×

X
Dabur
Nic Asia
Marvel

संगीतका कुरा

प्रशान्तलाई नै चकित बनाउने 'सान्नानी जाम पोखरा' : १० हजारले हेर्लान् भनेको २ सातामै २२ लाख भ्युज

काठमाडाैं | असार १२, २०७९

TVS INSIDE

कति राम्री सान्नानी दिल बस्यो हीरैमा,
ओठमा लाली सान्नानी शिरफूल शिरैमा ।
जाम पोखरा मिनीबसैमा ... ।

IME BANK INNEWS
morang Auto yamaha

आफ्नै शब्द, संगीत, संगीत संयोजन र एकल स्वरमा प्रशान्त पौडेलले दुई साताअघि सार्वजनिक गरेको गीत हो – सान्नानी जाम पोखरा । लाखौं लगानी गरेर तामझामका साथ भिडियो निर्माण गर्ने अहिलेको ‘ट्रेन्ड’ छ । तर, ‘सान्नानी जाम पोखरा’को भिडियो प्रशान्तले सामान्य बनाए । 


Advertisment
NMB BANK
RMC TANSEN
Saurya island

स्टुडियोभित्र आफ्नो ‘लिप्सिङ’ खिचे र भिडियो तयार पारे । अनि, आफ्नै युट्युब च्यानलमार्फत सार्वजनिक गरे । दुई दिनपछि युट्युबमा आँखा डुलाए, भ्युज त्यही १० हजार आसपास पुगेको हुँदो हो । त्यो भ्युज देखेर उनी दुःखी भएनन्, बरु उल्टै खुशी भए । 

‘म शब्द/संगीत बढी गरिरहेको व्यक्तिले यसमा आफैँले एरेन्ज गरेँ र आफैले गाएँ । सोही कारण यो मेरो लागि एउटा परीक्षण पनि थियो,’ प्रशान्तले लोकान्तरसँग भने, ‘त्यसमाथि खासमा आफ्नो युट्युब च्यानललाई सक्रिय बनाऊँ भनेर यो गीत गरेको थिएँ । गीतले पछिसम्ममा १० हजार भ्युज पाए खुशी हुनेवाला थिए । तर, दुई दिनमै १० हजार भ्युज आउँदा खुशी नहुने कुरै भएन ।’ 

Vianet communication
Maruti inside

युट्युबमा विस्तारै भ्युज बढिरहेको देखेपछि टिकटकतिर हेरे– ३/४ हजार भिडियो बनिसकेका रहेछन् । विस्तारै गीतमा टिकटक बनाउनेहरू बढ्दै गए । यताउता आफ्नै गीत बजिरहेको सुन्न थाले । सवारीमा यात्रा गरेका गाउँतिरका साथीहरूले फोन गरेर सुनाए, ‘तिम्रो गीत त गाडीमा बजिरहेको छ ।’ क्रमशः साथीभाइ, आफन्तदेखि सांगीतिक क्षेत्रका अग्रजहरूले समेत फोन गरेर गीत राम्रो बनेको रहेछ भन्दै बधाई दिए । 

‘स्टुडियोमा पनि सबैले गीत राम्रो छ, भन्नुहुन्थ्यो । म एउटा संगीत संयोजक पनि बन्न सक्छु कि सक्दिनँ भनेर मलाई नै परीक्षण गरेको गीत हो,’ प्रशान्त उत्साहित भावमा सुनाउँछन्, ‘सिकाइ त कहिल्यै पनि सकिँदैन । तर, बजारले खोजेको जस्तो, सबैले गर्ने जस्तो लेभलको ट्र्याक बनाउन सक्छु कि सक्दिनँ । आफैँले गाउँदा कत्तिको गाउन सक्छु भनेर परीक्षण गरेको थिएँ । दर्शक श्रोताहरूले मन पराइदिनुभयो । एकदमै खुशी छु ।’ 

अहिले गीतको पहिलो टुक्कामा मात्रै ४ लाख ५० हजारभन्दा बढीले टिकटक बनाइसकेका छन् । टिकटकमा गीत सुनेर भिडियो खोज्नेहरू उत्तिकै बढ्दै गइरहेका छन् । आइतवारसम्म भिडियोको भ्युज २२ लाख पुगिसकेको छ । यो गीत श्रोता/दर्शकले रुचाएसँगै ‘दोहोरी भर्सन’ समेत सार्वजनिक भएको छ, भिडियोसहित ।

केही दिनअघि सार्वजनिक ‘दोहोरी भर्सन’मा सन्दीप न्यौपाने र सरिता कार्कीले स्वर दिएका छन् । प्रकाश भट्टको निर्देशनमा अभिनेत्री लक्ष्मी बर्देवा र मोडल महेन्द्र गौतमले भिडियोमा अभिनय गरेका छन् । दोहोरी भर्सनलाई पनि श्रोता एवं दर्शकले रुचाइरहेका छन् । सार्वजनिक भएको केही घण्टापछि नै युट्युब ट्रेन्डिङमै परेको दोहोरी भर्सन अहिले पनि ट्रेन्डिङको शीर्षस्थानमै छ । 

किन रुचाइयो ? 

