भरतपुर महानगरपालिकाको मेयर पदमा नेकपा माओवादी केन्द्रकी रेनु दाहालले अग्रता कायम नै राखेकी छन् ।

पछिल्लो अपडेट अनुसार महानगरपालिकाको ५४ हजार ७८० मत गणना गर्दा दाहालले २० हजार ७३९ मत सहित अग्रता कायम नै राखेकी छन् । 

उनका निकटतम प्रतिद्वन्द्वी नेकपा एमालेका विजय सुवेदीले १७ हजार ४९९ मत पाएका छन् । 

सुवेदीसँग दाहालले २ हजार २४० मतको अग्रता कायम राखेकी छन् ।

यस्तै नेपाली कांग्रेसबाट बागी उठेका जगन्नाथ पौडेलले ७ हजार ९५६ मत पाएका छन् । 

महानगरपालिकाको उपमेयरमा नेपाली कांग्रेसका चित्रसेन अधिकारीले २३ हजार १८८ मतसहित अग्रता कायम राखेका छन् । 

उनका निकटतम प्रतिद्वन्द्वी राप्रपाका हिमला गुरुङले १३ हजार ८९३ मत ल्याएकी छन् ।