मात्र नभई अव्यवस्थाको सामान्यीकरण भएको टिप्पणी गरेका छन् ।  

प्रदर्शनकारीहरूले देशको दोस्रो सबभन्दा ठूलो शहर अल्माटीमा मेयरको कार्यालयमा आगजनी गरेका छन् । हिंस्रक विरोधको केन्द्रविन्दु त्यही शहर बनेको छ । अल्माटी अन्तर्राष्ट्रिय विमानस्थल पनि प्रदर्शनकारीको नियन्त्रणमा पुगेको छ । रुसी समाचार संस्था तासले विमानस्थल पुनः सरकारको नियन्त्रणमा आएको खबर दिएको छ ।

हिंसा बढ्दै जाँदा बुधवार (५ जनवरी) मा सरकारले राजीनामा समेत दिएको छ । राष्ट्रपति तोकाएभले उक्त राजीनामा स्वीकार गर्दै अलीखान स्माइलोभलाई कार्यकारी प्रधानमन्त्री बनाएका छन् । अनि विरोध प्रदर्शनको चुरो कारणका रूपमा रहेको ग्यासको मूल्यवृद्धि फिर्ता लिने घोषणा पनि उनले गरेका छन् ।

गलत सूचना प्रवाह भएर हिंसा थप नभड्कियोस् भनी सरकारले इन्टरनेट काटिदिएको छ । त्यसले गर्दा त्यहाँका वास्तविक घटनाका बारेमा सत्य जानकारी समेत पाउन गाह्रो छ । अनि अल्माटी र नुरसुल्तानमा विद्युत् आपूर्ति पनि रोकिएको छ । 

देशभरि मार्सल ल लगाइएको छ । तैपनि विरोध प्रदर्शन रोकिएको छैन । त्यसो त अहिले अल्माटीमा इन्टरनेट सेवा पुनः खोलिएको खबर पनि आइरहेको छ ।

ग्यासको मूल्य बढाइएकोमा विरोध गर्दै प्रदर्शन शुरू भएकाले त्यसको बारेमा केही चर्चा गरौं । कजाकस्तानमा ग्यासको मूल्यको अर्थराजनीति रोचक छ । उक्त देश ग्यास इन्धन उत्पादनमा संसारकै अग्रणी स्थानमा छ ।

आरटी डट्कममा गरिएको विश्लेषणमा उल्लेख गरिएअनुसार, त्यहाँका अधिकांश मानिसले कारमा पेट्रोलको साटो एलएनजी ग्यास उपयोग गर्ने गरेका छन् । सरकारले अहिलेसम्म ग्यासको निश्चित मूल्य तोकेर निकै सस्तोमा उपलब्ध गराउँदै आएको थियो । तर अब त्यसमा रोक लगाएर बजारलाई नै ग्यासको मूल्य निर्धारण गर्न दिने छुट दिने निर्णय सरकारले लियो । 

यसो गर्दा माग र आपूर्तिको सिद्धान्तका आधारमा ग्यासको सन्तुलित मूल्य प्राप्त गर्न तथा नयाँ उत्पादकहरूको लगानी आकर्षित गर्न सहयोग पुग्ने सरकारको सोच हो । पुरानो प्रणाली अपनाउँदा ग्यास उत्पादकहरू सधैं घाटामा रहने र व्यापारबाट टाढिने जोखिम थियो ।

सरकारको यस निर्णयसँगै ग्यासको मूल्य दोब्बर बढेर ६० टेंगे (कजाकस्तानको राष्ट्रिय मुद्रा) बाट १२० टेंगे पुग्यो । यसरी सस्तो मूल्यमा ग्यासको उपयोग गरिरहेका कजाकीहरूले महंगो मूल्य तिर्नुपर्दा आक्रोश उठ्नु स्वाभाविक हो । जनताको त्यही आक्रोश विरोध प्रदर्शनका रूपमा प्रकट भएको हो । 

तर ग्यासको मूल्यवृद्धि तत्कालीन कारण भए पनि वर्षौंदेखि सरकारप्रति जनताको आक्रोशले विस्फोट हुन मौका पाएको कुरालाई पनि विचार गर्नुपर्ने हुन्छ । सोभियत संघको पतनपछि स्वतन्त्र भएको कजाकस्तानमा सन् २०१९ सम्म नुरसुल्तान नजरबायेभले शासन चलाइरहेका थिए । 

