×

Dabur
Nic Asia
Marvel

स्थानीय चुनाव : पोखरा महानगर विशेष

पोखरामा गठबन्धनलाई ढाल्नु मेरा लागि बासमतीको च्युरा चपाएसरहः कृष्ण थापा [अन्तर्वार्ता]

काठमाडाैं | बैशाख २१, २०७९

TVS INSIDE

सत्ता गठबन्धनबीच कास्कीको पोखरा महानगरपालिकामा चुनावी तालमेल भएको छ । गठबन्धनबाट नेकपा एकीकृत समाजवादीका धनराज आचार्य उम्मेदवार बनेका छन् ।

morang Auto yamaha

नेकपा एमाले भने एक्लै चुनावी मैदानमा छ । सत्ता गठबन्धनको सामना गर्न एमालेका चुनावी एजेण्डा के छन् ? गठबन्धनको चुनौतीलाई कसरी लिनुभएको छ भनेर लोकान्तरले एमालेका तर्फबाट मेयरका प्रत्यासी कृष्ण थापासँग कुराकानी गरेको छ । प्रस्तुत छ, कुराकानीको सम्पादित अंश :


Advertisment
NMB BANK
RMC TANSEN
Saurya island

विगतमा एमालेले चुनाव जितेको ठाउँ पोखरा महानगरमा यसपटक के एजेण्डा र नारा लिएर जनताकोमा जानुभएको छ ? 

चुनावका लागि बनाएको घोषणापत्रमा हामीले ‘हाम्रो अभिभारा, स्वच्छ सुन्दर पोखरा । श्रमसीपमा जुटौं, पोखरालाई उठाऔं’ भन्ने मूल थिम समावेश गरेका छौं । यही थिमलाई लिएर हामी चुनाव प्रचारमा जुटेका छौं । पोखरालाई अन्तर्राष्ट्रिय शहरको रूपमा विकास गर्नका लागि ती पूर्वाधार तयार गर्ने एजेन्डा छन् । हाम्रो फोकस भनेको महानगरका बासिन्दाको दैनिक सेवासुविधा लाइनबाट होइन अनलाइनबाट हुनुपर्छ भन्ने हो ।

Vianet communication
Maruti inside

जनताको कामलाई सर्वसुलभ तथा र गुड गभर्नेन्सका सबै सूचकमा अब्बल बनाउने योजना अगाडि सारेका छौं । भ्रष्टाचार र कमिसनका कुरालाई शून्यमा झारेर जनताका दैनिक सरोकारका कुरा सम्बोधन गर्ने हाम्रो लक्ष्य हुनेछ । विशेषतः शिक्षा, स्वास्थ्य, कृषि र पर्यटनलाई आधार बनाएर पोखरालाई सभ्य, सुसंस्कृत नागरिकहरू बसोबास गरेको सुविधासम्पन्न महानगर बनाउने उद्देश्यका साथ घोषणापत्र बनाएका छौं । 

सांसद पदबाट राजीनामा गरेर मेयरको उम्मेदवार बन्नुभयो । मेयरमा के त्यस्तो आकर्षण देख्नुभयो ? 

सांसद् आफैँमा आकर्षणको पद हो । नीति निर्माण गर्ने पद हो । तर, म पार्टीको इमान्दार र बफादार कार्यकर्ता भएकाले पार्टीको निर्देशन शिरोपर गर्दै पोखराको मेयरमा उम्मेदवारी दिएँ ।

आफ्नो जन्मभूमि, कर्मभूमि र राजनीति गरेको ठाउँ भएकाले मेयरको उम्मेदवार बनें । विभिन्न संघ संस्थामा आबद्ध रहेको, पोखरालाई निर्माण गर्ने सपना हिजोपनि देखेको हुनाले मेरो एक मात्र सपना या उद्देश्य दिगो विकासका लक्ष्य पच्छ्याउँदै वातावरणीय रूपमा अनुकूल र मानव बसोबासयोग्य विकसित शहर बनाउने हो । यही योजना पूरा गर्न मेयरको उम्मेदवार बनें ।

मेयरका लागि पहिला अर्कै नेताको नाम छानिएको थियो, पछि तपाईंको नाम आयो । दोस्रो विकल्पमा छानिँदा कस्तो अनुभव भयो ? 

