×

X
Nic Asia
Dabur
Marvel

राज्यको उपेक्षामा परेको भूमि

काठमाडौंले नदेखेको मेचीपारिको नेपाल

झापा | जेठ २२, २०७९

Premier Steels
TVS INSIDE
British college

नेपालको सिमानाको कुरा गर्दा हामीमध्ये धेरैले भन्छौं पूर्वमा मेचीदेखि पश्चिममा महाकालीसम्म । तर, पूर्वको सीमामा पुग्दा मात्रै थाहा हुन्छ, मेची नदीभन्दा पारिपट्टि पनि नेपाल छ ।

IME BANK INNEWS

सुदुरपूर्वको जिल्ला झापामा दुईवटा यस्ता बस्ती छन्, जुन भूभाग नेपालको हो तर, त्यहाँ बस्ने नेपालीलाई देशले भने पराई झैँ व्यवहार गरेको छ ।


Advertisment
NMB BANK
RMC TANSEN
NIC ISLAND BOX

मेचीभन्दा पारिको दुई बस्तीमध्ये एउटा मेचीनगर नगरपालिका र अर्को चाहिँ भद्रपुर नगरपालिकामा पर्छ । 

मेचीनगर नगरपालिको वडा नम्बर– १५ मा पर्ने झाडो बस्तीलाई मेचीपारिको नेपाल भनेर चिनिन्छ ।


Advertisment
mahindra Box
Saurya island

भारतको बिहार र बंगालको सीमासँग जोडिएको उक्त बस्तीका नेपालीहरू वर्षायाम लागेपछि प्रशासनिक कामका लागि वडा कार्यालयसम्म पनि पुग्न सक्दैनन् । न त विद्यार्थीहरू विद्यालय नै जान पाउँछन् ।

उनीहरूले मेची नदीको पारिपट्टी पनि नेपालको भू–भाग रक्षा गरेका छन्, तर देशले भने विदेशीलाई जस्तो व्यवहार गरिरहेको छ ।

Vianet communication
Sanima Bank

मेची नदीमा पानीको बहाव बढेपछि प्रशासनिक कामका लागि वडा कार्यालय पुग्न भारतीय बाटो हुँदै नेपाल–भारतको पूर्वी नाका काँकडभिट्टा पुग्नुपर्छ, जुन उनीहरूका लागि निकै मुस्किल छ । उक्त बस्तीमा सामान्य जीवनयापनका लागि न्यूनतम सुविधा पनि सरकारले पुर्‍याउन सकेको छैन । 

उनीहरूको मुख्य बजार भारत नै हो । आफ्ना उत्पादन बिक्री गर्न र तेल मसला खरिद गर्न भारतीय बजार नै जानुपर्छ । स्वास्थ्य उपचार र अन्य सेवाका लागि पनि भारत नै पुग्नुपर्छ । 

मेचीनगर नगरपालिकामा पर्ने यो बस्तीमा झाडो, ग्वाला र शिशौडाँगी टोल छन् । यी तीन टोलमा करीब ३८ घर परिवार छन् । ऐलानी जग्गामा बनेको बस्ती हो यो । तर, केहीले पनि जग्गाको लालपूर्जा पनि बनाएका छन् ।

राजवंशी र यादव समुदायको बसोबास, मैथिली भाषा

गाउँमा केही वर्ष अघि खुलेको विद्यालय छ । उक्त विद्यालयमा कक्षा २ सम्म मात्रै पढाइ हुन्छ । त्यहाँका सबैको जीविकोपार्जनको उपाय भनेकै पशुपालन र कृषि हो ।

ग्वाला बस्तीका स्थानीय मोतिलाल यादव गाउँका सबैको मुख्य पेशा कृषि र पशुपालन मात्रै भएको बताउँछन् । 

त्यहाँका नेपालीहरूलाई समस्या नै समस्या रहेको यादवले सुनाए ।

‘हाम्रा केटाकेटीहरू पढ्न पाएका छैनन् । कक्षा–२ सम्म मात्रै पढाइ हुने विद्यालय छ । वर्षाको बेलामा उनीहरूले पढ्न पाउँदैनन्’, यादवले भने । 

माथिल्लो कक्षा पढ्नका लागि मेची नदी तरेर आउनुपर्छ । उक्त बस्तीलाई जोड्ने पुल नहुँदा बालबालिकाहरू आवतजावत गर्न सक्दैनन् । 

