×

Nic Asia
Marvel

अस्थिर राजनीति

सरकार फेर्नमै गठबन्धनको ध्यान, लुम्बिनीमा ८ महिनामै मुख्यमन्त्री हटाउने कांग्रेसको कसरत

बुटवल | माघ ५, २०७८

NTC
TVS INSIDE

लुम्बिनी प्रदेशमा प्रमुख प्रतिपक्ष दल नेकपा एमाले प्रदेशसभा बैठक अवरुद्ध गर्न थालेको ६ महिना पुग्यो ।

IME BANK INNEWS
morang Auto yamaha

नयाँ सरकार बनेपछि २०७८ भदौ १ गते आह्वान भएको नवौं अधिवेशनदेखि हालसम्म १२ पटक बैठक बोलाइयो । ती सबै बैठक एमालेले अवरुद्ध गर्दै आएको छ । 


Advertisment
NMB BANK
Saurya island

साउन २८ गते लुम्बिनीमा नयाँ सरकार बनेपछि दलहरूबीच तिक्तता बढेको हो । माओवादी केन्द्र संसदीय दलका नेता कूलप्रसाद केसी साउन २८ गते मुख्यमन्त्री नियुक्त भएका थिए ।

तर एमालेले सूर्य चिह्नबाट चुनाव जितेका सांसदलाई पदमुक्त गर्नुपर्ने माग राख्दै संसद अवरुद्ध गर्दै आएको छ । सांसदहरू अजय शाही र विमलाकुमारी वलीलाई पदमुक्त गर्नुपर्ने एमालेको माग छ । 

Vianet communication
Maruti inside

एमालेले शाही र वली (हाल मन्त्री) लाई पार्टीले कारवाही गरिसकेकाले ‘गैरसांसदको संज्ञा’ दिँदै आएको छ । हरेक बैठक शुरू हुने बित्तिकै एमालेका सांसदहरू वेल घेर्न पुग्छन् र नारा लगाउँछन्, ‘सभामुख मुर्दावाद ! वली र शाहीलाई पदमुक्त गर !’

यसरी लुम्बिनी प्रदेशसभा राजनीतिक भूमरीमा परेको छ । जसले गर्दा सरकार गतिहीन देखिएको छ भने लगातारको संसद अवरोधले जनताको आवाज समेत ओझेलमा परेको छ । 

संसदीय अन्योलबीच लुम्बिनी प्रदेशको हिउँदे अधिवेशन शुरू गर्ने तयारी प्रदेश सरकारको छ । हिउँदे अधिवेशन विधेयक अधिवेशन पनि हो । 

कांग्रेसले माओवादी केन्द्र र आफूहरूबीच सत्ता सहयात्रा गर्दा सरकारको नेतृत्व ८/८ महिना गर्ने सहमति गरिएको कुरा कोट्याउन थालेको छ । नेपाली कांग्रेस संसदीय दलका प्रमुख सचेतक फकरुद्विन खाँनले एमालेको माग जायज र लोकतान्त्रिक नभएको बताए ।

तत्कालीन नेकपा हुँदा सूर्य चिह्नबाट निर्वाचित सांसद वलीले माओवादी रोजेकी छन् भने सूर्य चिह्नबाट निर्वाचित शाहीलाई सभामुख पूर्णबहादुर घर्तीले स्वतन्त्र सांसदको हैसियत दिएका छन् । 

अर्को महिना हाम्रो नेतृत्वमा सरकार बन्छ : खाँन

‘एमालेका कारण संसद गन्तव्यहीन बन्न पुगेको छ,’ नेता खाँनले लोकान्तरसँग भने, ‘एमालेले संसदलाई निकास दिनुपर्छ । एउटै इस्यूमा सधै अवरोध न्यायोचित होइन । अब माओवादी र हाम्रो भद्र सहमतिअनुसार अर्को महिना सरकारको नेतृत्व कांग्रेसले पाउनुपर्छ । फागुनमा हाम्रो नेतृत्वमा लुम्बिनी सरकार बन्ने कुरा माओवादी र हामीबीच सहमति भएको हो ।’ 

खाँनले थपे, ‘सार्वभौमसत्ताको प्रयोग गर्ने थलोलाई आफ्नो स्वार्थ पूरा गर्ने नाममा जनताको भ्वाइस ओझेलमा पार्ने काम भयो ।’ कांग्रेस संसदीय दलका नेता वीरेन्द्र कानोडियालाई मुख्यमन्त्री बनाउने कांग्रेसले बताउँदै आएको छ ।

आफ्ना स्वार्थलाई अघि सार्ने प्रवृत्ति सबैजसो दलका नेतामा प्रत्यक्ष/अप्रत्यक्ष रूपमा देखिँदै आएको छ । एमालेका कारण लुम्बिनीको राजनीति जेलिएको छ । जेलिएको राजनीतिबाट निकास नदिएसम्म संसद्ले कार्यदिशा पक्रिन सक्ने अवस्था नभएको संसद सचिवालयका कार्मचारीहरू बताउँछन् । 

