×

X
Dabur
Nic Asia
Marvel

आठ महिनामा प्रेम आलेले गरेका नियुक्ति

आसेपासे भर्तीमा आलेको कीर्तिमान: २३ नियुक्ति, १०१ कर्मचारी भर्ना, १२ बर्खास्त [सूचीसहित]

काठमाडाैं | असार १५, २०७९

TVS INSIDE

संस्कृति, पर्यटन तथा नागरिक उड्डयन मन्त्री पदमा बस्दाको ८ महिना २० दिनमा प्रेम आलेले सार्वजनिक निकायलाई आफन्त र आसेपासेको भर्ती केन्द्र नै बनाए । ३ दिनअघि मात्रै बहिर्गमन भएका आले वर्तमान सरकारका अन्य सबै मन्त्रीको तुलनामा बढी आलोचित र विवादित पनि भए । 

IME BANK INNEWS
morang Auto yamaha

आले सार्वजनिक पदमा बसेका कर्मचारीलाई गाली बेइज्जती गर्नेदेखि मन्त्रालयकै कर्मचारीलाई समेत हप्कीदक्की लगाउन खप्पिस थिए । आलेले कर्मचारीप्रति गरेको व्यवहार तथा सार्वजनिक निकायमा दिएको जिम्मेवारी एकपछि अर्को विवादमा आइरहँदा पनि उनले आफन्त र आसेपासेलाई नियुक्त गर्न छाडेनन् ।


Advertisment
NMB BANK
RMC TANSEN
Saurya island

आलेले जेठ १२ गते मन्त्री पदबाट राजीनामा दिएको दिन समेत नेपाल पर्यटन बोर्डका प्रमुख कार्यकारी अधिकृत (सीईओ) डा. धनञ्जय रेग्मीलाई हटाउन ठूलो मेहनत गरेका थिए । उनको बहिर्गमन हुने दिनमै पर्यटन बोर्ड सञ्चालक समितिको बैठक मन्त्रालयमै बोलाउन लगाए । मन्त्रालयमा बोलाएको बैठकमा गणपुरक संख्या नपुगेपछि बोर्डको सीईओ हटाउने आलेको अन्तिम कसरत असफल भएको पर्यटन मन्त्रालयकै एक उच्च अधिकारीले लोकान्तरलाई बताए ।

आलेले पर्यटन मन्त्री भएपछिको पहिलो नियुक्ति नेपाल वायु सेवा निगममा कार्यकारी अध्यक्ष युवराज अधिकारीलाई दिएका थिए । उनले तत्कालीन महाप्रबन्धक डिमप्रकाश पौडेलको अधिकार खोसेर अधिकारीलाई नियुक्त गरेका थिए । मन्त्री पद छाड्ने १ हप्ताअघि मात्रै आलेले आफैंले नियुक्त गरेका अधिकारीलाई बर्खास्त समेत गर्न भ्याए । उनले कार्यकारी अध्यक्ष हटाएर निगमकै कर्मचारी दीपुराज ज्वारचनलाई अस्थायी महाप्रबन्धकको जिम्मा दिए । निगममा कार्यकारी अध्यक्ष हुँदा महाप्रबन्धक र महाप्रबन्ध कार्यकारी हुँदा अध्यक्ष भूमिकाविहीन बनाउन राजनीतिक नेतृत्व नै उद्दत छ ।

Vianet communication
Maruti inside

वायु सेवा ऐन २०१९ ले निगमको महाप्रबन्धक र अध्यक्ष दुवै हुनसक्ने व्यवस्था गरेको छ । सोही व्यवस्थाका कारण राजनीनिक नेतृत्वलाई पटक–पटक खेल्ने मौका मिल्ने गरेको छ । राजनीतिले नै निगम चलाउने र मनलाग्दा नियुक्त र मन नलाग्दा हटाउने पुरानै चलन निगममा बसेको नेवानिका एक पूर्व अध्यक्षले बताए ।

आलेले आफैंले नियुक्त गरेका वायु सेवा निगमका अध्यक्षलाई ७ महिनामा नै हटाउने र उनीप्रति गरेको व्यवहार सबैभन्दा बढी विवादमा आयो । आलेले कर्मचारीलाई अपशब्द प्रयोग गरेर गाली गरेको, हातपात गरेको र सुरक्षा थ्रेट दिएको विषयले आले थप विवादमा तानिए ।

