×

X
Nic Asia
Dabur
Marvel

राष्ट्रिय सभागृहकाे दृश्य

राष्ट्रिय सभागृहमा ‘लौरो’ आतंक, यस्तो छ बालेनले पाएको मतको ट्रेण्ड

काठमाडाैं | जेठ २, २०७९

Premier Steels
TVS INSIDE
British college

काठमाडौं महानगरपालिकाको मतगणना राष्ट्रिय सभागृहमा जारी छ । सोमबार साँझसम्म करीब २० हजार मत गनिसक्दा स्वतन्त्र उम्मेदवार बालेन्द्र साह (बालेन)ले नेकपा एमालेका उम्मेदवार केशव स्थापित र कांग्रेसकी उम्मेदवार सिर्जना सिंहलाई दोब्बर मतान्तरले पछि पारेका छन् ।

IME BANK INNEWS

हालसम्म काठमाडौं महानगरको वडा नम्बर १ र २ को नतिजा आइसकेको छ । त्यसमा नेकपा एमालेका उम्मेदवारले जितेका छन् । तर, त्यही वडामा भने महानगरको प्रमुखमा बालेनले धेरै मत पाए । अहिले वडा नम्बर ३२, ३, ४, ५ र ६ को मतगणना जारी छ । त्यसमा पनि बालेनले अग्रता कायम गरेका छन् । 


Advertisment
NMB BANK
RMC TANSEN
NIC ISLAND BOX

बालेनको चुनाव चिन्ह ‘लौरो’ शब्दले एमाले र कांग्रेसका प्रतिनिधिलाई यति दिक्क पारेको छ कि गणनामा बसेका प्रतिनिधिहरू पनि लौरो शब्द सुन्ने अनुहार मलिन बनाउँछन् ।

सोमबार विहान साढे ११ बजे मतगणास्थलमा खटिएका कर्मचारीले मत पत्र देखाएर ‘प्रमुख लौरो अरू सबै सूर्य’ भन्दा दलका प्रतिनिधिले भनेका थिए, ‘लौरो शब्द सुन्दा पनि वाक्क लागिसक्यो प्रमुखमा अरू भन्दैनन् त ।’


Advertisment
mahindra Box
Saurya island

‘लौरो–लौरो भन्दाभन्दै दिमागमै लौरो बस्न लाग्यो’, अर्का प्रतिनिधि भन्दै थिए । अर्का प्रतिनिधिले थपे, ‘प्रमुख लौरो र उमप्रमुख सूर्य भन्दा केही आउँदैन । अरू त साइड लाग्दा हुने भो ।’

Vianet communication
Sanima Bank

मतगणनास्थलमा गणकले लौरो उच्चारण गर्दा दलका प्रतिनिधि तर्सिने अवस्थामा देखिए । 

मत गणनास्थलमा १५ मिनेट विताउँदा यस्तो सुनियो–

१ लौरो अरू सबै सूर्य । 

१ देखि ६ सम्म सूर्य, ७ हँसिया हथौडा 

(मतपत्रमा दोस्रोमा उपप्रमुख, तेस्रोमा वडा अध्यक्ष, चौथोमा वडा महिला सदस्य, पाँचौमा दलित महिला वडा सदस्य, छैठौंमा दुई जना वडा सदस्यको चुनाव चिन्ह छ)

१ लौरो २ हलो, ३ रूख, ४ देखि ६ सम्म हलो

१ र २ रूख, ३, ४, ५ सूर्य

१ लौरो अरू सबै सूर्य

१ लौरो, २ रूख, ३, ४, ५, ६ र ७ सूर्य

प्रमुख र उपप्रमुख खाली, ३ रूख अरू सबै तराजु

१ देखि ४ सम्म सूर्य अरू सबै खाली ।

यसरी हेर्दा अहिले काठमाडौं महानरपालिका प्रमुख पदमा अधिकाङ्सले लौरोमा र अन्य आफ्ना दलका उम्मेदवारलाई भोट दिएको देखिन्छ । 