कतिपय भने झाडो बस्ती छाडेर मेचीवारि नै आएर बस्न थालेका छन् । उनीहरू चियाबगानमा काम गर्छन् । तर, जसले पशुपालन र कृषि पेशा अपनाएका छन्, उनीहरूको लागि झाडो बस्ती नै सजिलो छ । 

यादव भन्छन्, ‘पशुपालनका लागि हामीलाई यहीँ सजिलो छ । पारि जाँदा गाइवस्तु पाल्न सकिँदैन ।’

यहाँका सबैजसोले गाई, भैँसीको दूध बिक्रीबाट आम्दानी गर्छन् । भारतीयहरू दूध खरिद गर्न गाउँमै आउँछन् । स्थानीयले दूध र तरकारी नेपालतिर बिक्री गर्न ल्याउँदा नेपाली प्रहरीले दुःख दिने गुनासो गरे ।

‘साइकलमा तरकारी लिएर गयो भने भारतबाट ल्याएको भनेर दुःख दिन्छन् । हरेक साइकलबाट १०० रुपैयाँ लिन्छन् र खल्तीमा हाल्छन्’, यादवले भने ।

प्रहरीले दुःख दिएको बेलामा स्थानीय जनप्रतिनिधिहरूलाई फोन गर्ने गरेको उनले बताए । 

स्थानीय तहको निर्वाचनका क्रममा राजनीतिक दलका प्रतिनिधिहरू मत माग्न पुगेका थिए । उनीहरूले पुरानै आश्वासन दोहोर्‍याएर फर्किएको स्थानीयले बताए ।  

‘झोलुङ्गे पुल बनाइदिन्छु भनेको दुई वर्ष भइसक्यो, अहिलेसम्म बनेको छैन । हिउँदमा त बत्ती बल्छ तर वर्षामा खोलाले पोल बगाइदिन्छ र बत्ती बल्दैन । अहिलेको चुनावमा पनि उम्मेदवारहरू यही कुरा दोहोर्‍याएर गएका छन्’, यादवले भने । 

उक्त ठाउँलाई नेपाली भूभाग हो भनेर विस्तारै अरूले चिन्न थालेको यादव बताउँछन् । ‘पहिले त यो नेपाली भूभाग नै हो भनेर धेरैलाई थाहै थिएन । भर्खर चिन्न थालेका हुन् । प्रहरीहरूले नै भारतीय हो भन्थे । तर, अहिले चाहिँ उनीहरूलाई पनि थाहा भयो’, यादवले भने । 

सीमा सुरक्षामा रहेका शसस्त्र प्रहरीलाई अहिले पनि नेपालको सीमा कहाँसम्म हो भन्ने थाहा नभएको झाडो बस्तीका स्थानीयहरू बताउँछन् ।

झोलुङ्गे पुल मुख्य एजेन्डा 

मेचीपारिको नेपाललाई राजनीतिक दलहरूले स्थानीय तह निर्वाचनको एजेन्डा बनाएका थिए । निर्वाचन जितेमा स्कूल र विद्युत्को समस्या समाधान गरिदिने, मेची नदीमा पुल बनाइदिने आश्वासन उनीहरूको थियो ।

मेचीनगर नगरपालिकामा एमालेले निर्वाचन जितेको छ । एमालेका गोपालचन्द्र बुढाथोकी नगर प्रमुखमा र मीनाकुमारी पोखरेल उपप्रमुखमा निर्वाचित भएका छन् । 

मेचीपारिको बस्ती समेत पर्ने उक्त नगरपालिकाको वडा नम्बर–१५ को वडा अध्यक्ष भने कांग्रेसले जितेको छ । कांग्रेसका गुणराज भट्टराई अध्यक्षमा निर्वाचित भएका छन् ।  

नगर प्रमुख निर्वाचित भएका बुढाथोकीले मेचीपरिको नेपालको विद्युत् समस्या समाधान गर्ने र मेची नदीमा झोलुङ्गे पुल बनाउने आफ्नो योजना रहेको बताएका छन् । 

‘नगरपालिकाको बजेटबाट भए पनि स्कूलमा शिक्षकको व्यवस्था गर्छौं । विद्युत्को समस्या सुल्झाउँछौं र मेची नदीमा झोलुङ्गे पुल बनाउँछौं’, बुढाथोकीले भने । 

पढ्नुहोस्, यो पनि :

Maruti inside
NLIC
TATA Below
साउन २५, २०७९

देशभरका जनतालाई वितरण गरिएको पानी गुणस्तरीय भए/नभएको अनुगमन गरी महसुल समेत निर्धारण गर्ने खानेपानी महसुल निर्धारण आयोग २ वर्षदेखि पदाधिकारीविहीन भएको छ । महसुल निर्धारण, पानीको गुणस्तरको अनुगमन गर्ने उद्...

