×

X
Nic Asia
Marvel
Khukuri

ठूला पार्टीको हिसाब-किताब

धनी पार्टी एमाले सवा करोड घाटामा, कांग्रेस नाफामा उक्लियो, माओवादीको कमाइ जम्मा ७६० रुपैयाँ

काठमाडाैं | फागुन २५, २०७८

NTC
Argakhanchi Cement
Premier Steels
British college
TVS INSIDE

झन्डै २२ करोड रुपैयाँ बचतमा रहेको नेकपा एमालेले गत आर्थिक वर्षमा सवा करोड रुपैयाँ घाटामा व्यहोरेको पाइएको छ  ।

DHARA
LAxmi BAnk

आर्थिक वर्ष २०७७/०७८ को लेखा परीक्षण प्रतिवेदनअनुसार एमालेको वचत १ करोड २७ लाख २० हजार ५०९ रुपैयाँले घटेर २१ करोड ६६ लाख २७ हजार २९० रुपैयाँ कायम भएको हो  ।


Advertisment
NMB BANK
RMC TANSEN
NIC ISLAND BOX

२०७६/०७७ मा  नेकपा एमालेसँग २१ करोड ६६ लाख २७ हजार २९० रुपैयाँको खुद बचत/सम्पत्ति रहेको थियो  ।

आर्थिक वर्ष २०७७/०७८ मा १ करोड २७ लाख २० हजार ५०९ रुपैयाँ घाटा भए पनि एमालेसँग हाल कुल २१ करोड ६६ लाखभन्दा बढी रुपैयाँको सम्पत्ति छ  ।


Advertisment
Bizbazar
Saurya island

२०७८ पुस ७ गते के. खरेल एन्ड कम्पनीका रजिस्टर्ड अडिटर कमल खरेलले आर्थिक वर्ष २०७७/०७८ को लेखा परीक्षण गरेर दिएको प्रतिवेदन एमालेको केन्द्रीय कमिटीबाट पारित गरिएको थियो ।

उक्त प्रतिवेदनमा एमालेका महासचिव शंकर पोखरेल, पार्टीको केन्द्रीय कार्यालयका लेखा प्रमुख राजेन्द्रकुमार श्रेष्ठ र अडिटर खरेलसहित तीन जनाको हस्ताक्षर छ  ।

Vianet communication
IME BANK INNEWS

आर्थिक वर्ष २०७७/०७८ मा एमालेले ५४ लाख ७५ हजार ४३० रुपैयाँ आम्दानी गरेको छ  । सदस्यता, लेभी र नवीकरण शुल्कबाट ७ लाख १४ हजार २५५ रुपैयाँ आम्दानी भएको छ  ।​

स्वदेशबाट व्यक्तिगत रूपमा १८ लाख ६२ हजार ८४३ रुपैयाँ आर्थिक सहयोग चन्दाबाट प्राप्त भएको लेखा परीक्षण प्रतिवेदनमा उल्लेख गरिएको छ ।

 प्रकाशन बिक्री गरेर २० हजार ४२० रुपैयाँ, ब्याजबाट २८ लाख ७७ हजार ९१२ रुपैयाँ आम्दानी भएको प्रतिवेदनमा उल्लेख गरिएको छ  ।

२५ हजार रुपैयाँभन्दा बढी चन्दा भने उक्त वर्षमा कुनै पनि व्यक्ति वा संस्थाबाट नलिइएको प्रतिवेदनमा उल्लेख छ ।

त्यसैगरी कार्यालय सञ्चालनमा १ करोड ३४ लाख ९ हजार २६९ रुपैयाँ, प्रकाशनमा १३ लाख ४ हजार ६ सय रुपैयाँ, पूँजीगत खर्च र लगानीमा २५ लाख ६८ हजार ४६७ रुपैयाँ खर्च भएको पार्टीको अडिट रिपोर्टमा उल्लेख गरिएको छ  ।

आर्थिक वर्ष २०७६/०७७ मा भने एमालेले ४ करोड ३० लाख ९९ हजार १३१ रुपैयाँ आम्दानी गरेको थियो । त्यसैगरी सोही वर्षमा पार्टीको प्रशिक्षण तथा कार्यक्रममा ४९ लाख ३० हजार ७५५ रुपैयाँ, निर्वाचनमा ८० लाख ४० रुपैयाँ, कार्यालय सञ्चालनमा २ करोड ६६ लाख ७५ हजार २८३ रुपैयाँ, प्रकाशनमा १२ लाख १९ हजार ८१५ रुपैयाँ र पूँजीगत खर्च तथा लगानीमा ४ लाख ८८ हजार ५९ रुपैयाँ खर्च गरिएको थियो  ।