‘सान्नानी जाम पोखरा’ लोकफ्यूजनको गीत हो । सरल शब्द र मेलोडीको कारण श्रोता/दर्शकले गीतलाई रुचाएको हुन सक्ने पौडेलको ठम्याइ छ ।

उनी भन्छन्, ‘चलिसकेपछि मलाई त्यस्तो लागेको हो कि श्रोता/दर्शकले पनि त्यस्तै सोचेर रुचाइदिनुभएको हो, मलाईचाहिँ सुन्दा क्याच हुने ट्युन र क्याच हुने लिरिक्स भएर हो कि जस्तो लाग्छ ।’ गीत श्रोता एवं दर्शकसम्म पुग्ने माध्यम भने टिकटक बनिदिएको उनी स्वीकार्छन् । ‘सान्नानी जाम पोखरा’ गीतले छोटो समयमै राम्रो भ्युज पाउनुको श्रेय पनि उनी टिकटकलाई दिन्छन् । 

आफ्नो अपेक्षाविपरीत गीत ‘हिट’ भएपनि यसको तयारीमा भने प्रशान्तले निकै मेहनत गरेका छन् । ‘ट्राभलिङ’ गीत बनाउने सोच उनमा पहिल्यैदेखि थियो ।

सोही सोचअनुरूप उनले दुई महिनादेखि यस गीतमा समय ब्यतित गरेका थिए । उनी गाडी चलाएको सम्झिएरै यस गीतको एरेन्ज गरेको बताउँछन् । ‘गाडी चलाइरहेको अनुभव गरेर ब्याकग्राउण्डमा गीत बजिरहेको सम्झेर ट्याक मेकिङ गरें । अनि केही दिन रियाज गरेर गीत गाएँ,’ उनले सुनाए । उसो त उनले गीतका शब्दहरू धेरैपटक लेख्ने, मेट्ने गरेका थिए । तयार ‘ट्र्याक’ पनि धेरैपटक डिलिट गरेका थिए ।

यसअघि नै ‘हिट’ छन् थुप्रै गीत

प्रशान्त झण्डै एक दशकदेखि सांगीतिक क्षेत्रमा सक्रिय छन् । झण्डै २ सय गीतको शब्द एवं संगीत सिर्जना गरिसकेका उनका यसअघि पनि थुप्रै गीतहरू ‘हिट’ छन् ।

गायनका हिसाबले भने ‘सान्नानी जाम पोखरा’ उनको पहिलो सर्वाधिक हिट गीत हो । यद्यपि, यसअघि उनको स्वरमा ‘दैवको नजर लाए नि हुन्थ्यो’ गीतलाई श्रोता दर्शकले रुचाएका थिए । 

प्रशान्तको शब्द एवं संगीतमा ‘बैनीको भिनाजु’, ‘छुरा’जस्ता गीतलाई श्रोता दर्शकले रुचाए । त्यसपछि ‘लाहुर जाने रेल’, ‘माया बस्ला बेसरी’ प्रशान्तको शब्द एवं संगीत रहेका रुचाइएका गीतहरू हुन् । 

चार महिनाअघि उनको शब्द एवं संगीत रहेको ‘सराङकोटको डाँडैमा’बोलको गीत सार्वजनिक भयो । यो गीत श्रोता दर्शकले निकै रुचाए । यस गीतले १ करोड ३२ लाख बढी भ्युज पाइसकेको छ । 

भारतमा ‘सेक्युरिटी गार्ड’देखि ‘ट्रक ड्राइभर’सम्म  

पर्वत जिल्लाको बिहादी गाउँपालिकाका पौडेलले यहाँसम्म आउन भने निकै संघर्ष गरेका छन् । उनी सानैदेखि सांगीतिक क्षेत्रमा रुचि राख्थे । रेडियोमा बज्ने गीतहरूले अनायासै उनलाई छुन्थ्यो ।

८/९ वर्षको हुँदादेखि विद्यालयका कार्यक्रममा गीत गाउन थालेका थिए । १३/१४ वर्षको उमेरसम्ममा त पाल्पा, स्याङ्जा, पोखरासम्म समेत पुगेर मेला महोत्सवमा गीत गुन्गुनाइसकेका थिए ।

