×

X
Nic Asia
Marvel
Khukuri

सिर्जनशील उद्यम

द बर्गर हाउस एण्ड क्राउन्ची फ्राइड चिकेन : ७ वर्षमै छलाङ

काठमाडाैं | साउन ७, २०७९

NTC
Argakhanchi Cement
Premier Steels
British college
TVS INSIDE

पछिल्लो समय युवा पुस्तामा निकै रुचाइएको रेस्टुरेन्ट हो ‘द बर्गर हाउस एण्ड क्राउन्ची फ्राइड चिकेन’ । युवाको समूहमा निकै लोकप्रिय बनेको रेस्टुरेन्ट काठमाडौं उपत्यकामा छ्याप्छ्याप्ती देखिन्छ ।

DHARA
LAxmi BAnk

उपत्यका मात्र नभई उपत्यकाबाहिर समेत फैलिएको रेस्टुरेन्टमा विशेषगरी बर्गर र क्राउन्ची फ्राइड चिकेनका पारखीको बाक्लो जमघट हुने गर्दछ ।


Advertisment
NMB BANK
RMC TANSEN
NIC ISLAND BOX

कतिपय त हुक्काको स्वाद लिन र ससेज, फ्राइ राइस, मःम वा चलनचल्तीकै खानामा रमाउन पनि त्यहाँ पुग्ने गरेका छन् ।

काठमाडौंको शंखमुल, मध्यबानेश्वर, बौद्ध हुँदै ललितपुरको ग्वार्को, झम्सीखेल, इमाडोल लगायतका स्थानमा रहेका आउटलेटमा पछिल्लो समय खचाखच भीड देखिन्छ ।


Advertisment
Bizbazar
Saurya island

विशेषगरी १६–३० वर्ष उमेर समूहका युवायुवतीले खाजा खाने र झुम्ने/रमाउने गरेको यी आउटलेटमा पारिवारिक जमघट पनि बाक्लिँदै जान थालेको छ । 

यी हुन् बर्गर हाउस र क्राउन्ची फ्राइड चिकेनका परिकल्पनाकार

Vianet communication
IME BANK INNEWS

लामो समय स्थानीय खाजा घर तथा रेस्टुरेन्टहरूमा काम गरेका वसन्त लामा यो रेस्टुरेन्टका परिकल्पनाकार हुन् । उनले आफूलाई रेस्टुरेन्ट क्षेत्रमा स्थापित गराउँदै गर्दा देश तथा विदेशका थुप्रै रेस्टुरेन्टमा काम गरेको अनुभव सम्हालिसकेका छन् ।

द बर्गर हाउस एण्ड क्राउन्ची फ्राइड चिकेनबारे विस्तृतमा जान्नका लागि आजभन्दा करीब १५–१६ वर्ष पहिलेको अवस्थाबारे जान्न जरुरी हुन्छ ।

दोलखामा जन्मिएका लामाले एसएलसीसम्म अध्ययन गरिसकेपछि रोजगारीको सिलसिलामा थुप्रै रेस्टुरेन्टमा काम गरे । शुरूमा नै उनले एउटा सामान्य रेस्टुरेन्टको ‘हेल्पर’को रूपमा जागिरे जीवन शुरूआत गरेका थिए । यो करीब १५–१६ वर्षअघिको सन्दर्भ हो ।

त्यहाँ हेल्परको रूपमा काम गर्दैगर्दा उनले किचेनमा पकाउन समेत सिकिसकेका थिए । उनले आफ्नै गाउँदेखि काठमाडौंसम्म आएर पनि विभिन्न रेस्टुरेन्टहरूमा काम गरे । उनको यो सिलसिला करीब ८–१० वर्ष चल्यो ।

त्यसपछि उनले विदेश जाने योजना बनाए । कामकै लागि अफगानिस्तान जाने तरखर गरेका उनी त्यहाँ पुग्न पाएनन् ।

लामा भन्छन्, ‘अफगानिस्तानमा जाने योजना थियो तर त्यहाँ नपुगिकन दुबईमै रोकियो ।’ लामाले दुबईमा पनि करीब १० महिनासम्म रेस्टुरेन्टमा नै काम गरे ।

यतिखेरसम्म रेस्टुरेन्टमा लामो अनुभव लिइसकेका लामालाई दुबई पुगेपछि नेपालको याद आउन थाल्यो । उनले त्यहाँ काम गर्दै जाँदा नेपालमा अब आफैं रेस्टुरेन्ट चलाउने सोच राखे ।

पाटनबाट ‘डेब्यु’, शंखमुलबाट ‘ब्राण्ड’

करीब १० महिनासम्म दुबईमा रहेका लामाले नेपालमा फर्किएर आफैं रेस्टुरेन्ट खोल्ने योजना बनाए । १ वर्षसम्म उनले उपयुक्त ठाउँ खोज्नमै बिताए । 