पार्टीले जस्तोसुकै जिम्मेवारी दिए पनि मैले पूरा गर्दै आएको छु । पार्टीलाई अप्ठ्यारो सल्टाउन भनेर मलाई अध्यक्ष केपी ओली र अन्य नेताहरूले विश्वास गरेर उम्मेदवार बनाउनुभयो । त्यो जिम्मेवारी पूरा गर्छु । 

गठबन्धनलाई पराजित गरेर मेयर जित्नु फलामको च्युरा चपाएसरह छ भन्ने पनि सुनियो नि !

फलामको च्युरा त मैले २०५४ सालमै चपाएको हो, अहिले त सहज छ । गठबन्धनलाई मैले फलामको च्युराको रूपमा लिएको छैन । मेयर जित्नु मेरो लागि पोखराको बासमती चामलको च्युरा चपाएसरह हो ।

त्यति सजिलै गठबन्धनको चुनौती सामना गर्नुहुन्छ ? 

गठबन्धन त कागजमा पो छ, यहाँ कहाँ गठबन्धन छ ? वडाहरूमा कांग्रेसका उम्मेदवार छन् । यो गठबन्धनलाई जनताले मन पराएकै छैनन् । यो गठबन्धन जनादेशबाट नभई अदालतको सेटिङका कारण भएकाले जनताले मन पराएका छैनन् । मेरो जीतमा गठबन्धनले फरक पर्दैन । 

हिजो सँगै राजनीति गरेको साथी (नेकपा एसका धनराज आचार्य)सँग चुनावमा प्रतिस्पर्धा गर्दा कस्तो अनुभव भएको छ ? 

सँगै हिँडिरहँदा असल मानिस भयो भने त्यो साथी हुन्छ, छुरा हान्न आयो भने साथी हुँदैन नि ! विगतमा विचार मिल्दा सँगै हिँडियो । म चाहन्छु, स्वस्थ्य प्रतिस्पर्धा होस् । गलत ढंगले आउनुभयो भने मेरो रणनीति पनि त्यहीअनुसार हुन्छ । 

तपाईंले मेयर जित्नुभयो भने ५ वर्षपछि पोखरामा के परिवर्तन देख्न पाइन्छ ? 

पोखरा भनेको ताल र हिमालको शहर हो । यस्तो कम्बिनेसन भएको शहर संसारमा छैन । पोखरालाई ब्युटिफिकेसन, ग्रिनरी बनाउन चाहन्छौं । सार्वजनिक यातायातलाई व्यवस्थापन गर्न चाहन्छौं ।

हाम्रो शहरका नागरिकबाट यहाँ आउने पाहुनासमक्ष बोलीचाली, आनीबानी सभ्य र सुसंस्कृत होस् । पोखरालाई पर्यटकीय राजधानीको रूपमा विकसित गर्दै यहाँ आउने कुनैपनि नागरिकले असुरक्षित महशुस नगर्ने बनाउन चाहन्छौं । 

नयाँ विमानस्थलबाट आउनेलाई बसको व्यवस्था गर्ने, पोखरालाई डिजिटलाइज्ड गरेर जनताको सेवामा प्रयोग गर्ने काम गर्न चाहन्छौं । मैले नेतृत्व गर्न पाएमा पोखरामा धेरै सुधार गर्छु । 

Mega
TATA Below
NLIC
बैशाख २७, २०७९

कोशीपारि पूर्वको प्रमुख शहर इटहरीमा चुनावी सरगर्मी बढिरहेको छ । इटहरी उपमहानगरपालिकाको मेयर पदका लागि प्रमुख दलहरूबीच तीव्र प्रतिस्पर्धा छ । नेकपा एमालेले याम सुब्बालाई मेयर पदमा उठाएको छ । लामो समय पार्टी स...