कार्यालय सञ्चालनमा १ करोड ४२ लाख खर्च

उक्त आर्थिक वर्षमा कार्यालय सञ्चालनमा १ करोड ४२ लाख १८ हजार ७४ रुपैयाँ खर्च भएको प्रतिवेदनमा उल्लेख छ ।

घर बहालमा १६ लाख ६७ हजार ५०० रुपैयाँ, सञ्चारमा ४ लाख ६६ हजार ५० रुपैयाँ, छपाई तथा स्टेसनरीमा ५ लाख १२ हजार २७९ रुपैयाँ, बिजुली तथा इन्धनमा ८ लाख १५ हजार ३३९ रुपैयाँ खर्च गरिएको छ ।

यातायात तथा भ्रमणमा २ लाख ५८ हजार ४०० रुपैयाँ, जलपान तथा पाहुनामा १९ लाख २० हजार ११३ रुपैयाँ, मर्मत सम्भारमा ४१ लाख ३७ हजार १९ रुपैयाँ, कार्यकर्ताको उपचारमा ८ हजार रुपैयाँ खर्च भएको लेखा परीक्षण प्रतिवेदनमा उल्लेख छ ।

ह्रासकट्टीमा ८ लाख ८ हजार ५ रुपैयाँ, सरसफाइमा १ लाख ६१ हजार ४०० रुपैयाँ, कर्मचारीको तलब भत्तामा ३४ लाख ६३ हजार १५५ रुपैयाँ र कार्यालय सञ्चालनमा १ करोड ७ लाख ५४ हजार ९१९ रुपैयाँ खर्च भएको प्रतिवेदनमा उल्लेख गरिएको छ  ।

पूँजीगत लगानीमा २५ लाख ६८ हजार खर्च

एमालेले पूँजीगत खर्च तथा लगानीमा २५ लाख ६८ हजार ४६७ रुपैयाँ खर्च गरेको छ ।

१४ लाख ७० हजार ६७२ रुपैयाँको फर्निचर खरिद, १० लाख ९७ हजार ७९५ रुपैयाँको कार्यालयका उपकरण खरिदसहित कुल २५ लाख ६८ हजार रुपैयाँ पूँजीगत खर्च गरेको प्रतिवेदनमा उल्लेख गरिएको छ  ।

गत वर्षसम्म जम्मा ९ लाख ५२ हजार ४४४ रुपैयाँको सवारी साधन खरिद गरिएको भए पनि आर्थिक वर्ष २०७७/०७८ मा सवारी साधनमा खरिदमा खर्च गरिएको छैन  ।

बैंकमा १८ करोड ९२ लाख नगद मौज्दात

एमालेको खातामा १८ करोड ९२ लाख १५ हजार ६२५ रुपैयाँ बैक मौज्दात रहेको छ  ।

आर्थिक वर्ष २०७७/०७८ को असार मसान्तसम्ममा उक्त पार्टीले कृषि विकास बैंक, एभरेस्ट बैंक, हिमालयन बैंक, नेपाल बैंक लिमिटेड, राष्ट्रिय बाणिज्य बैंक, ग्लोबल आईएमई बैंक, नबिल बैंक, प्रभु बैंक र नवयुग सहकारीसहितका बैंक तथा वित्तीय संस्थामा रकम मौज्दात राखेको छ  ।

आर्थिक वर्ष २०७६/०७७ मा भने १८ करोड ४९ लाख ५४ हजार १२४ रुपैयाँ मात्र बैंक खातामा मौज्दात रहेको थियो ।  

नाफामा उक्लियो कांग्रेस

अघिल्लो आर्थिक वर्षमा १ करोड १० लाख रुपैयाँ घाटामा गएको कांग्रेस सरकारमा उक्लिएको वर्ष आव २०७७/०७८ मा भने ८ करोडभन्दा बढी नाफामा गएको छ ।

नेपाली कांग्रेसको लेखा परीक्षण प्रतिवेदनअनुसार आर्थिक वर्ष २०७६/०७७ मा १ करोड १० लाख ४४ हजार १९० रुपैयाँ घाटामा रहेको कांग्रेस आर्थिक वर्ष २०७७/०७८ मा ८ करोड १६ लाख ६२ हजार ११६ रुपैयाँ नाफामा गएको हव ।