एमाले सांसद बैठक अवरुद्ध गरेर भत्ता बुझ्छन् 

तत्कालीन मुख्यमन्त्री शंकर पोखरेल नेतृत्वको एमाले सरकार हटेपछि एमालेले बैठक अवरूद्व गर्दै आएको छ तर एमाले सांसदहरूले प्रदेशसभा चल्न नदिए पनि बैठक बसेबापत प्राप्त गर्ने भत्ता र यातायात खर्च बुझ्दै आएका छन् ।  

कूल ९ दिनमा १२ वटा बैठक बसेका छन् । भदौ ७ गते तेस्रो र चौथो, असोज २० गते छैठौं, सातौं र आठौं बैठक बसेको थियो । ५ वटा बैठक २ दिनमा बसेकाले सांसदहरूको हाजिर अभिलेख २ दिन नै हुने गर्छ । त्यसबापत प्रतिबैठक ८५० (कर कट्टी) र यातायात खर्चबापत ५०० रुपैयाँ प्रतिसांसदले बुझेका छन् । 

यातायात खर्च प्रदेश सरकारका मुख्यमन्त्री, मन्त्री, राज्यमन्त्री, सभामुख, उपसभामुख, विषयगत समितिका सभापति र दलका नेतालाई दिइँदैन । त्यसबाहेक अन्य सांसदलाई प्रतिबैठक यातायात खर्चबापत ५०० रुपैयाँ दिइँदै आएको छ । 

प्रदेशसभा सचिवालयका सूचना अधिकारी दिनेश अधिकारीले बैठकमा आउनासाथ हाजिर हुने र हाजिर अनुसारको भत्ता, यातायात खर्च सांसदहरूको खातामा पठाउने गरिएको बताए ।

‘बैठकमा नाराबाजी भयो, बहिष्कार भयो त्यो विषय अर्कै भयो तर सभामा आए अनुसारको बैठकमा उपस्थिति भएपछि भत्ता रकम दिने हो । हामीले त्यसैगरी भत्ता उहाँहरूकै खातामा पठाएका हौं,’ उनले भने ।

एमाले नेताहरू लिला गिरी, भोजप्रसाद श्रेष्ठ, कृष्णप्रसाद पौडेल, विष्णु पन्थी, जाल्पा भुसाल, कमलादेवी विक, बाबुराम गौतम, विमला पन्थी लगायतका नेताहरू सभा सञ्चालन भएका कूल ९ दिन नै संसदमा पुगेका छन् । उनीहरूले भत्ता र यातायात खर्च बापतको रकम ९ दिनकै बुझेका छन् ।

नवौं अधिवेशनका १२ वटा बैठकमध्ये एउटा मात्र बैठकमा एमाले संसदीय दलका नेता शंकर पोखरेल उपस्थित भएका छन् । मुख्यमन्त्री पदबाट हटेपछि नवौं अधिवेशनको सभाको ११औं बैठकमा कात्तिक २८ गते उनी उपस्थित भएका छन् ।

नेकपा एमालेले लुम्बिनी प्रदेश सभाको नवौं अधिवेशनमा ७ पटक बैठक बहिष्कार गरेको छ । सभाको तेस्रो बैठकको शुरूको सत्रमा नाराबाजी गरेको एमालेपछि बसेको दोस्रो सत्रको बैठक बहिष्कार गरेको थियो । 

सुशासनविद् खेमराज रेग्मीले नेतामा न्यूनतम नैतिकता पनि नभएको बताए । उनले कसैले पनि ज्याला लिँदा काम गरेर लिनुपर्ने भए पनि कामै नगरी ज्याला लिनु नैतिकहीन काम भएको बताए ।

‘काम नगरी खाने भनेको हुँदैन । नैतिकतामा भर पर्छ । राजनीतिक नेताले न्यूनतम नैतिकता पालना गर्नुपर्छ,’ उनले भने । 

सरकार प्रतिपक्षका कुरा सुन्नै चाहँदैन : ढकाल 

नेकपा एमाले लुम्बिनी प्रदेश सभाका प्रमुख सचेतक भूमिश्वर ढकालले सरकारले प्रतिपक्षका कुरा सुन्नै नचाहेको बताए । ‘सरकार संसदप्रति गम्भीर देखिँदैन । प्रदेशमा अनेक भ्रष्टाचार भएका छन्, संसदीय समिति निप्रभावी बनेका छन्,’ उनले भने ।

ढकालले सांसदको हैसियतले अरु कार्यमा सहभागी भएको बताउँदै यसलाई भत्तासँग जोड्न नहुने बताए । एमाले नेता वैजनाथ चौधरीले सभामुखले वली र शाहीलाई पदमुक्त नगर्दासम्म संसद चल्नै नदिने बताए ।

संसदका विषयमा सरकारको कमजोरी छैन : प्रवक्ता शर्मा

सरकारका प्रवक्ता आन्तरिक मामिला तथा सञ्चारमन्त्री तिलकराम शर्माले एमाले आफ्नो कुरामा टसको मस नहुँदा संसद बन्धकजस्तै बनेको बताए । ‘हामीले बारम्बार छलफल गर्न प्रयास गर्‍यौं । उहाँहरू २ सांसदको विषयमा सर्वोच्चमा जानुभएको छ । यता संसद पनि अवरोध गर्नुभएको छ । सर्वोच्चमा गएपछि किन संसदमा नाराबाजी गरेर संसद चल्न नदिने भन्या ?’ उनले सोधे ।

