बैशाख २६, २०७९
नेपाली कांग्रेसका नेता डा. शेखर कोइराला विराटनगर महानगरपालिकामा आफ्नो उम्मेदवार जिताउने भरमग्दुर प्रयासमा छन् । नागेश कोइरालाई उम्मेदवार बनाउन सम्पूर्ण शक्ति लगाएका कोइरालाई विराटनगरमा जीत निकाल्नु पार्टीभित्रै...
जनकपुरधाम | बैशाख २५, २०७९
२०७४ को स्थानीय तह चुनावमा खुलेर प्रचारसमेत गर्न नपाएको नेकपा एमालेले अहिले जनकपुर उपमहानगरपालिकामा सशक्त चुनावी प्रचार गरिरहेको छ । शहरदेखि गाउँसम्म एमालेको झण्डा र चुनाव चिह्न फहराइएका छन् ।
एमालेले जनकपुरधाम उपमहानगरपालिकाको मेयरका लागि व्यावसायिक पृष्ठभूमिका शिवशंकर साह(हीरा)लाई उम्मेदवार बनाएको छ । उनको चुनावी अभियान, एजेण्डा र जीतहारको प्रक्षेपणबारे लोकान्तरका विन्देश दहाल र उद्धव थापाले अन्तर्वार्ता गरेका छन् । प्रस्तुत छ, कुराकानीको सम्पादित अंश :
चुनाव प्रचार कसरी गरिरहनुभएको छ ?
निर्वाचन आयोगले निर्धारण गरेको आचारसंहिता पालन गर्दै चुनाव प्रचार गरिरहेका छौं । प्रचारका क्रममा नकारात्मक कुरा कम, सकारात्मक कुरा बढी गरिरहेका छौं । प्रतिस्पर्धीहरूसँग पनि सद्भाव राखेरै चुनाव प्रचार गर्दैछौं । आफ्नो कुरा राख्ने र नकारात्मकतालाई स्थान नदिने गर्दै हामी प्रचार गरिरहेका छौं ।
मेयर पदमा तपाईंसहित धेरै उम्मेदवार हुनुहुन्छ ? तपाईंलाई नै जनकपुरवासीले किन मेयर बनाउने ?
म जनकपुरधामलाई भ्रष्टाचाररहित, सफा, स्वच्छ, हराभरा नगर बनाउँछु भन्ने संकल्पका साथ चुनाव लड्न आएको हुँ । जनकपुरको हाताभित्र रहेका सबै सरकारी गैरसरकारी कार्यालयहरूमा पाँच वर्षभित्र मैले भ्रष्टाचारविरुद्ध शून्य सहनशीतलाको सिद्धान्तलाई कार्यान्वयन गर्नेछु । विगतमा जनकपुर उद्योग वाणिज्य महासंघको अध्यक्ष हुँदा त्यहाँ भएको भ्रष्टाचारलाई मैले शून्यमा झारेको थिएँ । त्यतिखेर मैले कुनै पनि सेवासुविधा नलिइकन काम गरेको थिएँ ।
अनि जनकपुरको स्वच्छता अभियान, मच्छडरहित शहर बनाउने अभियान, लोडशेडिङमुक्त शहर अभियानमा म प्रत्यक्ष संलग्न रहें । कोरोनाकालमा भारतसँगको नाका बन्द हुँदा छिटो खुलाउन मैले पहल गरेको थिएँ । महिला हिंसा हुँदा त्यसविरुद्ध आवाज उठाउन म अग्रपंक्तिमा थिएँ । यहाँ महिला, दलित, मुसलमान लगायतका अल्पसंख्यकले मलाई पत्याएका छन् ।
जनकपुरका लागि मेरा अल्पकालीन र दीर्घकालीन दुवैथरी योजनाहरू छन् । जितेको १०० दिनभित्र म उपमहानगरपालिकालाई पूर्णरूपमा पारदर्शी बनाएर आयव्यय विवरण सार्वजनिक गर्नेछु । त्यही अवधिमा म फोहर व्यवस्थापनका लागि डम्पिङ साइटको व्यवस्थासहित जनकपुरलाई मच्छडरहित बनाउनेछु । त्यस्तै १०० दिनभित्र म शहरका चोकचौराहाहरूमा सुलभ शौचालयको व्यवस्था गर्नेछु । अनि १०० दिनभित्र म शहरका प्रमुख ठाउँमा फ्री वाईफाई जोन बनाउनेछु । पार्किङलाई पनि व्यवस्थापन गर्नेछु ।
यो चुनावी नारा मात्र हो कि काम पनि गरेर देखाउनुहुन्छ ?