साउन २८, २०७९

दरिलो अठोट र इच्छाशक्ति भएकी प्रतिमा पन्थले सफलताको शिखर चुमेकी छन् । रूपन्देहीको तिलोत्तमाकी पन्थलाई पाइला–पाइलाको तिरस्कारले झनै सफल बनाएको छ । पीडाको पहाड जितेर उनी सफलतामा पुगेकी हुन् ।  ति...

साउन २८, २०७९

सवारीसाधन चलाउने चालकको काम संवेदनशील हुन्छ । त्यसमा पनि विशिष्ट पदधारण गरेका व्यक्तित्व सवार हुने सवारीसाधन चलाउने चालकका लागि विशेष अनुशासन र संवेदनशीलता हुन्छन् । १ नम्बर प्रदेशमा भीआईपी मध्येकै पद मुख्य...

साउन २१, २०७९

रूपन्देहीको देवदहकी सरू अधिकारीको बुटवलमा १४६ सदस्यीय परिवार छ । अविवाहित सरू वृद्धवृद्धादेखि साना बालबालिकाकी अभिभावक/अभियान्ता हुन् । मानव सेवा आश्रम लुम्बिनी प्रदेश संयोजक अधिकारी सडकबाट उद्धार गरेर आश्...

साउन २६, २०७९

विद्युत् वितरण तथा प्रसारणका लागि महत्त्वपूर्ण मानिएको प्रसारण लाइन निर्माणमा नेपाल विद्युत् प्राधिकरणले प्रगति गरेको छ । प्राधिकरणले आर्थिक वर्ष २०७८/७९ मा कूल ७५३ सर्किट किलोमिटर प्रसारण लाइनको निर्माण सम्पन्न गर...

भदौ १, २०७९

बुटवलबाट बेलहिया (सुनौली) अहिले २० मिनेटमा पुगिन्छ तर सिद्धार्थ राजमार्गमा पर्ने व्यापारिक मार्ग नाम दिइएको २७ किलोमिटरको सडक विस्तार हुनुअघि सवा घण्टा लाग्थ्यो । चिल्ला र फराकिला सडकका स्थानीय रुटमा अहिले व्...

उच्च शिक्षामा सुधारको प्रश्न : मानव पूँजी निर्माणका लागि यसरी सुधार्नुपर्छ पाठ्यक्रम

उच्च शिक्षामा सुधारको प्रश्न : मानव पूँजी निर्माणका लागि यसरी सुधार्नुपर्छ पाठ्यक्रम

साउन ३०, २०७९

शिक्षा सामाजिक रूपान्तरण र आर्थिक समृद्धिको मेरुदण्ड हो । ज्ञान, सीप, संस्कार र स्वभाव निर्माण तथा परिस्कार शिक्षाका कार्य हुन् । नेपालको शिक्षा प्रणाली गुरुकूल हुँदै आधुनिक बहुविश्वविद्यालयको युगमा छ । तर उच्च शिक्ष...

नेपाली अर्थतन्त्रमा जरो गाडेको पैतृक पूँजीवाद र हाम्रो भविष्य

नेपाली अर्थतन्त्रमा जरो गाडेको पैतृक पूँजीवाद र हाम्रो भविष्य

साउन २९, २०७९

‘हामी फेरि पैतृक पूँजीवादको बाटोमा फर्किरहेका छौं । जहाँ अर्थव्यवस्थाको लगाम केवल सम्पत्तिवालाहरूको हातमा मात्र होइन, बरू विरासतमा प्राप्त सम्पत्तिका मालिकहरूको हातमा हुनेछ । जहाँ तपाईंको जन्म, तपाईंको म...

३०० वर्षको इतिहासमा बेलायतका ५७ प्रधानमन्त्री– वालपोलदेखि जोनसनसम्म

३०० वर्षको इतिहासमा बेलायतका ५७ प्रधानमन्त्री– वालपोलदेखि जोनसनसम्म

साउन २६, २०७९

बेलायतको आधुनिक राजनीतिक इतिहासमा धेरै नेताहरू लामो समयसम्म प्रधानमन्त्री वा पार्टीको नेता भएको देखिँदैन । सत्तापक्ष मात्रै होइन, कुनै पनि पार्टीको प्रमुखबाट एकपटक हटेपछि वा असफल भएपछि पुनः त्यहीँ पदका लागि उ...

ad
x