उनको निरंकुश शासनले जनतामा आक्रोश जन्माएको थियो तर वास्तविक लोकतान्त्रिक निर्वाचनको अभावमा जनताले मतदानमार्फत विरोध गर्न समेत पाएका थिएनन् । त्यहाँ हुने निर्वाचनमा नुर ओटान पार्टीले शतप्रतिशत मत ल्याउने गरेको छ जुन लोकतन्त्रमाथिको भद्दा मजाक हो ।

लामो समय शासन चलाएका नजरबायेभले देशभरि आफ्नो मूर्ति ठड्याएका थिए । हुँदाहुँदा राजधानी अस्तानाको नाम समेत बदलेर उनकै सम्मानमा नुरसुल्तान राखिएका थियो । 

तर सन् २०१९ मा लामो विरोध प्रदर्शनपछि नजरबायेभले राजीनामा दिए अनि आफ्ना निकटवर्ती सहयोगी तोकायेभलाई राष्ट्रपति बनाए । पदबाट हटेपछि पनि उनी सुरक्षा परिषद्को सचिवका रूपमा शक्तिशाली पदमा रहिरहे । (बुधवार तोकायेभले नजरबायेभलाई उक्त पदबाट हटाएर आफैंले पद सम्हालेका छन् ।)

नजरबायेभ हटे पनि उनको प्रभाव कायम रहिरहेकोमा जनता सन्तुष्ट थिएनन् । अझ तोकायेभले नजरबायेभकी छोरी दरिगालाई सिनेटको सभामुख बनाउँदा जनता थप आक्रोशित बनेका थिए । उनीहरू नजरबायेभ परिवारको हालीमुहाली देशमा हुन नहुने धारणा राख्छन् । 

नजरबायेभ र उनको परिवारले बैंकदेखि सडकसम्म अनि ग्यासदेखि उद्योगसम्म सबै क्षेत्रमा कब्जा गरेको अनि जनता चाहिँ गरीबी, चर्को मूल्य, बेरोजगारी र भ्रष्टाचारका कारण पीडित रहेको द गार्डियन पत्रिकाको रिपोर्टमा उल्लेख छ । पीडित जनताले बैंक, पसल र रेस्टुराँहरूमा आक्रमण गरेर आफ्नो पीडाजन्य आक्रोश पोखिरहेका छन् । तर सरकारले यसलाई विदेशी उक्साहटमा गरिएको दंगा भनेको छ । 

नजरबायेभ र उनको परिवारले बैंकदेखि सडकसम्म अनि ग्यासदेखि उद्योगसम्म सबै क्षेत्रमा कब्जा गरेको अनि जनता चाहिँ गरीबी, चर्को मूल्य, बेरोजगारी र भ्रष्टाचारका कारण पीडित रहेको द गार्डियन पत्रिकाको रिपोर्टमा उल्लेख छ । पीडित जनताले बैंक, पसल र रेस्टुराँहरूमा आक्रमण गरेर आफ्नो पीडाजन्य आक्रोश पोखिरहेका छन् । तर सरकारले यसलाई विदेशी उक्साहटमा गरिएको दंगा भनेको छ । 

यस प्रकरणसँग जोडिएको भूराजनीतिक आयामलाई पनि हेरौं । रुससँग सीमा जोडिएको मुलुक भएका नाताले कजाकस्तानमा विकसित घटनाक्रममा रुसको पनि चासो छ । त्यसमाथि कजाकस्तानमा लगभग २६ प्रतिशत रुसी मूलका मानिसको बसोवास छ । रुसले कजाकस्तानको विरोध प्रदर्शनलाई ‘कलर रिभोल्युसन’ को रूपमा हेरिरहेको छ । 

उसले विदेशी हस्तक्षेपका विरुद्ध चेतावनी समेत जारी गरेको छ । अझ उसले मुखै फोरेर त्यहाँ भएका दंगामा अमेरिकाको हात रहेको आरोप लगाएको छ । रुसको यो आरोप आधारहीन र हास्यास्पद रहेको ह्वाइट हाउसकी प्रवक्ता जेन पिसाकीले बताएकी छन् । 

रुसका छिमेकी मुलुकहरू बेलारुस र किर्गिजस्तानमा पनि विगतमा यस्तै किसिमको विरोध प्रदर्शन दंगामा परिणत भएको थियो र त्यसमा विदेशीहरूको उक्साहट रहेको पाइएको थियो । 

भूराजनीतिक विश्लेषक पेपे एस्कोबारले कजाकस्तानको तनाव बेलायती गुप्तचर संस्था एमआईटले गराएको दाबी गरेका छन् । गोप्य स्रोतबाट पाएको सूचना भन्दै उनले यसलाई पुष्टि गर्ने आधार चाहिँ दिएका छैनन् । 