जुन बेलामा मैले जनकपुरलाई लोडशेडिङमुक्त बनाउँछु भनेको थिएँ, त्यसबेलामा पनि मानिसहरूले यस्तै भनेका थिए । तर मैले त्यो गरेर देखाएको हुँ । तपाईंको इच्छाशक्ति छ भने जस्तो काम पनि गरेर देखाउन सकिन्छ । जनकपुरको नाकाबन्द भएको बेला नाका खुलाउने प्रयास गर्दा पनि धेरैले विश्वास गरेका थिएनन् । त्यो काम मैले गरेर देखाएको थिए । त्यसो हुँदा जनताले मलाई काम गर्न सक्ने क्षमता भएको व्यक्तिको रूपमा चिनेका छन् ।
तपाईंहरूको चुनावी प्रतिस्पर्धा पेचिलो छ । आफ्नो निकटतम प्रतिद्वन्द्वी कुन पार्टीलाई मान्नुहुन्छ ?
गठबन्धनको त के कुरा गर्नु र ? उसले भाँडभैलो गरी आफैंलाई समस्यामा पारेको छ । त्यस्तो हुँदा हामीलाई त झन् सजिलो भएको छ । मधेशवादी दलको कुरा गर्दा यिनीहरू ठगैती र शहीदको लाशको व्यापार गरिरहेका छन् । त्यसलाई जनताले छर्लंग बुझिसकेका छन् । आज कति शहीद परिवारलाई उनीहरूले टिकट दिए ? कतिवटा शहीद परिवारलाई उनीहरूले नोकरी दिए ? उनीहरू जनताका अगाडि नग्न भइसकेका छन् ।
एमालेलाई २०७४ को चुनावको बेलामा शहरमा घुम्न दिइएको थिएन । त्यतिखेर एमालेको विरोधी माहोल बनाइएको थियो । तर, अहिले मलाई लाग्छ, जनता सबभन्दा बढी एमालेसँग जोडिएको छ । यो देशको विकास नेकपा एमाले, सूर्य छाप र केपी शर्मा ओलीले गर्न सक्छ भन्ने कुरा जनताले भन्न थालिसकेका छन् ।
केपी ओलीको त्यो प्रभाव नै तपाईंहरूको जित्ने आधार हो ?
केपी ओलीको संकल्प र दृढ अठोटले मलाई प्रभावित पारेको छ र जनता पनि प्रभावित छन् । तराईको बच्चाबच्चालाई थाहा छ, यो देशको नसीब कसैले बदल्न सक्छ भने त्यो ओलीले नै हो । त्यसले पनि हाम्रो जीतको आधार तय गर्छ ।
तपाईं मेयरमा पहिलो हुनुभयो भने दोस्रो चाहिँ को होला ?
दोस्रो त टाढाटाढासम्म पनि कोही छैन । गठबन्धन छँदै छैन, मधेशवादी दल छँदै छैन, स्वतन्त्रलाई मानिसले स्वीकार गर्नै सक्दैन । गठबन्धनमा रहेका निवर्तमान मेयरलाई यहाँ घुम्न दिइरहेको छैन । उनी लुकीलुकी हिँडिरहेका छन् । गठबन्धनका दल एकले अर्कोलाई स्वीकारिरहेका छैनन् । एकअर्कालाई गालीगलौज गर्नमै उनीहरू शक्ति खर्च गरिरहेका छन् ।
तपाईंहरूकोमा जातीय क्लस्टरको भोटको पनि महत्त्व हुँदोरहेछ हैन् ?
मधेशमा जातीय क्लस्टर चाहिँ चल्दो रहेछ तर अहिले त्यो भन्दा पनि विकासको मुद्दा हावी भएको छ । जनताले धेरै पीडा सहिसके । भूकम्पदेखि दुईदुईवटा मधेश आन्दोलनसम्म जनताले धेरै दुःख पाइसकेका छन् । अब जनताले पनि बुझिसके– नागरिकता विधेयक होस्, मधेशलाई थप अधिकार दिने कुरा होस्, त्यो एमालेबाटै सम्भव छ । ओलीको अन्तिम मन्त्रिमण्डल हेर्नुस्, ५१ प्रतिशत मधेशीलाई स्थान दिइएको थियो । मधेशलाई माया गर्ने, सम्मान दिने एक मात्र नेता हुन् केपी शर्मा ओली ।
तपाईंहरूको चुनाव प्रचारमा ब्यानरसहित गाडीहरू देखियो । चुनाव प्रचार खर्च कति जति होला ?
हामी ६ देखि सात लाखभित्र चुनाव प्रचार सक्नेछौं । आयोगले तोकेको सीमाभन्दा बढी हामी खर्च गर्दैनौं ।
स्थानीय तहको निर्वाचन अत्यन्तै खर्चिलो भयो, पैसा नभएको व्यक्ति लड्नै नसक्ने भयो भन्ने गुनासो सुनिन्छ । तपाईंहरू कम पैसामा चुनाव प्रचार गर्नुहुन्छ भने यो बहस किन त ?
केही भूमाफियाहरूले स्वतन्त्र उठेर पैसाको खोला बगाइरहेका छन् । तर हामी जस्ता दलसँग आबद्ध उम्मेदवारले आफ्नो संगठनमा विश्वास गर्नुपर्ने हुन्छ । संगठनको साथीहरूलाई लिएर हामीले पैसा भन्दा पनि विचारको राजनीतिमा जोड दिनुपर्छ ।
अन्य उम्मेदवारहरूले गरेको चुनावी खर्च हेर्दा तपाईंहरूलाई पनि त्यसैगरी खर्च गर्न मन लाग्दैन ?
