×

Nic Asia
Marvel

उद्यम

विदेशको मासिक ६ लाख तलब छाडेर स्वदेशमै उद्यम, वार्षिक ३० करोड बढीको कारोबार

काठमाडाैं | माघ ८, २०७८

TVS INSIDE

मोरङको बेलबारीका सन्तोष प्रसाई पढाइ सकेर जागिरको खोजीमा लागेका थिए । धरानको इन्जिनीयरिङ कलेजबाट मेकानिकल इन्जिनीयरिङ गरेका  प्रसाई आफ्नो पढाइसँग सुहाउँदो जागिरको खोजीमा थिए ।

IME BANK INNEWS
morang Auto yamaha

तर उनले पढाइसँग मिल्दोजुल्दो जागिर पाउन त्यतिबेला निकै मेहनत गर्नुपर्‍यो । एक दिन केही साथीसँगै उनी चिया पसलमा गए । चिया पसलमा पत्रिका पढ्दा दुबईमा सिएसी मशिन टेक्निसियनका लागि १ जना कर्मचारी आवश्यकता भनेर लेखिएको देखे । त्यही सूचनाअनुसार उनी १८ वर्षअघि दुबई गए । 


Advertisment
NMB BANK
Saurya island

दुबई पुगेपछि उनलाई लेबर काम गर्न भनियो । ‘फ्री भिसा फ्री टिकट’मा गएका उनले लेबरमा काम गर्न मानेनन् । १ हप्तासम्म मालिकले लेबरमा काम गर्न भनेर दबाब दिए पनि आफूले नमानेको उनले बताए ।

‘हप्ता दिनपछि मालिकले आफैं आएर के काम गर्छस् भनेर भन्यो,’ उनले भने, ‘मलाई जे कामका लागि ल्याएको हो, त्यही काममा लगा, नत्र नेपाल फिर्ता गरिदे भनेर भने ।’ दुबई जाँदा १ रुपैयाँ पनि आफ्नो खर्च नभएकाले लेबरको काम नगरेको उनले बताए ।
 
म्यानपावर कम्पनीको बेइमानीका कारण धेरै नेपालीले दुःख भोग्नु पर्दाे रहेछ भन्ने थाहा पाएको उनले बताए । ‘एकै प्रकृतिका कामदार लैजान नपाइँदो रहेछ,’ उनले भने, ‘त्यही भएर विभिन्न आश्वासन दिएर कामदार लगिँदो रहेछ ।’

Vianet communication
Maruti inside

लेबर काम नगरेपछि मालिकले उनलाई अफिसको काममा खटाए । उनले पाइप (फाइबर ग्लास) बनाउने बहुराष्ट्रिय कम्पनीको अफिसमा काम गर्ने मौका पाए । उनका लागि त्यो नयाँ काम थियो ।

उनलाई शुरूमा १२ हजार रुपैयाँ तलब दिइएको थियो । ‘हप्तामा १ दिन बिदा दिइन्थ्यो,’ सन्तोषले भने, ‘काम नगरी दिन काट्न मलाई गाह्रो हुन्थ्यो, त्यही तलबमा काम गरें । मेरो काम देखेर ६ महिनापछि तलब बढेर ३६ हजार रुपैयाँ पुग्यो । त्यसको ६ महिनामै तलब ५० हजार रुपैयाँ पुग्यो । बढ्दै जाँदा मासिक ६ लाख रुपैयाँसम्म तलब लिने भएँ ।’

विदेशमा घुलमिल भएपछि पैसा तथा मान–सम्मान राम्रै पाएको उनी बताउँछन् । ‘काम गर्नेलाई जहाँसुकै सबैले प्यारो मान्छन्,’ उनले भने, ‘दुबईमा मलाईभन्दा पनि मेरो कामलाई प्यारो मान्थे ।’ उनी घर फर्किंदा तलब सहितको बिदा पाउँथे ।

उनी घर फर्किएको बेला पुरानै चिया पसलमा गए तर उनलाई कसैले चिनेनन् । त्यतिबेला उनले भाइको नामबाट ‘फलानाको दाइ’ भनेर चिनिनुपर्‍यो । यस्तो भोगाइले उनको मनमा छोयो र उनले स्वदेशमै केही गर्नुपर्ने सोच बनाए ।