एस्कोबारमा अनुसार, युक्रेनमा रुससमर्थित भिक्टर यानुकोभिचलाई अपदस्थ गर्नका लागि गरिएको मैदान रिभोल्युसनमा पनि कजाकस्तानको जस्तै हिंस्रक दंगा मच्चिएको थियो । त्यसैलाई पुनरावृत्ति गर्र्दै रुसविरुद्ध युक्रेनबाहेक अर्को मोर्चा खोल्नका लागि कोशिश गरिएको हो । जेनेभामा अर्को साता रुस र अमेरिकाबीच हुन लागेको बैठकअघि कजाकस्तानमा अशान्ति मच्चाएर रुसलाई युक्रेन सीमाबाट पछि हट्न बाध्य बनाइने षड्यन्त्र रचिएको एस्कोबारको भनाइ छ ।

चीनले पनि कजाकस्तानमा विकसित घटनाक्रमलाई नजिकैबाट नियालिरहेको छ । त्यहाँ अस्थिरता फैलिँदा चीनको स्वार्थमा पनि आघात पुग्ने हुनाले उसको चासो हुनु स्वाभाविक हो । 

मध्य एसियाली मुलुकहरूमा चीन सबभन्दा ठूलो लगानीकर्ता बनिसकेको छ र चीनलाई सबैले खुला हृदयले स्वागत पनि गरिरहेका छन् । सन् २०१३ मा चीनका राष्ट्रपति सी चिनपिङले बेल्ट यान्ड रोड इनिसिएटिभको घोषणा कजाकस्तानमै गरेका थिए । कजाकी सरकारसँग चीनको राम्रो सम्बन्ध रहेकाले चिनियाँ सञ्चारमाध्यमहरूमा कजाकस्तान दंगाका समाचारलाई प्राथमिकता दिइएको छैन ।  

रुसले पनि आफ्नो प्रभावक्षेत्रका रूपमा रहेको मध्य एसियामा चीनको बीआरआईलाई स्वागत गरेको छ किनकि त्यसबाट उक्त क्षेत्रले स्थिरता, विकास तथा कनेक्टिभिटीको राम्रो अवसर प्राप्त गर्छ । स्थिर मध्य एसियाबाटै रुसको सुरक्षा सुनिश्चित हुन्छ । 

रुस र चीनको साझा स्वार्थको संगमस्थल कजाकस्तान तथा मध्य एसियामा ती दुई महाशक्तिबीच विग्रह ल्याउन अमेरिका तथा पश्चिम सक्रिय भएको हुन सक्छ । विग्रह ल्याउने त्यही योजनालाई मूर्त रूप दिन कजाकस्तानमा दंगा भड्काउन कोशिश गरेको भए त्यो पश्चिमको भूल मात्र ठहरिनेछ किनकि यस प्रकरणले चीन र रुसको रणनीतिक साझेदारी थप मजबूत बनाउन योगदान गर्नेछ । 

मध्य एसियाको छिमेकी मुलुक अफगानिस्तानबाट लज्जास्पद बहिर्गमन गरेको अमेरिकाले मध्य एसियामा कुनै प्रभाव पार्न नसकिरहेको स्थितिमा कजाकस्तान दंगामा उसको सम्भावित संलग्नताले उसप्रतिको विकर्षणलाई थप तीव्रता दिने पक्का छ । बेलारुसमा भएको यस्तै किसिमको घटनाक्रमको अन्तिम परिणाम हेर्दा यस प्रकरणले कजाकस्तानमा अमेरिकाले चाहे जस्तो लोकतन्त्र नभई निरंकुश शासनलाई थप मजबूत बनाउने सम्भावना समेत छ । 

भूराजनीतिक प्रतिस्पर्धाको यो बेग्लै आयाम रहेको भए पनि कजाकी जनतामा रहेको सार्थक लोकतन्त्रको चाहनालाई चाहिँ बेवास्ता गर्न मिल्दैन । विधिको शासन तथा स्वच्छ आवधिक निर्वाचन अनि भ्रष्टाचार र बेरोजगारीबाट मुक्तिका लागि कजाकी जनताले देखाएको चाहनालाई त्यहाँको सरकारले सम्बोधन गर्र्नैपर्ने हुन्छ । जनताको यस आक्रोशलाई भजाएर युरेसिया क्षेत्रमा रुस र चीनको प्रभावलाई रोक्ने पश्चिमको चाहना भने विफल हुने पक्का छ ।

TATA Below
NLIC
जेठ ५, २०७९

उत्तरी युरोपका दुई मुलुक फिनल्यान्ड र स्विडनले पश्चिमी सैन्य गठबन्धन नेटोमा जोडिनका लागि यसै साता औपचारिक निवेदन दिएका छन् ।  ब्रसेल्सस्थित नेटोको केन्द्रीय कार्यालयमा उनीहरूले निवेदन दर्ता गराएपछि नेटोका...

