×

Dabur
Nic Asia
Marvel

केन्द्रीय घटनाले नजिकिँदै एमाले–कांग्रेस

सिन्धुपाल्चोकमा कांग्रेसले एमालेसँग हिमचिम बढाएपछि गठबन्धनमा हलचल

माओवादी मेयरलाई एमाले प्रवेश गराएर एमाले–कांग्रेस चुनावी समीकरणको प्रयास

काठमाडाैं | बैशाख ९, २०७९

TVS INSIDE

सिन्धुपाल्चोकमा नेपाली कांग्रेसले नेकपा एमालेसँग हिमचिम बढाएपछि सत्तारूढ गठबन्धनमा हलचल उत्पन्न भएको छ ।

morang Auto yamaha

सत्तारूढ गठबन्धनले देशव्यापीरूपमा चुनावी गठबन्धन गर्ने सहमति गरेर गठबन्धन भित्रका ५ दलबाहेक अन्य दलसँग स्थानीय तहमा चुनावी तालमेल नगर्न निर्देशन नै दिएको छ । 


Advertisment
NMB BANK
RMC TANSEN
Saurya island

अझ एमालेसँग त कही पनि चुनावी तालमेल नगर्न ५ दलीय गठबन्धनले आचारसंहिता नै बनाएको छ ।

वैशाख ३० गते हुने स्थानीय तह निर्वाचनमा एमालेलाई ‘पत्तासाफ’ गर्न भन्दै ५ दलीय गठबन्धनका शीर्ष नेताहरू मरिमेटेर लागेका छन् ।

Vianet communication
Maruti inside

तर राजधानी नजिकको जिल्ला सिन्धुपाल्चोकमा कांग्रेसले एमालेसँग चुनावी सहकार्यको हात बढाएपछि सत्तारूढ गठबन्धनमा हल्लीचल्ली भएको छ । 

चौतारा साँगाचोकगढी नगरपालिका मेयर अमानसिंह तामाङलाई एमाले प्रवेश गराएर कांग्रेस र एमालेले चुनावी सहकार्यको गृहकार्य गरेका थिए । 

सोहीअनुसार तामाङ मेयरबाट राजीनामा दिएर एमाले प्रवेशका लागि काठमाडौं आएका थिए । बिहीवार साँझ नै तामाङलाई एमाले अध्यक्ष ओलीसँग भेट गराएर पार्टी प्रवेश गराउने तारतम्य सिन्धुपाल्चोकका एमाले नेताहरूले मिलाएका थिए तर अन्तिम समयमा तामाङले कुरा बदलेको एमालेका नेताहरू बताउँछन् ।

सापकोटासँग रूष्ट थिए तामाङ

प्रतिनिधि सभाका सभामुख अग्निप्रसाद सापकोटाको निर्वाचन क्षेत्रमा पर्छ चौतारा साँगाचोकगढी नगरपालिका । सिन्धुपाल्चोकको सदरमुकाम समेत रहेको नगरपालिकामा गत चुनावमा माओवादीले जितेको थियो ।

यस पटकको चुनावमा पनि तामाङ मेयरका आकांक्षी हुन् तर सापकोटाले उनलाई मेयर अगाडि बढाउन चाहेका थिएनन् । माओवादी केन्द्रले तामाङको नाम प्राथमिकताक्रममा दोस्रोमा राखेर केन्द्रमा सिफारिस गरेको थियो । 

‘तामाङलाई प्रदेश सभामा लैजाने र अहिलेका लागि पार्टीमा अरू नेतालाई अवसर दिन अनुरोध गरिएको थियो तर उहाँले मेयरको दाबी छाड्नुभएको थिएन,’ सिन्धुपाल्चोकका एक माओवादी नेता भन्छन्, ‘मेयरको टिकट नपाउने देखेपछि उहाँले मन बदल्नुभएको होला ।’