स्वदेश फर्केरै केही गर्ने सोच बोकेर उनी फेरि दुबई गए । त्यहाँ उनीसहित गाडी दुर्घटनामा परे । दुर्घटनामा केही नेपालीको मृत्यु समेत भयो । त्यो घटनापछि उनी दुबईमा नबस्ने निष्कर्षमा पुगे ।

आफू स्वदेश फर्किन चाहेको कुरा उनले मालिकालाई सुनाउँदा मालिकले तलब बढाइदिने तर दुबईमै बस्न आग्रह गरे । तर उनले मानेनन् । ‘म स्वदेश फर्किने भएपछि मालिकले आफैं बिदाइ कार्यक्रमको आयोजना गरेर थप सफलताको शुभकामना भनेर ८ महिनाको तलब पनि बोनसमा दिए,’ उनले भने ।

उनले स्वदेश फर्किएर बेलबारीमै केही गर्ने योजना बनाए । केही साथीभाइसँग पनि सल्लाह गरे । उनीसहित ५ जना मिलेर थोरै लगानीमा दाना उद्योग खोल्ने योजना बनाए । २ लाख रुपैयाँको मशिन ल्याएर दाना उद्योग शुरू गरेको उनले बताए ।

२०७१ सालमा स्थापना गरिएको उद्योगमा जम्मा १४ लाख रुपैयाँ लगानी गरेको उनले बताए । उद्योगमा तुरुन्तै नाफा नहुने, धेरै खट्नुपर्ने जस्ता समस्याले केही साथीले बीचमै छाडेको उनले बताए ।

तुरुन्तै प्रतिफल चाहिन्छ भन्ने साथीभाइलाई बिदा गरेको उनले बताए । भाइ कवीन्द्र प्रसाई, अनिल सुवेदी र आफू गरी ३ जनाले उद्योग सञ्चालन गरिरहेका उनले बताए । 

बेलबारी कृषक दाना उद्योग नाम दिएर खोलेको उद्योगमा कुखुरा, सुँगुर र गाईका लागि आहारा उत्पादन गरिन्छ । १४ लाख रुपैयाँबाट शुरू गरेको उद्योगले गत वर्ष ३० करोड रुपैयाँभन्दा बढीको कारोबार गरेको प्रसाईले बताए । उद्योग शुरू गरेपछि भारतका २०० भन्दा बढी दाना उद्योगमा घुमेको उनले बताए ।

दाना उद्योग खोल्दा शुरूमा निकै कष्ट भोग्नुपरेको उनले बताए । ‘भारतबाट मशिन ल्याएर फिट गर्न खोज्दा फिट भएन अनि रातभरि काम गर्दा पनि नभएपछि राति नै भारत गएँ,’ उनले भने ।

शुरूशुरूमा राति १२–१ बजेसम्म पनि काम गरेको उनले बताए । दाना उद्योगमा सफलता मिल्दै गएपछि विद्युतीय गाडीको व्यवसाय थप गरेको उनले बताए । ‘विद्युतीय गाडीको व्यवसाय शुरू गर्दा धेरैले मूर्ख समेत भने, जसले मूर्ख भनेका थिए अहिले उनीहरू नै गाडी अर्डर गरिरहेका छन्,’ उनले भने ।

नेपालमै विद्युतीय स्कुटर तथा मोटरसाइकल बनाउने गरी काम अगाडि बढाएको उनले बताए । उद्योगमा ५० जनाले रोजगारी पाएका छन् । 

TATA Below
NLIC
बैशाख २८, २०७९

सडक दुर्घटनाले मात्रै नेपालको कूल गार्हस्थ उत्पादनको करीब ०.८ प्रतिशत आर्थिक क्षति हुने अनुमान छ । सडक निर्माणकै कारण पहाडी क्षेत्रमा सबैभन्दा बढी पहिरो जाने गरेको छ । सडक बनाएकै कारण पहाडी क्षेत्रमा वार्षिक २...