मन्त्री आलेले वायु सेवा निगममै १०१ जना कर्मचारीलाई करारमा नियुक्त गरेका छन् । थप कर्मचारीलाई नियुक्त गराउने विषयमा निगम अध्यक्षले ढिलो गरेको भन्दै आलेले अधिकारीमाथि अश्लील गाली गरेको अडियो संवाद नै सार्वजनिक भयो ।

मन्त्री आलेको कार्यकालमा सबैभन्दा बढी विवाद पर्यटनका मुख्य निकाय नेपाल पर्यटन बोर्ड, वायु सेवा निगम, नागरिक उड्डयन प्राधिकरणकै नेतृत्वलाई चलाउँदा भएको छ । 

बोर्ड सीईओ डा. धनञ्जय रेग्मीलाई प्रक्रिया नै नपुर्‍याई हटाउन खोज्दा आलेमाथि नै ‘ब्याक फायर’ भयो । उनले रेग्मीलाई हटाउन गरेको पटक–पटकको प्रयास असफल भयो भने रेग्मीलाई हटाउन खोजेकै कारण अदालतको मानहानीसम्मको मुद्दा खेप्नुपरेको छ । 

आलेको निर्देशनमा भएको पर्यटन बोर्डकै सदस्य नियुक्तिमा पनि विवाद भयो । उनले नियुक्त गरेका १ सदस्य लिला लामाले बोर्ड बैठक टेक्नै नपाई राजीनामा दिनुपर्‍यो ।

निजी क्षेत्रबाट प्रतिनिधित्व गर्ने ५ सदस्यमध्ये २ जनालाई हटाएर मन्त्री आलेले २ जनालाई नियुक्त गरेका छन् । ४ वर्षका लागि बोर्ड सदस्यमा नियुक्त भएका सदस्यद्वय नवाङ निमा शेर्पा र कृष्णकुमार साहलाई डेढ वर्षमै हटाएका छन् । हटाएका २ जना सदस्यको ठाउँमा अर्को २ जना नियुक्त गर्न भने भ्याएनन् । यसअघि गत चैत पहिलो हप्ता आलेले बोर्ड सदस्यमा अर्का २ जना मिलन देवकोटा र मदन आचार्यलाई नियुक्त गरेका थिए ।

आलेले नेपाल नागरिक उड्डयन प्राधिकरणका महानिर्देशक राजकुमार क्षेत्रीलाई हटाएर नयाँ प्रदीप अधिकारीलाई नियुक्त गर्दा पनि विवाद भएको थियो । आलेले उनको नियुक्तिमा पनि अदालतको आदेश विपरीत काम गरेका छन् ।

आलेले पशुपति क्षेत्र विकास कोषमा १ सदस्य, लुम्बिनी विकास कोषमा सदस्य सचिवसहित ९ जना, नेपाल पर्वतीय प्रशिक्षण प्रतिष्ठानमा २ जना नियुक्त गरेका छन् । प्रतिष्ठानमा नियुक्त गरेका अध्यक्ष र कार्यकारी निर्देशक दुवैको १ वर्षभन्दा बढीको पदावधि छँदै आलेले हटाएका हुन् । प्रतिष्ठानमा आलेले अध्यक्षमा उङ्दी छिरिङ शेर्पा र कार्यकारी निर्देशकमा रुद्रप्रसाद चापागाईंलाई नियुक्त गरेका छन् ।

पछिल्लो समय आलेले तारागाउँ विकास समितिको सदस्य सचिवमा आफ्नै भतिजलाई नियुक्त गरेका छन् । आफैंले नियुक्त गरेका नारद लुइँटेललाई ३ महिनामा नै हटाएर आलेले तारागाउँको सदस्य सचिवमा भतिजा महेन्द्रकुमार थापालाई नियुक्त गरेका छन् । उनले समितिको अध्यक्षमा डडेल्धुराका सुरेशराज जोशीलाई नियुक्त गरेका छन् ।

आले पर्यटनमन्त्री भएपछि वायु सेवा निगममा नियुक्त भएका करार कर्मचारीको सूची :

पर्यटनमन्त्री प्रेम आलेले नियुक्त गरेका निकाय र प्रमुख व्यक्तिहरू:

 

TATA Below
NLIC
साउन २५, २०७९

सर्वोच्च अदालतले नवलपरासीको एउटा मुद्दामा अनुसन्धान गर्ने प्रहरी अधिकारी, अभियोजन गर्ने सरकारी वकील, मुद्दा दर्ता गर्ने श्रेस्तेदार तथा मुद्दाको फैसला गर्ने जिल्ला न्यायाधीश समेतलाई विभागीय कारबाही गर्न निर्देशनात्मक...