आर्थिक वर्ष २०७७/०७८ मा कांग्रेसले ११ करोड २१ लाख ११ हजार १२१ रुपैयाँ कुल आम्दानी गरेकोमा ३ करोड ४ लाख ४९ हजार १०५ रुपैयाँ मात्र खर्च हुँदा ८ करोड १६ लाख ६२ हजार रुपैयाँ बचत भएको छ ।

दस्तुर तथा नवीकरणबाट ९ करोड २४ लाख ९४ हजार ९४४ रुपैयाँ, चन्दा तथा सहयोगबाट १ करोड ३ लाख ४१ हजार ६५७ रुपैयाँ, कुपन तथा पब्लिकेसनबाट ८ लाख ३९ हजार ५० रुपैयाँ र अन्य आयबाट ८४ लाख ३५ हजार ५६९ रुपैयाँ आम्दानी भएको लेखा परीक्षण प्रतिवेदनमा उल्लेख गरिएको छ ।

कांग्रेससँग १७ करोडको खुद सम्पत्ति

नेपाली कांग्रेससँग १७ करोड ३ लाख १८ हजार १७० रुपैयाँको खुद सम्पत्ति छ ।

साधारण जगेडा कोषमा ९ करोड ९७ लाख ४३ हजार २५९ रुपैयाँ, निश्चित प्रयोजन कोष (भवन निर्माण)मा ७ करोड ५ लाख ७४ हजार ९१० रुपैयाँ रहेको देखिन्छ ।

स्पर्श गर्न सकिने सम्पत्ति ५ करोड ५४ लाख ४३ हजार ४१० रुपैयाँ, लगानी ६ करोड ५० लाख रुपैयाँ, बैंकमा नगद मौज्दात ३ करोड ११ लाख ३९ हजार ८६२ रुपैयाँ रहेको छ ।

त्यसैगरी अन्य चालू सम्पत्ति ३ करोड ६८ लाख ५ हजार २८० रुपैयाँ रहेको प्रतिवेदनमा उल्लेख छ ।

१ करोड ७८ लाख साधारण तथा प्रशासनिक खर्च

नेपाली कांग्रेसले आर्थिक वर्ष २०७७/०७८ मा १ करोड ७८ लाख ८८ हजार ३२९ रुपैयाँ प्रशासनिक तथा साधारणतर्फ खर्च गरेको छ ।

टेलिफोन तथा इन्टरनेटमा ४ लाख २१ हजार ६८ रुपैयाँ, अतिथि सत्कारमा १ लाख ५४ हजार ११४ रुपैयाँ, छपाई तथा मसलन्दमा १३ लाख ४४ हजार १६९ रुपैयाँ खर्च भएको छ ।

भ्रमण, ट्याक्सी तथा गाडी भाडामा २२ हजार ६०० रुपैयाँ, चिया, जलपानमा १७ हजार ६३० रुपैयाँ, पानीमा १ लाख ३१ हजार २१५ रुपैयाँ, विद्युतमा ४ लाख ४८२ रुपैयाँ खर्च भएको प्रतिवेदनमा उल्लेख छ ।

मर्मत सम्भारमा ३ लाख ५८ हजार ४१५ रुपैयाँ, इन्धनमा १ लाख ५५ हजार २८४ रुपैयाँ खर्च भएको छ ।

सबैभन्दा बढी कोरोनाको लागि आर्थिक सहयोगमा १ करोड २८ लाख ५४ हजार ५०० रुपैयाँ खर्च भएको प्रतिवेदनमा उल्लेख छ ।

विभिन्न कार्यक्रममा ६५ हजार रुपैयाँ, खाजा तथा किचेनमा १ लाख ६७ हजार ५४५ रुपैयाँ, बैठकमा १ लाख ६२ हजार ५३३ रुपैयाँ खर्च भएको छ ।

कांग्रेसले सोसलिस्ट इन्टरनेसनलको सदस्यता लिँदा शुल्कमा ३ लाख ३१ हजार ३४० रुपैयाँ, सरसफाइमा १ लाख ५७ हजार ४९१ रुपैयाँ, पत्रपत्रिका तथा पुस्तकमा ५ हजार १०० रुपैयाँ, श्रद्धाञ्जलीमा ३२ हजार ५९४ रुपैयाँ, बीमामा ३८ हजार २४४ रुपैयाँ, विविधमा १ लाख २ हजार ४०१ रुपैयाँ खर्च भएको छ ।

उपचारमा ३ लाख १७ हजार ४२८ रुपैयाँ, केन्द्रीय समितिको बैठकमा २ लाख रुपैयाँ, सवारी नवीकरणमा २ लाख २२ हजार १० रुपैयाँ र वेबसाइट सम्भारमा १ लाख ५० हजार रुपैयाँ खर्च भएको प्रतिवेदनमा उल्लेख छ ।

