वैशाख ३० गते सम्पन्न स्थानीय तह निर्वाचनको मतगणना अन्तिम चरणमा पुगेको छ । 

६ महानगर, ८ उपमहानगर सहित १२० स्थानीय तहमा मतगणना  चलिरहेको छ । 

११ वटा उपमहानगर मध्ये नेपाली कांग्रेस, नेकपा एमाले र माओवादी केन्द्रले एक एक स्थानमा मेयर जितेर खाता खोलेका छन् । 

बाँकेको नेपालगञ्जमा कांग्रेसका प्रशान्त विष्ट, दाङको घोराइमा एमालेका नरुलाल चौधरी र बाराको जितपुर सिमरामा माओवादीका राजन पौडेल विजयी भएका छन् । 

रुपन्देहीको बुटवलमा कांग्रेसका खेलराज पाण्डे झण्डै ६ हजार मतसहित अग्रता लिइरहेका छन् । दाङको तुल्सीपुरमा कांग्रेसकै गेहेन्द गिरी र सुनसरीको इटहरीमा कांग्रेसका हेमकर्ण पौडेलले अग्रता लिइरहेका छन् ।

बाराको कलैयामा एमालेका बिनोदप्रसाद साहले अग्रता लिइरहेका छन भने मकवानपुरको हेटौंडामा नेकपा एसकी मीनाकुमारी लामाले अग्रता लिएकी छिन् । 

सत्तारुढ गठबन्धन र नेकपा एमालेका उम्मेदवारलाई पछि पार्दै कैलालीको धनगढीमा गोपाल हमाल, धनुषाको जनकपुरमा मनोजकुमार साह सुडी र सुनसरीको धरानमा हर्कराज राईले अग्रता लिइरहेका छन् ।