शेयर बजार मंगलवार पनि ५.५९ अंकले घटेको छ । सोमवार १०० अंकको पहिरो गएको बजार मंगलवार सुधार हुने अपेच्छा गरिएको भए पनि जीवन बीमा समूहबाहेकका सबैजसो समूहमा बिक्री चाप परेका कारण नेप्से परिसूचक यो साताको तेस्रो दिन पनि घटेको छ । 

समग्र बजारको ०.२० प्रतिशतको गिरावट भएर २८१४.७४ अंक कायम भएको छ ।

मंगलवार शेयर बजारमा २२९ वटा कम्पनीको ७२ हजार ४०१ पटक कारोबार भएको छ । ९७ लाख ८४ हजार ६५१ कित्ता शेयर कारोबारबाट ५ अर्ब ३९ करोड ५६ लाख ७२ हजार ६२७ रूपैयाँको कारोबार भएको छ । यो सँगै मंगलबारको बजार पुँजीकरण ३९ अर्ब ७८ करोड रूपैयाँको छ ।

मंगलवार बीमा समूहबाहेकका सबै समूह राताम्मे भए । कारोबार भएको शेयरमध्ये यो साता बजार घट्दा विन नेपाल लघु्वित्तको शेयर कारोबारमा लगातार तीन दिनसम्म सकारात्मक सर्किट लागेको छ । 

विन नेपालको शेयर १० प्रतिशत बढेको छ । बुद्धभूमि नेपाल हाइड्रो पावरले पनि ९.१० प्रतिशतले कारोबार बढेको छ । मंगलवार कमाउने कम्पनीमा पोखरा फाइनान्स, कालिका लघुवित्त सहितका कम्पनी छन ।

मंगलवार सबैभन्दा बढी गुमाउनेमा भने कृषि विकास बैैंक डिवेञ्चर, गोर्खाज फाइनान्स, समिट लघुवित्तवित्तीय संस्था, समता घरेलु लघुवित्त वित्तीय संस्थासहितका लगानीकर्ताले गुमाए ।