एन.एस.ए. एन्ड एसोसिएट्स चार्टर्ड एकाउन्टेन्टसका लेखापरीक्षक सीए आभास गौतमले गरेको लेखा परीक्षण प्रतिवेदन २०७८ मंसिर २२ गते नेपाली कांग्रेसको केन्द्रीय कार्यसमितिसमक्ष प्रस्तुत गरिएको थियो ।

उक्त अडिट रिपोर्टमा नेपाली कांग्रेसका सभापति शेरबहादुर देउवा, कोषाध्यक्ष सीता देवी यादव, मुख्यसचिव कृष्णप्रसाद पौडेल, लेखाका सह–सचिव रविन बज्राचार्य र अडिटर आभास गौतमले हस्ताक्षर गरेका छन् ।

निरन्तर सरकारमा रहेको माओवादीको खातामा १६ लाख मात्र 

पछिल्लो केही वर्षदेखि निरन्तर सरकारमा सहभागी रहेको नेकपा माओवादी केन्द्रको बैंक खातामा भने १६ लाख १२ हजार ४५४ रुपैयाँ मात्र देखिएको छ ।

आर्थिक वर्ष २०७७/०७८ को लेखा परीक्षण प्रतिवेदन अनुसार उक्त वर्षमा २८ लाख ४७ हजार ४१९ रुपैयाँ आम्दानी गरेको माओवादीले २८ लाख ४६ हजार ६५० रुपैयाँ खर्च गरेको छ ।

गत आवमा माओवादीको जम्मा नाफा ७६० रुपैयाँ रहेको देखिन्छ ।

त्यसअघि अघिल्लो आर्थिक वर्षको मौज्दात रहेको १६ लाख ११ हजार ६९४ रुपैयाँ जिम्मेवारी सरी आएकोमा हालसम्मको जम्मा बचत १६ लाख १२ हजार ४५४ रुपैयाँ मात्र रहेको देखिएको छ ।

चालू दायित्व ३० हजार समेत जोडेर माओवादीको बैंक खातामा जम्मा खुद बचत १६ लाख ४२ हजार ४५४ रुपैयाँ छ ।

आर्थिक वर्ष २०७७/०७८ मा सदस्यता लेभी र नवीकरण शुल्कबाट २८ लाख २६ हजार रुपैयाँ, बहाल आयबाट १३ हजार रुपैयाँ, बैंकको बचत तथा मुद्दती खाताबाट आएको बैंक ब्याजबाट ८ हजार ४१९ रुपैयाँ मात्र आम्दानी भएको लेखा परीक्षण प्रतिवेदनमा उल्लेख छ ।

पार्टीको कार्यालय सञ्चालनमा  २८ लाख २२ हजार ८०९ रुपैयाँ, पूँजीगत खर्च र लगानीमा २३ हजार ८५० रुपैयाँ खर्च भएको उल्लेख छ । कार्यालय सञ्चालन गर्दा सञ्चारमा ७७ हजार ३७० रुपैयाँ, बिजुली तथा इन्धनमा १ लाख २९ हजार १४ रुपैयाँ, यातायात तथा भ्रमणमा ६६ हजार २८५ रुपैयाँ, लेखापरीक्षण शुल्कमा ३० हजार रुपैयाँ खर्च भएको उल्लेख छ ।

जलपान तथा पाहुनामा १ लाख ८६ हजार ४७६ रुपैयाँ, मर्मत सम्भारमा १ लाख ५० हजार ८६७ रुपैयाँ, पुस्तक तथा पत्रपत्रिकामा ६३ हजार ११७ रुपैयाँ खर्च गरिएको छ ।

त्यसैगरी अर्धकालीन कार्यकर्तामा २० लाख ८० हजार ९२० रुपैयाँ, कार्यकर्तासम्बन्धी अन्य खर्चमा १५ हजार रुपैयाँ सहित कार्यकर्तामा कुल २० लाख ९५ हजार रुपैयाँ खर्च गरिएको लेखा परीक्षण प्रतिवेदनमा उल्लेख छ ।

भानु एसोसिएट्सका चार्टर्ड एकाउन्टेन्ट भानु कंडेलले हस्ताक्षर गरेको उक्त प्रतिवेदनमा नेकपा माओवादी केन्द्रका अध्यक्ष पुष्पकमल दाहाल (प्रचण्ड), मुख्य सचिव श्रीराम ढकाल र लेखा प्रमुख एविन्द्र पराजुलीले हस्ताक्षर गरेका छन् ।

 

Maruti inside
TATA Below
NLIC
ncc inside
भदौ ५, २०७९

मधेश प्रदेशको मुख्यमन्त्री तथा मन्त्रिपरिषद् कार्यालयबाट गरिएको २७ हजार साइकल खरिद प्रकरणमा अख्तियार दुरुपयोग अनुसन्धान आयोगले मुख्यमन्त्री, प्रदेश सचिव तथा केही इन्जिनीयर समेतलाई मुद्दा चलाउनुपर्नेमा उन्मुक्ति दिएको ...