TATA Below
NLIC
जेठ ११, २०७९

राष्ट्रिय सभामा पनि पेट्रोलियम पदार्थको मूल्यवृद्धिविरुद्ध जरुरी सार्वजनिक महत्त्वको प्रस्ताव दर्ता भएको छ । एमालेका सांसद देवेन्द्र दाहालले बुधवार राष्ट्रिय सभामा प्रस्ताव दर्ता गराएका हुन् ।  दाहालक...

जेठ ११, २०७९

नेपाली कांग्रेसका वरिष्ठ नेता रामचन्द्र पौडेलले सेवाको भावना भए मात्रै विकास सम्भव रहेको बताएका छन् । तनहुँको व्यास नगरपालिकाले नवनिर्वाचित जनप्रतिनिधिका लागि बुधवार आयोजना गरेको बधाई एवं शुभकामना कार्यक्रम...

जेठ ११, २०७९

मोरङ जिल्ला मुख्य निर्वाचन अधिकृत कार्यालयले विराटनगर महानगरपालिकाको कार्यपालिका कार्यपालिका सदस्यहरूको निर्वाचन जेठ २१ गते बिहान १० देखि २ बजेसम्म हुने जनाएको छ । रेडक्रस भवनमा हुने निर्वाचनबाट महानगरपालि...

जेठ ११, २०७९

नेपाली कांग्रेसका महामन्त्री गगन थापाले जनस्तरमा कांग्रेसको लोकप्रियता बढेकाले स्थानीय तहको निर्वाचनमा राम्रो उपलब्धि हासिल गरेको बताएका छन् ।  नेपाली कांग्रेस भक्तपुर निर्वाचन परिचालन समितिले आज यहाँ आय...

जेठ ११, २०७९

तुलसीपुर उपमहानगरपालिकामा एमाले विजयी भएको छ । प्रमुखमा टीकाराम खड्का र उपप्रमुखमा स्यानी चौधरी विजयी भएकी हुन् ।  खड्काले ३१ हजार ४०८ मत ल्याउँदै विजयी भए । उनका निकटतम प्रतिस्पर्धी कांग्रेसका गेहेन्द्...

जेठ ११, २०७९

प्रमुख प्रतिपक्षी दल नेकपा एमालेका अध्यक्ष केपी शर्मा ओलीले अमेरिकी उपसहायक विदेशमन्त्री उज्रा जियालाई तिब्बती शरणार्थी क्याम्पमा जान छुट दिएको भन्दै सरकारको कडा आलोचना गरेका छन् ।  बुधवार बसेको एमाले संस...

ओलीको 'पर्सनल अट्याक'ले रोक्न नसकेको रेनुको विजयी यात्रा

ओलीको 'पर्सनल अट्याक'ले रोक्न नसकेको रेनुको विजयी यात्रा

जेठ १०, २०७९

केपीबा (एमाले अध्यक्ष केपी शर्मा ओली) धेरैका बा थिए, तर कतिपयका लागि उनी बाजस्ता थिएनन् । मलाई लाग्छ, बा हुनका लागि आवश्यक गुण ओलीसँग छैन । बा त्यस्तो व्यक्ति हो, जसले सबैका छोराछोरीलाई आफ्नैसरह माया गर्छ,...

बालेन, देशकै नेतृत्व गर्ने एउटा यस्तो ‘लेन’ बनाऊ !

बालेन, देशकै नेतृत्व गर्ने एउटा यस्तो ‘लेन’ बनाऊ !

जेठ १०, २०७९

स्थानीय निर्वाचनको नतिजाले फरक तरंग सिर्जना गरेको छ । हरेक सरोकारवाला, राजनीतिका शुभचिन्तक, राजनीतिशास्त्री, राजनीतिकर्मी सबैलाई धेरै कुरा सिकाएको छ । चुनाव स्थानीय थियो, शिक्षाचाहिँ राष्ट्रिय दिएको छ । मतदात...

नयाँ बजेटमा वामदेवका ५ सुझाव– १८ वर्ष पुगेकालाई जागिर, नभए बेरोजगार भत्ता

नयाँ बजेटमा वामदेवका ५ सुझाव– १८ वर्ष पुगेकालाई जागिर, नभए बेरोजगार भत्ता

जेठ ९, २०७९

अर्थमन्त्री जनार्दन शर्माले आर्थिक वर्ष २०७९/८० का निम्ति प्रस्तुत गर्ने बजेटका सिद्धान्त र प्राथमिकताका सम्बन्धमा छलफलका निम्ति राष्ट्रिय सभाको बैठकमा दस्तावेजसहित आफ्ना विचारहरू प्रस्तुत गर्नुभयो । स्थानीय तहको निर्वाचन आ...

ad
x