त्यसपछि उनले ललितपुरको पर्यटकीय क्षेत्र पाटनमा एउटा रेस्टुरेन्ट ‘द बर्गर हाउस एण्ड चाइनिज फूडिस्ट’ सञ्चालनमा ल्याए । रेस्टुरेन्ट क्षेत्रमा काम गरेको लामो अनुभव सँगाले पनि लामा आफैं भने सञ्चालक बनेका थिएनन् ।

अरूको काम गरिरहेका उनलाई आफैं लगानी गर्ने कि नगर्ने भन्ने पनि सोच थियो तर जोखिम नै लिएर भए पनि आफैं लगानी गर्ने निष्कर्षमा पुगेका थिए उनी । 

पाटनबाट उनले रेस्टुरेन्ट सञ्चालकको रूपमा समेत ‘डेब्यु’ गरे अर्थात् यो नै उनको पहिलो आफ्नै रेस्टुरेन्ट थियो । उनले त्यहाँ चलिरहेकै रेस्टुरेन्ट किनेका थिए यो । यसको व्यापार निकै राम्रो रहेको लामा अहिले पनि सम्झन्छन् ।

‘त्यहाँ चलिरहेकै रेस्टुरेन्ट किनेका थियौं तर हामीले आफ्नै स्टाइलमा परिकारहरू सर्भ गर्थ्यौं,’ लामा भन्छन् । त्यहाँ व्यवसाय राम्रो देखेपछि उनले द बर्गर हाउस एण्ड बार्बिक्यु स्टेसन सञ्चालन गरे । यसमा पनि उनले सोचेकोभन्दा राम्रो भयो ।

ललितपुरमै शुरू गरिएको व्यापार क्रमशः फस्टाउँदै जाँदा लामालाई ब्राण्ड नै बनाएर अगाडि बढ्ने हुटहुटी शुरू भयो । बजारले उनलाई साथ दिँदै जाँदा उनले पनि आफूलाई परिपक्व र परिमार्जित गर्दै लगे । उनले बर्गर हाउसलाई ‘ब्राण्ड नेम’ बनाउने योजना बनाए । तर कहाँबाट शुरू गर्ने ? यसका लागि उनले केही महिना ठाउँ खोज्नमै बिताए ।

उनी बौद्ध बस्थे तर काठमाडौंको बानेश्वर, शंखमूलको व्यस्ततालाई उनले नजिकबाट नियाल्ने गरेका थिए ।

त्यतिखेरै शंखमूलमा अर्को रेस्टुरेन्ट चलिरहेको थियो । त्यस रेस्टुरेन्टमा दैनिकजसो भीड लाग्ने गरेको देखेपछि उनले त्यस क्षेत्रलाई ‘शर्ट लिस्ट’मा राखे र अन्ततः शंखमूलमा नै बर्गर हाउस एण्ड क्राउन्ची फ्राइड चिकेनको पहिलो शाखा खोल्ने तरखर गरे ।

नयाँ बानेश्वरबाट शंखमूल जाँदै गर्दा पुगिने ओरालोको दायाँतर्फ लामाले सटर भाडामा लिए । करीब १ महिना लगाएर त्यहाँ आवश्यक पूर्वाधार निर्माण गरे र शुरू भयो ‘बर्गर हाउस एण्ड क्राउन्ची फ्राइड चिकेन’को औपचारिक यात्रा ।

उनले सो शाखा विक्रम संवत् २०७२ चैत ३० गते औपचारिक रूपमा उद्घाटन शुरू गरी व्यापार शुरू गरे । यसमा उनको शुरूवाती लगानी ७७ लाख रुपैयाँ रहेको थियो । 

स्थानीयको अविश्वास र त्यो कठीन परिस्थिति

शंखमूलमा पहिलो शाखा सञ्चालनमा ल्याउँदा धेरैले लामालाई विश्वास गरिरहेका थिएनन् । कतिपयले त विदेशबाट आएको केही समयको चुरीफुरी मात्रै रहेको समेत भन्न थाले ।

लामा भन्छन्, ‘त्यसताका साँच्चै परिस्थिति निकै कठीन बन्दै थियो । स्थानीय वा साथीभाइ कसैले पनि विश्वास गर्ने अवस्था थिएन ।’

कतिपयले त उनलाई ५–६ महिनापछि सबै डुबाएर फर्कने समेत आकलन गरिसकेका थिए । साँच्चै काग कराउनु र बाख्रा हराउनु संयोग भएको भनेजस्तै लामाको त्यो समय र परिस्थिति पनि उस्तै हुन पुग्यो ।

७७ लाख रुपैयाँ लगानीमा शुरू भएको पहिलो रेस्टुरेन्टले करीब ६ महिनासम्म गति लिन सकेन । भाडा तिर्नकै लागि पनि शुरूको ६ महिनामा कठीन भएको लामा सम्झन्छन् ।

