रेज इन्टरटेन्मेन्टको ब्यानरमा बन्दै गरेको नेपाली वेब सिरिज 'आरती' अहिले रौतहटको गर्मीमा धमाधम छायाँकन भइरहेको छ।

आरतीमा आशिष कुमार दासको निर्माणमा रोशन दासको कथा, निर्देशन रहेको छ भने नितेश घतानको छायाँकन रहनुका साथै हिक्मत शर्माको लेखन रहेको छ।

यसमा कलाकार राज पौडेल, गीता श्री,‌ नूतन, मनिशा गिरी, हरि कंडेल, खेमराज कोइराला, सपना शर्मा, शिब कुर्मी, कृष्ण खड्का, बिक्कि शाह, जय मंगल पासवान , संसार अधिकारी लगायतका कलाकारहरुको अभिनय रहनुका साथै चर्चित भोजपुरी कलाकारको पनि अभिनय रहेको छ।

यो समयमा छायांकन गर्न किन तराई नै किन भनी सोध्दा निदेशक रोशन भन्छन्,'कथाले तराईका महिलाहरुको समस्यालाई बोकेको र बिषय वस्तुले तराईसँग मिल्ने भएर यस्तै सुटिङ गर्ने सोच बनायौँ।'

यो वेब सिरिज मैथिली र भोजपुरी भाषामा समेत डबिङ गरिने बताइएको  छ।

 ब्यानरले अहिले रौतहटको जमुनामाई गाउँपालिका, सुकदेवमा छायांकन गरिरहेको छ।