सापकोटाले सिन्धुपाल्चोकको राजनीतिक परिवार हाबी गरेको भन्दै तामाङ उनीसँग असन्तुष्ट रहेका माओवादी नेताहरू बताउँछन् ।

एमालेले मेयरको उम्मेदवार बनाउने र कांग्रेससँग तालमेल गर्ने भनेपछि चुनाव जितिनेमा ढुक्क भएर तामाङ एमाले प्रवेशको तयारीमा थिए तर सिन्धुपाल्चोकमा गठबन्धन बिग्रन लागेको सूचना गठबन्धनका शीर्ष नेताहरूले पाएपछि तामाङलाई एमाले प्रवेश गर्नबाट रोक्ने प्रयास केन्द्रबाट भइरहेको छ ।

तर एमाले सिन्धुपाल्चोकका नेताहरू भने तामाङ एमाले प्रवेश गर्ने सम्भावना अझै टरिनसकेको बताउँछन् । 

सापकोटा र बस्नेतको लडाइँमा एमालेको च्याखे !

संघीय प्रतिनिधि सभाका सभामुख अग्निप्रसाद सापकोटा र नेपाली कांग्रेसका केन्द्रीय सदस्य एवं पूर्व मन्त्री मोहन बस्नेतको चुनावी मैदान सिन्धुपाल्चोकको क्षेत्र नम्बर १ हो । २०७४ सालको चुनावमा सापकोटा र बस्नेत चुनावमा भिडेका थिए । त्यसबेला एमाले र माओवादी केन्द्रको गठबन्धन भएका कारण सापकोटाले संघीय चुनावको नतिजा सजिलै आफ्नो पक्षमा पार्दा कांग्रेस नेता बस्नेत ५ वर्षका लागि राजकीय भूमिकाबाट वञ्चित भए । 

अहिले एमाले र माओवादीको सहकार्य शत्रुतामा बदलिएको छ । अर्कोतर्फ एमालेलाई विभाजन गराउन संसदका सभामुखले भूमिका निर्वाह गरेको भनेर एमालेको केन्द्रीय नेतृत्व नै सभामुख सापकोटाप्रति आक्रोशित छ । सापकोटाको राजीनामा मागेर एमालेले संसद अवरूद्ध गरिरहेको छ ।

उता राजनीतिक भूगोलमा कांग्रेस नेता बस्नेत माओवादीका अग्निप्रसाद सापकोटा राजनीतिक रूपमा बलियो भएको देख्न चाहँदैनन् । सापकोटा राजनीतिकरूपमा जति बलियो हुन्छन्, त्यति नै बस्नेतले निरन्तर हार व्यहोर्दै जानुपर्ने हुन्छ ।

राजनीतिक भविष्य सुरक्षित बनाउन बस्नेत सिन्धुपाल्चोकमा माओवादीलाई कमजोर बनाउन चाहन्छन् । माओवादी कमजोर हुँदा संघीय चुनावमा केही गरी माओवादी र एमालेले सहकार्य गरे भने पनि कांग्रेस प्रतिस्पर्धामा आउनसक्ने विश्लेषण सिन्धुपाल्चोकका कांग्रेस नेताको छ तर अहिलेको अवस्था हेर्दा सिन्धुपाल्चोकमा एमाले र माओवादी केन्द्रको सहजै सहकार्यको सम्भावना देखिँदैन । अर्कोतर्फ सिन्धुपाल्चोकमा एमालेलाई माओवादी जसरी कमजोर बनाउन सक्ने अवस्था नरहेको कांग्रेसकै नेताहरू स्वीकार्छन् ।

त्यसो हुँदा कांग्रेसले माओवादीलाई कमजोर बनाउन स्थानीय चुनावमा एमालेसँग सहकार्यको प्रस्ताव गरेको छ ।