भदौ २, २०७९

सरोकारवाला निकायहरूको चौतर्फी विरोध तथा आलोचनाका बीच औषधि व्यवस्था विभागले ६५० एमजीको पारासिटामोल उत्पादन गर्न तीनवटा कम्पनीलाई अनुमति प्रदान गरेको छ । विभाग स्रोतका अनुसार रोयल फार्मेच्युटिकल, नेसनल हेल्थ...

भदौ २६, २०७९

काठमाडौं मेडिकल कलेज सिनामंगलमा गत वर्ष प्राध्यापक सुबोध ढकाल मातहत चिकित्सा शास्त्रको स्नातकोत्तर 'मास्टर्स अफ मेडिसिन (एमडी)' अध्ययन गर्ने भन्दै विद्यार्थीहरू भर्ना भएका थिए । तर, ती विद्यार्थीलाई पढाउनका ...

भदौ २९, २०७९

मधेश स्वास्थ्य विज्ञान प्रतिष्ठान जनकपुरधामले कर्मचारी भर्नामा व्यापक अनियमितता गरेको छ । स्नातकोत्तर तहको अध्ययन/अध्यापन गराउनका लागि भर्ना गरिरहेका २०३ जना कर्मचारी छनोटमा अनियमितता भएको पाइएको छ । विभिन्न...

भदौ ७, २०७९

ललितपुरको महालक्ष्मी नगरपालिकाको प्रमुखमा निर्वाचित भएका हरिगोविन्द श्रेष्ठ पेशाले निर्माण व्यवसायी हुन् । नेकपा एमालेबाट निर्वाचित श्रेष्ठ लुभु महालक्ष्मी कन्स्ट्रक्सनका सञ्चालक हुन् ।  संखुवासभाको चिचिला गाउँ...

भदौ १४, २०७९

काठमाडौंको ठमेलस्थित अमृत साइन्स क्याम्पस (अस्कल)मा प्राध्यापकहरूले महिनौंसम्म पढाउनै नगएर पनि तलब बुझ्ने गरेका छन् । सरकारी क्याम्पसको प्राध्यापक भएपनि त्यहाँ पढाउनुको साटो कलेज 'बंक' गर्दै निजी कलेज तथा ...

कता हरायो दशैं ?

कता हरायो दशैं ?

असोज १८, २०७९

दशैं नेपाली समाजको पोयो हो । दशैंलाई धार्मिक, आर्थिक र अरू धेरै आयामबाट हेरिए पनि यसको सामाजिक–सांस्कृतिक आयाम चाहिँ फराकिलो छ । सामाजिक सहभाव, सम्बन्ध सौहार्द्धताका कारण दशैं नेपालीको जीवनसंस्कृति ब...

नेताका कन्सिरी तताएका र हेडलाइन बनेका ती जोसिला प्रश्न

नेताका कन्सिरी तताएका र हेडलाइन बनेका ती जोसिला प्रश्न

असोज १८, २०७९

सूर्यबहादुर थापा प्रधानमन्त्री थिए । राप्रपा विभाजन गरेर बनेको जनशक्ति पार्टीको कार्यालय कमलपोखरीमा पत्रकार सम्मेलन आयोजना गरिएको थियो । ठ्याक्कै मिति यकिन नभएपनि २०६१ सालको शुरूतिर हुनुपर्छ । म भर्खर पत्रकारिताम...

मासु खाने पर्व मात्रै हो र दशैं ?

मासु खाने पर्व मात्रै हो र दशैं ?

असोज १५, २०७९

गाउँको दशैं र शहरको दशैं एउटै भए पनि मनाउने ढंग अलग–अलग छ । शहरमा दशैंमा न पिङ हुन्छ, न आत्मियता । गाउँमा परदेशबाट फर्कनेको लर्को, बोका, खसी र च्यांग्राको आवाज, धानका बाला लहलह झुलेका शितल हावा चले...

ad
x