साउन २५, २०७९

उच्च अदालत सुर्खेतले सामुदायिक विद्यालयमा भर्ना गर्दा विद्यार्थीबाट शुल्क नलिन फैसला गरेको छ । न्यायाधीशद्वय माधवप्रसाद पोखरेल र मोहम्मद जुनैद आजादको संयुक्त इजलासले आज सुर्खेतमा रहेका सामुदायिक विद्यालयहरुलाई वि...

साउन २०, २०७९

सर्वोच्च अदालतले पुराना बक्यौता मुद्दा न्यूनीकरणसम्बन्धी कार्ययोजना–२०७९ लाई कार्यान्वयन गर्ने उद्देश्यले आजदेखि शुक्रबार पूरा समय सेवा प्रवाह गर्न प्रारम्भ गरेको छ । आज २ः३० बजेदेखि ५ बजेसम्म मुद्दामा तोकिएको प...

साउन २१, २०७९

नेपाल प्रज्ञा–प्रतिष्ठानको साहित्य (पद्य–काव्य) विभागले नेपाली काव्यविधामा भएका प्रयोगबारे विमर्शको थालनी गरेको छ । विभागद्वारा शुक्रवार ‘नेपाली कविताका लघुतम उपविधा’ विषयक विमर्श कार्...

साउन २४, २०७९

अख्तियार दुरुपयोग अनुसन्धान आयोगको कार्यालयले भ्रष्टाचार भएको भन्दै विशेष अदालतमा एकैदिन ५ वटा मुद्दा दर्ता गरेको छ ।  आर्थिक वर्ष २०७०/०७१ मा कालीकोट र मुगु जिल्लाको विभिन्न सार्वजनिक निकायमा कार्यरत कर्...

साउन २२, २०७९

अख्तियार दुरुपयोग अनुसन्धान आयोगको केन्द्रीय कार्यालयमा उजुरी पर्ने क्रम बढ्दै गएको छ । आयोगमा चालु आर्थिक वर्षको साउन २० गतेसम्ममा एक हजार ४३२ उजुरी परेका छन् ।  आयोगका प्रवक्ता श्यामप्रसाद भण्डारीका अनुसा...

३०० वर्षको इतिहासमा बेलायतका ५७ प्रधानमन्त्री– वालपोलदेखि जोनसनसम्म

३०० वर्षको इतिहासमा बेलायतका ५७ प्रधानमन्त्री– वालपोलदेखि जोनसनसम्म

साउन २६, २०७९

बेलायतको आधुनिक राजनीतिक इतिहासमा धेरै नेताहरू लामो समयसम्म प्रधानमन्त्री वा पार्टीको नेता भएको देखिँदैन । सत्तापक्ष मात्रै होइन, कुनै पनि पार्टीको प्रमुखबाट एकपटक हटेपछि वा असफल भएपछि पुनः त्यहीँ पदका लागि उ...

अत्यावश्यक ६ सुधार जसले न्यूनीकरण गर्नसक्छ सहकारीमा व्याप्त विकृति

अत्यावश्यक ६ सुधार जसले न्यूनीकरण गर्नसक्छ सहकारीमा व्याप्त विकृति

साउन २३, २०७९

नेपालको आर्थिक विकासमा सार्वजनिक, निजी र सहकारी ३ खम्बे नीतिलाई अवलम्बन गरिएको छ । संविधानमा समाजवादको परिकल्पनासहित सार्वजनिक, निजी र सहकारी क्षेत्रको प्रवर्द्धन गरी तीब्र दीगो आर्थिक विकासको मार्गनिर्देशन भएको ...

'कुकुर्नी कमिनीको बकपत्र'

'कुकुर्नी कमिनीको बकपत्र'

साउन २२, २०७९

थुक्क कुकुर्नी भनेर कडा स्वभावका आमाहरूले आफ्ना छोरीलाई गाली गर्दा 'त्यसो नभन्नु न यार' भनेर मैले धेरैपटक खिन्नता प्रकट गरेको छु । तर, मलाई पनि आमाले यदाकदा कुकुर भनेर सम्बोधन गर्नुभएको छ । धन्न पण्डित ...

ad
x