कांग्रेसले चुनावी सहकार्यको प्रस्ताव गरेको सिन्धुपाल्चोकका जिल्ला तहका नेताले पुष्टि गरेका छन् । ‘कांग्रेसको प्रस्तावमा हामीले विभिन्न चरणमा छलफल गरेका छौं । कांग्रेसले एमालेसँग चुनावी तालमेल गर्ने भनेर हाम्रै अगाडि निर्णय नै गरेको छ । एमाले पनि चुनावी सहकार्यका लागि तयार छ,’ जिल्ला तहका ती नेताले भने ।

भक्तपुरको ठिमीस्थित एक रेस्टुराँमा एमालेका नेताहरूसहित राखेर केही दिनअघि कांग्रेसका नेताहरूले एमालेसँग चुनावी सहकार्य गर्ने निर्णय गरेका एमालेका ती नेताले बताए ।

एमालेको केन्द्रीय नेतृत्वले पनि सिन्धुपाल्चोकमा सभामुख सापकोटालाई कमजोर पार्न सकिने सबै विकल्प अपनाउन जिल्ला कमिटीलाई निर्देशन दिएको सिन्धुपाल्चोक एमालेका नेताहरू बताउँछन् ।

‘हाम्रो पार्टी विभाजन गर्न भूमिका निर्वाह गरेका नेतालाई यहाँ शक्तिशाली बनाइराख्नुपर्छ भन्ने छैन । केन्द्रीय नेतृत्वको पनि सोही प्रकृतिको निर्देशन छ,’ सिन्धुपाल्चोक एमालेका एक नेताले भने ।

सिन्धुपाल्चोकमा माओवादी केन्द्रलाई पत्तासाफ गर्ने एमाले र कांग्रेसको नीति मिलेपछि स्थानीय तहको चुनावमा सहकार्य गर्न २ पार्टी तयार भएका छन् । 

एमालेसँग संवाद बाक्लिएपछि कांग्रेसले सिन्धुपाल्चोकमा गठबन्धनको बैठक नै बोलाएको छैन । माओवादी केन्द्रको जबरजस्त पहलमा गठबन्धनको बैठक बसे पनि कांग्रेसको जिल्ला नेतृत्व बैठकमा सहभागी हुँदैन । त्यसैले बैठक निष्कर्षमा पुग्न सकिरहेको छैन ।

सिन्धुपाल्चोकमा गठबन्धनको यस्तो बिलखबन्द अवस्थालाई माओवादी केन्द्रका नेताहरूले गठबन्धनका केन्द्रीय नेतृत्वलाई जानकारी गराएका छन् । माओवादी केन्द्रका नेताहरूले पत्र नै लेखेर सिन्धुपाल्चोकको राजनीतिक अवस्थाको जानकारी केन्द्रीय नेतालाई गराएका हुन् ।

माओवादी अध्यक्ष प्रचण्डले सिन्धुपाल्चोकको कांग्रेसले गठबन्धन तोड्ने प्रयास गरेको विषयमा कांग्रेस सभापति एवं प्रधानमन्त्री शेरबहादुर देउवासँग समेत परामर्श गरेको र देउवाले सिन्धुपाल्चोकको विषय मिलाउन बागमती प्रदेश समितिका सभापति ईन्द्र बानियाँलाई जिम्मेवारी दिएको चर्चा सिन्धु कांग्रेसमा छ । 

Mega
TATA Below
NLIC
असार १६, २०७९

प्रधानमन्त्री शेरबहादुर देउवाले संघीय संसद् र प्रदेश सभाको निर्वाचन गराउन सरकार प्रतिबद्ध रहेको बताएका छन् । संघीय संसद् सचिवालय र पूर्व सांसद मञ्च नेपालले ६४औं संसद् दिवसका अवसरमा बिहीवार आयोजना गरेको कार्यक्...