हेर्नुस्, जनता सब जानती है । अहिले ठेकेदारहरू चुनावमा उठेर जनकपुरको विकास नभएको देख्दा पीडा हुन्छ भनिरहेका छन् जबकि त्यो मान्छे यहाँ हुर्के बढेको पनि हैन । ऊ यही जिल्लाको अर्को नगरपालिकामा जन्मेहुर्केको हो । त्यहाँ नै विकास भएको छैन । ऊ विकास गर्छ भने पहिला त्यहाँ गरेर देखाओस् । उसले घडियाली आँसु बगाएको हो कि हैन ? त्यसैले जनतालाई थाहा छ, ऊ चुनाव जितेर थप भ्रष्टाचार गर्न आएको हो ।
मेरो कुरा गर्नुहुन्छ भने मैले प्रदेश उद्योग वाणिज्य महासंघको पनि नेतृत्व गरें । वीरगञ्ज जस्तो देशको आर्थिक राजधानीमा रहेका ठूला व्यापारीहरूले समेत महासंघमा मेरो नेतृत्व स्वीकार गरे । ममा केही देखेरै त उनीहरूले त्यसो गरेका हुन् । त्यसैले जनकपुरका मान्छेलाई थाहा छ, हिरा साहले नै उपमहानगरपालिकाको नेतृत्व सम्हाल्न सक्छ ।
नेपाली कांग्रेसका नेता डा. शेखर कोइराला विराटनगर महानगरपालिकामा आफ्नो उम्मेदवार जिताउने भरमग्दुर प्रयासमा छन् । नागेश कोइरालाई उम्मेदवार बनाउन सम्पूर्ण शक्ति लगाएका कोइरालाई विराटनगरमा जीत निकाल्नु पार्टीभित्रै...
कोशीपारि पूर्वको प्रमुख शहर इटहरीमा चुनावी सरगर्मी बढिरहेको छ । इटहरी उपमहानगरपालिकाको मेयर पदका लागि प्रमुख दलहरूबीच तीव्र प्रतिस्पर्धा छ । नेकपा एमालेले याम सुब्बालाई मेयर पदमा उठाएको छ । लामो समय पार्टी स...
देशभरबाट चासोका साथ हेरिएको चितवनको भरतपुर महानगरपालिकाको मेयरका लागि नेकपा एमालेबाट विजय सुवेदी चुनावी मैदानमा छन् । सत्तारुढ गठबन्धनबीच केन्द्रीय स्तरबाटै तालमेल भएको भरतपुरमा एमालेले राप्रपालाई उपमे...
सत्ता गठबन्धनबीच केन्द्रीय स्तरबाट तालमेल भएको पोखरा महानगरपालिकामा मेयरको उम्मेदवार नेकपा एकीकृत समाजवादी (एस)ले पाएको छ । देशभरबाट चासोका साथ हेरिएको पोखरामा गठबन्धनको एजेण्डा के छ, चुनाव जित्ने आधार क...
नेपाली कांग्रेसको प्रभाव रहेको विराटनगर महानगरपालिकाको मेयरका लागि सत्तारुढ गठबन्धनका तर्फबाट नेपाली कांग्रेसका नेता नागेश कोइराला चुनावी मैदानमा छन् । कांग्रेस संस्थापक बीपी कोइराला, गिरिजा र अहिल...
सत्ता गठबन्धनबीच कास्कीको पोखरा महानगरपालिकामा चुनावी तालमेल भएको छ । गठबन्धनबाट नेकपा एकीकृत समाजवादीका धनराज आचार्य उम्मेदवार बनेका छन् । नेकपा एमाले भने एक्लै चुनावी मैदानमा छ । सत्ता गठबन्धनको सामना ग...
स्थानीय तह निर्वाचनको मतदान मितिभन्दा ठीक ११ दिनअघि, सोमवार (१९ वैशाखमा) निर्वाचन आयोगले एउटा चेतावनीयुक्त विज्ञप्ति जारी गर्यो । विज्ञप्ति चेतावनीयुक्त यसकारण पनि थियो कि त्यसमार्फत आयोगले निर्वाचन आचारसंह...
जसरी सौता-सौताका छोराछोरी मिलेर आमाको अस्तित्व रक्षाका लागि खडा हुन्छन्, त्यसरी नै नेपाली कांग्रेस र नेकपा (माओवादी केन्द्र) आमासरहकै संविधानको रक्षाका लागि खडा भएका छन् । तर, केही व्यक्तिहरू आधुनिक जमानाको काल...
‘इधम जिवेत सुखम जिवेत ऋण कृत्वा घ्रितम पिवेत’ सुन्नमा मजा आउँछ तर सुनदेखि नूनसम्म विदेशबाट आयात गर्ने देशका नागरिक हामी वर्तमानमा रमाउँछौं । संसारमा खुशी मानिसमध्ये हामी पनि पर्छाैं अर्थात् भौतिक...