मतगणनामा अहिलेकै प्रवृत्ति कायम भएमा काठमाडौंको मेयरमा बालेन साह निर्वाचित हुने देखिन्छ । 

काठमाडौंमा अहिलेसम्म करीब २० हजार मत गणना भएको छ । त्यसमध्ये बालेनले करीब ८ हजार मत पाएका छन् । यो भनेको कुल गणनाको ४० प्रतिशत हो । 

काठमाडौं महानगरमा कुल १ लाख ९१ हजार मत खसेको छ । अहिलेकै प्रवृत्ति अनुसार बालेनले मत पाउने हो भने उनको पक्षमा कुल मतको ४० प्रतिशत अर्थात ७६ हजार ४ सय मत आउने देखिन्छ । बालेनले कुल मतको ४० प्रतिशत पाउने हो भने उनले काठमाडौंको मेयर जित्न सक्छन् । 

काठमाडौं महानगरको बाहिरी क्षेत्रमा बालेको जवर्जस्त क्रेज देखिएको छ । अहिलेसम्म उनले पाएकाले मतले पनि यो पुष्टि हुन्छ । मतगणनास्थमा देखिएका दलका प्रतिनिधिहरूले एक आपसमा गर्ने कुराकानी नै बालेनले चमत्कारिक रुपमा पाएको मत हो । 

दलका प्रतिनिधिहरू काठमाडौंको पुरानो वस्ति रहेको क्षेत्रमा बालेनले कति मत पाउँछन् भन्नेमा चिन्तित देखिएका छन् । 

काठमाडौंको २ वटा वडा जितेको अवस्थालाई हेर्दा पनि प्रमुखमा बालेन र वडाहरूमा दलका उम्मेदवारलाई मत आएको देखिन्छ । 

वडामा मतदाताको सिधा सम्पर्क हुने र व्यक्तिगत कामका लागि पनि वडामै जानुपर्ने भएका कारण आफूले चाहेको दलका उम्मेदवारलाई मत दिएको देखिन्छ ।

१ लौरो, २ सूर्य, ३ देखि ७ सम्म रुख

१ र २ सूर्य, ३ रुख, ४ देखि ७ रुख

मतको यो ट्रेण्डले पनि काठमाडौंका वडाहरूमा दलका उम्मेदवारहरुले जित्ने देखिन्छ । 

काठमाडौं वडानम्बर–६ का एमालेका प्रतिनिधि चन्द्रमान लामाले काठमाडौंको बाहिरी क्षेत्रको मतगणना भइरहेकोले बालेन पक्षमा बढी मत देखिएको र भित्रि बस्तिको मत गणना हुन थालेपछि एमाले अगाडि आउने दावी गरे । 

‘अहिले बाहिरी क्षेत्रको मत गणना भइरहेको छ । बाहिरी क्षेत्र भनेको भोट स्वीङ हुने ठाउँ पनि हो । भित्रि क्षेत्रमा त एमाले धेरै अगाडि आउँछ,’ लामाले लोकान्तरसँगको कुराकानीमा भने, ‘तर, भोट जनताले हालेका हुन् ।’

दलका प्रतिनिधिहरुलाई बालेनले ल्याएको प्रारम्भिक मतबाट त्रास उत्पन्न भएको भने उनले स्वीकारे ।

उनकाअनुसार ६ देखि १८ नम्बर वडा  काठमाडौंको ‘कोर क्षेत्र हो । त्यहाँ एमालले र काँग्रेस दुवैको भोट बढी आउने अनुमान ती दलका प्रतिनिधिहरुको छ । ६ नम्बर वडामा ९ हजार ५ सय मत खसेको छ । त्यसमा अधिकांश एमाललेको र केही काँग्रेसको भोट रहेको लामाको दावी छ ।

‘हामीले ४६ सय भोट ल्याएर वडामा जित्छौं त्यसमा लौरोको कम भोट आउँछ भन्ने हाम्रो अनुमान हो । तर, अहिलेको ट्रेण्ड त वडा जित्ने प्रमुख नजित्ने देखिएको छ,’ लामाले भने ।

दलका कार्यकर्ता शान्त, बालेनका उग्र !