जेठ १०, २०७९

अमेरिकाका राष्ट्रपति जो बाइडनले जापान भ्रमणका क्रममा सोमवार (मे २३ मा) ताइवानका विषयमा दिएको एक बयानले अन्तर्राष्ट्रिय राजनीति तातेको छ ।  जापानका प्रधानमन्त्री फुमिओ किशिदासँगको संयुक्त पत्रकार सम्मेलनम...

बैशाख २८, २०७९

श्रीलंकामा अभूतपूर्व आर्थिक संकट आएपछि सरकार गहिरो समस्यामा परेको छ ।  घट्दो विदेशी मुद्रा सञ्चिति तथा बढ्दो ऋणका कारण श्रीलंकाले अत्यावश्यक वस्तु समेत आयात गर्न सकेको छैन । सरकारविरुद्ध हप्तौंदेखि प्रदर्शन...

बैशाख २७, २०७९

स्थानीय तह निर्वाचनको सन्दर्भमा मतदाताको कुरा सुन्न लोकान्तर डट्कमका सम्पादक विमल गौतम र म उम्मेदवारी मनोनयनअगावै काठमाडौंबाहिर निस्केका थियौं । रिपोर्टिङका क्रममा कर्णाली प्रदेशको दैलेखदेखि नेपालगञ्ज, बु...

जेठ ९, २०७९

अमेरिका, भारत, जापान र अस्ट्रेलिया सदस्य भएको समूह क्वाड्रिल्याटरल सिक्योरिटी डायलोग (क्वाड) को बैठक मंगलवार (मे २४ मा) जापानको राजधानी टोक्योमा हुन गइरहेको छ ।  गत सेप्टेम्बर महिनापछि पहिलोपटक चारै द...

जेठ ८, २०७९

अस्ट्रेलियामा शनिवार सम्पन्न आमनिर्वाचनमा सत्तारूढ लिबरल–नेसनल गठबन्धन पराजित भएको छ । नौ वर्षसम्म शासन गरेको उक्त गठबन्धनलाई विपक्षी लेबर पार्टीले यसपटक सत्ताच्युत गरिदिएको हो । प्रधानमन्त्री स्कट मोरिसनले हार...

ओलीको 'पर्सनल अट्याक'ले रोक्न नसकेको रेनुको विजयी यात्रा

ओलीको 'पर्सनल अट्याक'ले रोक्न नसकेको रेनुको विजयी यात्रा

जेठ १०, २०७९

केपीबा (एमाले अध्यक्ष केपी शर्मा ओली) धेरैका बा थिए, तर कतिपयका लागि उनी बाजस्ता थिएनन् । मलाई लाग्छ, बा हुनका लागि आवश्यक गुण ओलीसँग छैन । बा त्यस्तो व्यक्ति हो, जसले सबैका छोराछोरीलाई आफ्नैसरह माया गर्छ,...

बालेन, देशकै नेतृत्व गर्ने एउटा यस्तो ‘लेन’ बनाऊ !

बालेन, देशकै नेतृत्व गर्ने एउटा यस्तो ‘लेन’ बनाऊ !

जेठ १०, २०७९

स्थानीय निर्वाचनको नतिजाले फरक तरंग सिर्जना गरेको छ । हरेक सरोकारवाला, राजनीतिका शुभचिन्तक, राजनीतिशास्त्री, राजनीतिकर्मी सबैलाई धेरै कुरा सिकाएको छ । चुनाव स्थानीय थियो, शिक्षाचाहिँ राष्ट्रिय दिएको छ । मतदात...

नयाँ बजेटमा वामदेवका ५ सुझाव– १८ वर्ष पुगेकालाई जागिर, नभए बेरोजगार भत्ता

नयाँ बजेटमा वामदेवका ५ सुझाव– १८ वर्ष पुगेकालाई जागिर, नभए बेरोजगार भत्ता

जेठ ९, २०७९

अर्थमन्त्री जनार्दन शर्माले आर्थिक वर्ष २०७९/८० का निम्ति प्रस्तुत गर्ने बजेटका सिद्धान्त र प्राथमिकताका सम्बन्धमा छलफलका निम्ति राष्ट्रिय सभाको बैठकमा दस्तावेजसहित आफ्ना विचारहरू प्रस्तुत गर्नुभयो । स्थानीय तहको निर्वाचन आ...

ad
x