असार १६, २०७९

सुदूरपश्चिम प्रदेशसभा बैठक अनिश्चितकालका लागि स्थगित भएको छ । बिहीवार दिउँसो ३ बजे बस्ने भनिएको बैठक स्थगन भएको हो । बिहीवार बसेको कार्यव्यवस्था परामर्श समितिको बैठकमा सत्तापक्ष र प्रतिपक्षले यथास्थितिमै बज...

असार १६, २०७९

प्रमुख प्रतिपक्षी दल नेकपा एमालेले कर्णाली प्रदेशसभाको दशौँ अधिवेशनको १८औँ बैठक अवरोध गरेयता प्रदेशसभा बैठक सुचारु हुन सकेको छैन ।  कर्णाली प्रदेश सरकारका आर्थिक मामिला तथा योजनामन्त्री बिन्दमान विष्टले...

असार १६, २०७९

नेकपा एकीकृत समाजवादीका सम्मानित नेता एवं पूर्व प्रधानमन्त्री झलनाथ खनालले नेपालको संसदीय इतिहासमा दुईतिहाइको सरकार बन्नु दुर्लभ भए पनि त्यो सरकार पनि माछो माछो भ्यागुतो जस्तो भएको टिप्पणी गरेका छन् । तत्काल...

असार १६, २०७९

नेपाली कांग्रेसका उपसभापति धनराज गुरुङ चढेको गाडि दुर्घटनाबाट बचेको छ । रामेछापको गोगनेमा उपसभापति गुरुङ चढेको बा१९च १८३९ नम्बरको स्कोरपियो सडकबाट बाहिर पुगेको थियो । सामान्य दुर्घटनामा कोही केही भएका...

असार १६, २०७९

नेपाली कांग्रेसका वरिष्ठ नेता एवं पूर्व सभामुख रामचन्द्र पौडेलले निरंकुश सत्ता चलाउनेका लागि संसद जहिले पनि आँखाको कसिंगर बन्ने गरेको बताएका छन् ।  संसद दिवसको अवसरमा पूर्व सांसद मञ्चले बिहीवार आयोजन...

नेपालमा कम्युनिस्ट ध्रुवीकरणको प्रश्न : ‘युनिटी’भन्दा ‘अलाइन्स’ टिक्छ कि !

नेपालमा कम्युनिस्ट ध्रुवीकरणको प्रश्न : ‘युनिटी’भन्दा ‘अलाइन्स’ टिक्छ कि !

असार १६, २०७९

विश्व कम्युनिस्ट आन्दोलनमा कम्युनिस्ट पार्टीहरूको टुटफुट र विभाजनले ठूलो धक्का पुगेको इतिहास हामीसँग छ । नेपालको सन्दर्भमा हेर्ने हो भने ७३ वर्ष पुरानो इतिहास बोकेको नेपाली कम्युनिस्ट पार्टी टुट, फुट, गुट र एकताक...

नेपालमा एमसीसी र एसपीपी : अमेरिकी युद्ध आकांक्षा र मानवीय त्रासदीको खतरा

नेपालमा एमसीसी र एसपीपी : अमेरिकी युद्ध आकांक्षा र मानवीय त्रासदीको खतरा

असार १६, २०७९

चिनियाँ इतिहासमा हान शासनकालको पतन भएपछि ‘चिन राजवंशका’ सम्राट चिन स ह्वाङले एकीकरण गरेको एकीकृत चिनियाँ राज्य दक्षिणमा “ऊ” अधिराज्य, उत्तरमा ‘उई’ अधिराज्य र बीचमा (सिच...

भात खाए मोटाइन्छ ?

भात खाए मोटाइन्छ ?

असार १५, २०७९

धान दिवसका बेला तत्कालीन मन्त्रीहरूले कसैले गमलामा धान रोप्ने, कसैले उपद्रव तथा उच्छृंखल गरी धान दिवस मनाउँदै गर्दा मन्त्री पद समेत गुमाए । असार १५ गते सरकारले धान दिवस मनाएर औपचारिकता निभाउँछ । तथापि सरकार...

ad
x