जेठ २५, २०७९

स्थानीय तहको निर्वाचनमा जुन अपेक्षा गरिएको थियो त्यसअनुसारको नतिजा आएन । तर, जुन नतिजा आएको छ त्यो नै नकरात्मक भयो भन्ने चाहिँ होइन ।  अपेक्षा अनुसारको नजिता नआउनुमा विविध कारणहरू छन् । सबैभन्दा पहिल...

जेठ ११, २०७९

स्थानीय तहमा फेरि पनि पहिलो राजनीतिक शक्ति बन्ने उद्घोषका साथ चुनावमा होमिएको एमाले करीब एकतिहाइ शक्ति गुमाएर दोस्रो दलमा सीमित भयो । अध्यक्षको लोकप्रियता र पार्टी प्रवेशको लहरको आधारमा जीत निकाल्ने एमाले न...

जेठ ९, २०७९

राजनीतिक र औद्योगिक शहरका रूपमा चिनिएको १ नम्बर प्रदेशको राजधानी विराटनगरले २०७९ वैशाख ३० गते भएको निर्वाचनबाट लामो राजनीतिक पृष्ठभूमि बोकेको परिवारका नागेश कोइरालालाई मेयर बनाएको छ । विराटनगरको बागडोर ...

असार १४, २०७९

पूर्वप्रधानमन्त्री एवं नेकपा एसका सम्मानित नेता झलनाथ खनाल अमेरिकी आर्थिक सहयोग कार्यक्रम मिलेनियम च्यालेञ्ज कर्पोरेसन (एमसीसी) र सैन्य सहयोग राज्य साझेदारी कार्यक्रम (एसपीपी)को विरोधमा 'फ्रन्टलाइन'मा उभिने...

जेठ १२, २०७९

जनता समाजवादी पार्टीका कार्यकारिणी समिति अध्यक्ष उपेन्द्र यादवले गठबन्धनका घटक दलहरूबाट जसपाका उम्मेदवारलाई हराउनका लागि राजनीतिक षड्यन्त्र र बेइमानी भएको आरोप लगाएका छन् । लोकान्तरसँगको अन्तर्वार्तामा उनले गठब...

नेपालमा एमसीसी र एसपीपी : अमेरिकी युद्ध आकांक्षा र मानवीय त्रासदीको खतरा

नेपालमा एमसीसी र एसपीपी : अमेरिकी युद्ध आकांक्षा र मानवीय त्रासदीको खतरा

असार १६, २०७९

चिनियाँ इतिहासमा हान शासनकालको पतन भएपछि ‘चिन राजवंशका’ सम्राट चिन स ह्वाङले एकीकरण गरेको एकीकृत चिनियाँ राज्य दक्षिणमा “ऊ” अधिराज्य, उत्तरमा ‘उई’ अधिराज्य र बीचमा (सिच...

भात खाए मोटाइन्छ ?

भात खाए मोटाइन्छ ?

असार १५, २०७९

धान दिवसका बेला तत्कालीन मन्त्रीहरूले कसैले गमलामा धान रोप्ने, कसैले उपद्रव तथा उच्छृंखल गरी धान दिवस मनाउँदै गर्दा मन्त्री पद समेत गुमाए । असार १५ गते सरकारले धान दिवस मनाएर औपचारिकता निभाउँछ । तथापि सरकार...

राज्य र राजनीति केका लागि ?

राज्य र राजनीति केका लागि ?

असार १२, २०७९

विश्वविख्यात कूटनीतिज्ञ तथा राजनीतिज्ञ विष्णु गुप्त "चाणक्य"ले राजनीतिलाई परिभाषित गर्दै भनेका छन्- "आफ्नो टार्गेट अर्थात् निशानालाई निर्धारण गरी तदनुसार तयारी गर्नु र लक्ष्य हासिल गर्नु राजनीति हो।&q...

ad
x