मतगणना शुरु भएर बालेनले अग्रता लिएदेखि नै उनका समर्थकहरुले चौविसै घण्टा राष्ट्रिय सभागृह छाडेका छैनन् ।

उनीहरू बालेनका पक्षमा नाराबाजी गरिरहेका हुन्छन् । 

बालेनका प्रतिनिधिहरुले बेला–बेलामा मत परिणाम बाहिर ल्याउँदा भिड उग्र हुन्छ । उनीहरूले अहिले समाजिक सञ्जालमा भाइरल भएको ‘सागर, बसन्ते, किस्ने’ शब्दलाई लय मिलाएर नारा लगाउँछन– ‘सागर, बसन्ते र किस्ने बालेनले हो जित्ने ।’ 

त्यस्तै उनीहरूको अर्को नारा छ– ‘लौरो भष्टाचारीलाई सेकाउन मिल्ने, बुढाबुढीलाई टेकाउन मिल्ने ।’

मतगणना शुरू भएको दिनबाटै बालेन राष्ट्रिय सभागृहमा बसिरहेका छन् । उनी समय–समयमा बाहिर निस्कन्छन् । समर्थकलाई नमस्कार गर्छन र फर्कन्छन् । 

त्यसबेला भीडले बालेन साह जित्ने नारा लगाउँछन् । केहीबेरमा उनी फर्कन्छन् । दुई दिन स्थलगत रिर्पोटिङको क्रममा बालेनले आफ्ना समर्थकलाई भेट्ने योजनाबद्ध तरिका अपनाएको देखियो । 

राष्ट्रियसभा गृहको पछाडि रहेको अस्थायी क्यान्टीनमा आफ्ना प्रतिनिधिहरुसँग बालेन बसिरहेका हुन्छन् । कालो चस्मा, गाढा रातो कोटभित्र टिसर्ट र कालो जुत्ता उनको ड्रेस कोड जस्तै छ ।

शनिबार र आइतबार दलका कार्यकता सभागृहमा देखिएका थिएनन् । आइतबार साँझ वडा नम्बर १ मा एमालेले जितेको नतिजा आएपछि सोमबार विहान वडा नम्बर–४ एमालेले जितेपछि एमालेका कार्यकर्ताको भीड बढेको थियो । तर, उनीहरुले नाराबाजी र होहल्ला गरेनन् । पार्टीको झण्डा लिएर शान्त थिए । बालेनका समर्थक उग्र थिए ।

अहिलेसम्म काँग्रेसकी उम्मेदवार सिर्जना सिँह र नेकपा एमालेका उम्मेदवार केशव स्थापित भने मतगणनास्थलमा देखिएका छैनन् ।

Maruti inside
NLIC
TATA Below
भदौ ३, २०७९

नेकपा (माओवादी केन्द्र)का सहायक संगठन योङ कम्युनिस्ट लिग नेपालको दोस्रो राष्ट्रिय भेला शुक्रवारदेखि शुरू हुँदैछ । ‘आत्मनिर्भताका लागि नीति निर्माणमा युवा सहभागिता सुनिश्चित गरौँ, सुदृढ संगठन विस्तारका लाग...

भदौ ३, २०७९

मंसिर ४ गते घोषित प्रदेश तथा संघीय निर्वाचनमा पार्टीको आगामी रणनीति, उम्मेदवार चयन प्रक्रिया, उम्मेदवारको मापदण्डलगायत विषयको तयारीस्वरुप जनता समाजवादी पार्टी (जसपा) नेपाल छलफलमा जुटेको छ । जसपाको राजधानी...

