अभिनेत्री केकी अधिकारीको निर्माण एवं अभिनय रहेको चलचित्र ‘कोहलपुर एक्सप्रेस’ यूट्युबमा रिलिज गरिएको छ ।

कमेडी धारमा निर्माण भएको चलचित्र शुक्रवार ‘हाइलाइटस् नेपाल’ यूट्युब च्यानलमार्फत सार्वजनिक गरिएको हो ।  

विशाल भण्डारी निर्देशित चलचित्रमा केकीसँगै प्रियंका कार्की, ऋचा शर्मा, बुद्धि तामाङ, रविन्द्र झा, विनोद न्यौपाने, कुशाग्र भट्टराई लगायतका कलाकारको अभिनय छ । ४ वर्षअघि हलमा प्रदर्शनमा आएको चलचित्रले राम्रो व्यापार गर्न सकेको थिएन ।

दक्षिण भारतीय चलचित्र मुम्बई एक्सप्रेसको हुबहु कपी गरिएको आलोचना ‘कोहलपुर एक्सप्रेस’ले खेप्नुपरेको थियो ।