उनी सुनाउँछन्, ‘गीतले सानैदेखि तान्थ्यो । त्यो बेला गायनमै लाग्छु भन्दा पनि पछि गएर एउटा एल्बम चाहिँ निकाल्छु भन्ने सोँच्थे ।’ एसएलसी दिएपछि केही समय पोखरा बसे । गाउँको साथीसँगको सहकार्यमार्फत एउटा गीत रेकर्ड गराए । तर, गीतले केही पनि चर्चा पाएन । रोजगारीको शिलशिलामा भारत गएका बुवा गाउँ फर्किसकेका थिए ।

प्रशान्त परिवारको जेठो छोरा भएकाले कमाउनुपर्ने दायित्व पनि थियो । कमाउनका लागि भारत जाने सोच बनाए । त्यहाँ एउटा कम्पनीमा ‘सेक्युरिटी गार्ड’को काम गरे । तर धेरै समय टिकिरहन सकेनन् । ट्रक ड्राइभर बन्न भनेर ‘सेक्युरिटी गार्ड’कै ड्रेसमा त्यहाँबाट भागे । दुई वर्षसम्म ट्रकमा सहचालक भएर हिँडे, सोहीबखत ट्रक चलाउन सिके । 

एक वर्ष ट्रक चलाए, अनि नेपाल फर्किए । नेपाल फर्किएपछि जिल्लाकै रेडियोमा काम गर्ने साथीले भने– एउटा गीत निकालौं । काठमाडौं आएर रेकर्ड गराए– पाछु मेरी भन्न । 

उक्त गीत चलेन । त्यसपछि फेरि विदेश जाने सोच बनाए । प्रशान्त दुबई उँडे । स्टोरकिपर भनेर गएका थिए, क्लिनरको काम गर्नुपर्‍यो । एक वर्षमै दुबईबाट नेपाल फर्किए ।

दुबईमा रहँदा भने उनलाई सांगीतिक क्षेत्रले तानिसकेको थियो । ‘दुबईमा धेरै सांगीतिक कार्यक्रम हुन्थ्यो । गायक/गायिकाहरू जाँदा म टिकट काटेर हेर्न जान्थेँ,’ उनले सुनाए, ‘उक्त समय भोलि म पनि यसरी स्टेज चढ्नुपर्छ भन्ने सपना पलाएको थियो । नेपाल गएर सांगीतिक क्षेत्रमा लाग्छु भनेरै दुबईबाट फर्किएको थिएँ ।’

नेपाल फर्किएर काठमाडौंमा डेरा जमाए । संगीतमा संघर्ष गर्न थाले । गीत तयार गर्न थाले । साथीहरूलाई सुनाउन थाले । विस्तारै उनको सिर्जनाप्रति विश्वास गर्ने लगानीकर्ताहरू भेटिन थाले । 

गायक भनेर चिनाउँदा अप्ठयारो लाग्छ

केही गीतहरूमा काम गरेपछि उनले संगीत सिक्ने सोँच बनाए । संगीत गुरु चण्डिप्रसाद काफ्ले कहाँ एक वर्ष संगीत सिके । त्यसपछि संगीत सिक्न पुगे अर्का संगीतगुरु गुरुदेव कामतकहाँ ।

‘सिक्न थालेपछि सुर, शब्द, फिल सबैकुरा चाहिँदोरहेछ भन्ने बुझेँ । त्यसपछि गायकका लागि ममा ती सबैकुरा छैन भन्ने लाग्न थाल्यो,’ प्रशान्त भन्छन्, ‘त्यसपछि मैले आफूलाई गायकमा रिफर गर्नै छोडिदिएँ ।’ उनी आफूलाई गायक भनेर चिनाउन अप्ठयारो लाग्ने बताउँछन् । अगाडि भन्छन्, ‘अहिले पनि मेरो पेशा गीतकार तथा संगीतकार नै हो । कतै चिनाउनुपर्दा म गायक भनेर चिनाउँदिन, गीतकार/संगीतकार भनेरै चिनाउँछु ।’ 

आउँदा दिनमा शब्द, संगीतकै गीतहरू बढी आउने उनले बताए । ‘मेरो शब्द, संगीत रहेका ८० भन्दा बढी गीत पेन्डिङमा छन् । चलेका गायक/गायिकाहरूले ती गीत गाउनुभएको छ,’ पौडेलले भने, ‘त्यसबाहेक अन्य गीतको काम पनि गरिरहेको छु ।’

१० वर्ष सांगीतिक क्षेत्रमा संघर्ष गरिरहँदा आफूलाई कहिल्यै निराश महसूस नभएको उनी बताउँछन् ।

‘संघर्ष मलाई मिठो पल जस्तो लाग्छ । आज ती पल सम्झँदा यति धेरै आनन्द लागिरहेको छ । पछि सम्झँदा झन् आनन्द लाग्छ,’ उनी भन्छन् । संघर्ष सम्झेर दुःखी होइन खुशी हुनुपर्ने उनी बताउँछन् ।

हेर्नुहोस्, भिडियो :

TATA Below
NLIC
साउन २६, २०७९

काँठे लोक दोहोरी गायीका स्मृति गौतमको नयाँ गीति एल्वम ‘अल्लारे माया–२’ सार्वजनिक भएको छ। वरिष्ठ गायीका ज्ञानु राणाको प्रमुख आतिथ्यतामा राजधानीमा आयोजित एक कार्यक्रममार्फत गीत विमोचन गरिएक...