भदौ ३, २०७९

म्याग्दीका राजनीतिक दलहरूले आगामी मंसिर ४ गते हुन लागेको प्रतिनिधि र प्रदेश सभा निर्वाचनको तयारी थालेका छन् । चुनावको तयारीका लागि कार्यकर्ता र मतदाताको अपेक्षा बुझ्नका लागि नेताहरू गाउँ पसेका हुन् । गत वैशाख...

भदौ ३, २०७९

नेकपा माओवादी केन्द्रको स्थायी कमिटी बैठक शुरू भएको छ । अध्यक्ष  पुष्पकमल दाहाल 'प्रचण्ड' आन्तरिक छलफलमा व्यस्त भएपछि पूर्वनिर्धारित समयभन्दा एक घण्टा ढिला गरी बैठक शुरू भएको हो । पार्टी केन्द्रीय...

भदौ ३, २०७९

नेकपा माओवादी केन्द्रले शनिवारसम्म पदाधिकारी टुंग्याउने तयारी गरेको छ । शुक्रवार पार्टी केन्द्रीय कार्यालय कोटेश्वरमा बसेको बैठकमा पदाधिकारी छान्ने मोडेलमा छलफल भएको थियो ।  अध्यक्ष पुष्पकमल दाहाल &lsquo...

भदौ ३, २०७९

प्रतिनिधि सभाबाट नागरिकता विधेयक जस्ताको तस्तै पारित भएपछि राष्ट्रपति विद्यादेवी भण्डारीले कानूनी परामर्श थालेकी छन् । आफूले पुनर्विचारका लागि प्रतिनिधि सभामा फिर्ता पठाएको विधेयक पुनः प्रमाणीकरणका लागि आफूकहाँ...

उच्च शिक्षामा सुधारको प्रश्न : मानव पूँजी निर्माणका लागि यसरी सुधार्नुपर्छ पाठ्यक्रम

उच्च शिक्षामा सुधारको प्रश्न : मानव पूँजी निर्माणका लागि यसरी सुधार्नुपर्छ पाठ्यक्रम

साउन ३०, २०७९

शिक्षा सामाजिक रूपान्तरण र आर्थिक समृद्धिको मेरुदण्ड हो । ज्ञान, सीप, संस्कार र स्वभाव निर्माण तथा परिस्कार शिक्षाका कार्य हुन् । नेपालको शिक्षा प्रणाली गुरुकूल हुँदै आधुनिक बहुविश्वविद्यालयको युगमा छ । तर उच्च शिक्ष...

नेपाली अर्थतन्त्रमा जरो गाडेको पैतृक पूँजीवाद र हाम्रो भविष्य

नेपाली अर्थतन्त्रमा जरो गाडेको पैतृक पूँजीवाद र हाम्रो भविष्य

साउन २९, २०७९

‘हामी फेरि पैतृक पूँजीवादको बाटोमा फर्किरहेका छौं । जहाँ अर्थव्यवस्थाको लगाम केवल सम्पत्तिवालाहरूको हातमा मात्र होइन, बरू विरासतमा प्राप्त सम्पत्तिका मालिकहरूको हातमा हुनेछ । जहाँ तपाईंको जन्म, तपाईंको म...

३०० वर्षको इतिहासमा बेलायतका ५७ प्रधानमन्त्री– वालपोलदेखि जोनसनसम्म

३०० वर्षको इतिहासमा बेलायतका ५७ प्रधानमन्त्री– वालपोलदेखि जोनसनसम्म

साउन २६, २०७९

बेलायतको आधुनिक राजनीतिक इतिहासमा धेरै नेताहरू लामो समयसम्म प्रधानमन्त्री वा पार्टीको नेता भएको देखिँदैन । सत्तापक्ष मात्रै होइन, कुनै पनि पार्टीको प्रमुखबाट एकपटक हटेपछि वा असफल भएपछि पुनः त्यहीँ पदका लागि उ...

ad
x