बैशाख २२, २०७९

जिउमा ब्लाउजजस्तो देखिने एकसरो पातलो र मैलो कपडा । सामान्य धोती । खुट्टामा उति नै सामान्य चप्पल । चाउरी परेको मुहार । वैशाखको ४० डिग्री तापक्रमका बीच दैनिक १२ घण्टा दाउराको आगो र धूवाँवरिपरिको बसाइले हुनसक्छ...

बैशाख २७, २०७९

स्थानीय तह निर्वाचन रिपोर्टिङको क्रममा मधेश प्रदेशमा लोकान्तरकर्मीहरू चहारिरहेका थियौं । जनकपुरबाट सिरहाको लहान र सप्तरी हुँदै प्रदेश–१ प्रवेश गर्नेक्रममा थियौं । हाम्रो गन्तव्य सुनसरीको इटहरी थियो ।  ...

बैशाख २६, २०७९

नेपालकै होचो स्थान भनेर चिनिएको झापाको कचनकवललाई यसपटक स्थानीय तह चुनावले फेरि राष्ट्रिय राजनीतिको चर्चामा ल्याएको छ । कचनकवलमा भइरहेको चुनावी गठबन्धनलाई राष्ट्रिय रूपमा नै चासोका साथ हेरिएको छ । स्थानीय ...

बैशाख २१, २०७९

कैलालीको गोदावरी नगरपालिकाको अत्तरियास्थित विष्ट टोलका मतदाता नेताहरूले यसअघि गरको प्रतिबद्धता पूरा नगरेको र जनताका पक्षमा काम नगरेको भन्दै असन्तुष्ट छन् । गोडेपानी खोलाले विष्ट टोललाई बर्सेनि समस्या दिन्छ भन...

बैशाख २५, २०७९

देशैभर सत्तारुढ ५ दलीय गठबन्धनले आगामी वैशाख ३० गते हुने स्थानीय चुनावको माहोल तताइरहेको छ । कैलालीको टीकापुरमा वैशाखको ३४ डिग्री गर्मीलाई बेवास्ता गर्दै प्रमुख राजनीतिक दल नेकपा माओवादी केन्द्र र कांग्रेस...

व्यासको मेयरमा उठेपछि कांग्रेसको आक्रमणमा परेका जोशीको लेख– बाटो बिराएका काकाहरूका नाममा

व्यासको मेयरमा उठेपछि कांग्रेसको आक्रमणमा परेका जोशीको लेख– बाटो बिराएका काकाहरूका नाममा

जेठ १३, २०७९

नेपाली कांग्रेसमा आबद्ध हुनुभएका महानुभावहरू साथै मेरो बुवा (गोविन्दराज जोशी)का साथीहरू, मैले आदरणीय मानेका काका ठूलोबाहरू, मेरा बुवा र हामी सम्पूर्ण परिवारले ५० औँ वर्षसम्म तपाईंसँग एउटै यात्रामा प्रजातन्त्र...

यौन अपराधमा हदम्याद : नेपालको कानून र अन्तर्राष्ट्रिय अभ्यास

यौन अपराधमा हदम्याद : नेपालको कानून र अन्तर्राष्ट्रिय अभ्यास

जेठ १२, २०७९

जब कुनै आपराधिक घटनाहरू समाजमा उजागर हुन्छन् त्यसपछि मुलुकको विद्यमान कानूनले के भन्छ भन्ने प्रश्न उठ्न थाल्छ । कानूनमा कुनै खालीपन रहेछ भने अभियन्ताहरूले सुधारको बाटो देखाउँछन्। समाजको वास्तविक आवश्यकता यही रहे...

ओलीको 'पर्सनल अट्याक'ले रोक्न नसकेको रेनुको विजयी यात्रा

ओलीको 'पर्सनल अट्याक'ले रोक्न नसकेको रेनुको विजयी यात्रा

जेठ १०, २०७९

केपीबा (एमाले अध्यक्ष केपी शर्मा ओली) धेरैका बा थिए, तर कतिपयका लागि उनी बाजस्ता थिएनन् । मलाई लाग्छ, बा हुनका लागि आवश्यक गुण ओलीसँग छैन । बा त्यस्तो व्यक्ति हो, जसले सबैका छोराछोरीलाई आफ्नैसरह माया गर्छ,...

ad
x