साउन २२, २०७९

तीज पर्वको परम्परा, संवेग र मनोरञ्जनको त्रिकोणात्मक कथामा तीजको गीत सार्वजनिक भएको छ । शुक्रवार सोना अमात्य युट्युव च्यानलबाट सार्वजनिक गरिएको भिडियोमार्फत व्यवहारमा बाँधिएर स्वच्छन्दताको थोरै मात्र अनुभूति गर्न ...

साउन २२, २०७९

दर्शक/श्रोताबाट आलोचना भएपछि ‘पापाकी परी’ गीतबाट केही शब्द र दृश्य हटाइएको छ । शिव हमालको रचना, आशिष अविरलको संगीत एवं संगीत संयोजन र सुशीला पाठकको स्वर रहेको गीत सार्वजनिक भएसँगै आलोचना भ...

साउन २२, २०७९

दुर्गेश थापाको नयाँ गीत ‘बिच्च बिच्चमा ६’ युट्युब ट्रेन्डिङमा उक्लिरहेको छ । गत शुक्रवार सार्वजनिक गीत यतिबेला ट्रेन्डिङको शीर्ष ९ स्थानमा छ ।  तीन वर्षअघिको आफ्नो सर्वाधिक चर्चित गीत ‘...

साउन २५, २०७९

 ‘विष्णु माझीको गीत र भूकम्प उस्तै हो । कतिबेला आउँछ कसैलाई पत्तो हुँदैन’ केही साताअघि भिडियो निर्देशक स्मृति तिमिल्सिनाले लोकान्तरसँग भनेकी थिइन् । निर्देशक तिमिल्सिनाले भनेजस्तै विष्णु माझीको...

साउन २६, २०७९

गायीका सुनिती कार्कीको स्वरमा नयाँ तीज गीत ‘सुन न संगी हो’ सार्वजनिक भएको छ । यस गीतलाई केही दिनअघि युट्युब च्यानल ओएसआर डिजिटलले सार्वजनिक गरेको हो ।  गीतमा अशोक गुरुङको शब्द छ भने...

३०० वर्षको इतिहासमा बेलायतका ५७ प्रधानमन्त्री– वालपोलदेखि जोनसनसम्म

३०० वर्षको इतिहासमा बेलायतका ५७ प्रधानमन्त्री– वालपोलदेखि जोनसनसम्म

साउन २६, २०७९

बेलायतको आधुनिक राजनीतिक इतिहासमा धेरै नेताहरू लामो समयसम्म प्रधानमन्त्री वा पार्टीको नेता भएको देखिँदैन । सत्तापक्ष मात्रै होइन, कुनै पनि पार्टीको प्रमुखबाट एकपटक हटेपछि वा असफल भएपछि पुनः त्यहीँ पदका लागि उ...

अत्यावश्यक ६ सुधार जसले न्यूनीकरण गर्नसक्छ सहकारीमा व्याप्त विकृति

अत्यावश्यक ६ सुधार जसले न्यूनीकरण गर्नसक्छ सहकारीमा व्याप्त विकृति

साउन २३, २०७९

नेपालको आर्थिक विकासमा सार्वजनिक, निजी र सहकारी ३ खम्बे नीतिलाई अवलम्बन गरिएको छ । संविधानमा समाजवादको परिकल्पनासहित सार्वजनिक, निजी र सहकारी क्षेत्रको प्रवर्द्धन गरी तीब्र दीगो आर्थिक विकासको मार्गनिर्देशन भएको ...

'कुकुर्नी कमिनीको बकपत्र'

'कुकुर्नी कमिनीको बकपत्र'

साउन २२, २०७९

थुक्क कुकुर्नी भनेर कडा स्वभावका आमाहरूले आफ्ना छोरीलाई गाली गर्दा 'त्यसो नभन्नु न यार' भनेर मैले धेरैपटक खिन्नता प्रकट गरेको छु । तर, मलाई पनि आमाले यदाकदा कुकुर भनेर सम्बोधन गर्नुभएको छ । धन्न पण्डित ...

ad
x