भक्तपुरको सूर्यविनायक नगरपालिकामा टिपरसँग मोटरसाइकल ठोक्किँदा २ जनाको मृत्यु भएको छ । 

सूर्यविनायकबाट जगाती तर्फ जाँदै गरेको बा८९प ७८७६ नम्बरको मोटरसाइकल र विपरीत दिशाबाट आउँदै गरेको बा४ख ५२९८ नम्बरको टिपर आज बिहान करीब सवा २ बजे ठोक्किएको प्रहरीले जनाएको छ । 

मृतकमध्ये भक्तपुर नगरपालिका–२ ब्यासी बस्ने १९ वर्षीय निश्चल चौगुठीको मात्र सनाखत भएको प्रहरी परिसर भक्तपुरले जनाएको छ । 

 करीब २०/२१ वर्षको जस्तो देखिने अर्का एक युवकको भने सनाखत हुन बाँकी छ । 

दुर्घटनामा घाइते भएका उनीहरूको भक्तपुर अस्पतालमा उपचारको क्रममा मृत्यु भएको हो । शव अस्‍पतालमै राखिएको छ । 

टिपर चालक दोलखाको मेलुङ–३ घर भइ हाल काठमाडौंको सुकेधारा बस्ने ३५ वर्षीय धन बहादुर थोकरलाई प्रहरी वृत्त जगातीले नियन्त्रणमा लिएको छ ।