ग्राहक नै नआउँदा ६ महिनाजति त होटल खाली जस्तै हुने गरेको लामा बताउँछन् । त्यतिखेर उनलाई सटर  भाडा तिर्न पनि धौंधौं भयो तर ६ महिनापछिको माहोल भने फेरियो ।

बिस्तारै ग्राहकको आवागमन आफ्नो होटलतिर बढ्दै गएपछि लामा केही ढुक्क र खुशी देखिए । होटलमा ग्राहकको भीड बस्दै गयो । 

सोही माहोल छोपेर पहिलो शाखा सञ्चालनमा ल्याएको ८ महिनापछि उनले मध्यबानेश्वरमा दोस्रो शाखा सञ्चालनमा ल्याए । त्यतिखेर काठमाडौंका युवापुस्तालाई बर्गर र क्राउन्ची चिकेनको बानी पर्न थालिसकेको थियो । 

त्यसपछि काठमाडौंको डिल्लीबजार, ठमेल हुँदै विभिन्न ठाउँमा उनले शाखा विस्तार गर्दै गए । उनी भन्छन्, ‘समय राम्रो भइदियो, डेढ वर्षको अवधिमा ७ वटासम्म शाखा खोलिसकेका थियौं ।’

त्यसपछि उनले शाखा विस्तार गर्दै गए । कतिपयमा नयाँ साथीभाइ तथा कतिपयमा नातेदारलाई उनले नयाँ शाखा चलाउन दिन थालेका थिए । २०७२ अन्तिममा शुरू भएको बर्गर हाउस एण्ड क्राउन्ची फ्राइड चिकेनको यात्रा कोरोना महामारी अगाडिसम्ममा ३९ ठाउँमा फैलिसकेको थियो । 

फैलिँदै शाखा, फस्टाउँदै व्यापार

लामाले अहिले बर्गर हाउस एण्ड क्राउन्ची फ्राइड चिकेनको कर्पोरेट कार्यालय बौद्धमा बनाएका छन् । उनीसँग अहिले ५ जनाको टीम छ ।

आजभन्दा करीब ७ वर्षअघि शंखमूलबाट शुरू भएको बर्गर हाउस अहिले १११ शाखामा विस्तारित छ । कोरोनापछि मात्रै कम्पनीले ७२ शाखा विस्तार गरिसकेको छ ।

हालसम्म पश्चिममा धनगढी र महेन्द्रनगर, पूर्वमा बिर्तामोड र दमक, तराईमा जनकपुर, भैरहवा, नेपालगञ्ज, चितवन, सर्लाही र विरगञ्जमा बर्गर हाउस पुगिसकेको छ । यसक्रममा मुख्य–मुख्य शहरमा पुगिसकिएको सञ्चालक लामा बताउँछन् ।

‘चेन बनाउने सोचेको थिइनँ’

शुरूआती चरणमा रेस्टुरेन्ट व्यापार सञ्चालन गरिरहेका लामाले बर्गरको ब्राण्ड र चेन सोचेका थिएनन् । एक ठाउँमा राम्रो भएपछि अर्को ठाउँमा खोलिएको ती रेस्टुरेन्ट करीब ८ वर्षको अवधिमा विकसित चेन रेस्टुरेन्टमा बदलिएका छन् । 

उनी भन्छन्, ‘पाटनमा राम्रो भएको थियो, काठमाडौंमा पनि राम्रो होला भन्ने सोचेर शुरू गरेको, अहिले सम्झिँदा खुशी लाग्छ ।’

काठमाडौं उपत्यकामा मात्रै उनका रेस्टुरेन्ट ७५ देखि ८० वटासम्म छन् । उपत्यकाबाहिर २५–३० वटा रेस्टुरेन्ट सञ्चालनमा रहेका लामा बताउँछन् ।

शुरूमा ५–७ जना कर्मचारी राखेर शुरू गरिएको रेस्टुरेन्टले विस्तारित रूप लिँदै जाँदा रोजगारीमा पनि वृद्धि गरेको छ । अहिले एउटा शाखामा २५–३० जनासम्मले रोजगारी पाइरहेका छन् । सानो शाखामा भने १८–२० जनासम्म कर्मचारी राखिएको उनी बताउँछन् । 

लामाका अनुसार अहिले रेस्टुरेन्टका सबै शाखामा गरी करीब ३०० जनाले प्रत्यक्ष रोजगारी पाएका छन् । 

अन्तर्राष्ट्रिय विमानस्थलमा शुरू गर्दै नयाँ शाखा 

बर्गर हाउस एण्ड क्राउन्ची फ्राइड चिकेनले विशेष गरी बर्गर, क्राउन्ची चिकेन, मःम, फ्राई राइस, बिर्यानी लगायत परिकार पाइन्छन् । अब भने कम्पनीले खाना समेत मेनुमा थप्दैछ । 

खानाको शुरूआत त्रिभुवन अन्तर्राष्ट्रिय विमानस्थलबाट गर्न लागिएको लामा बताउँछन् । अबको १ महिनापछि विमानस्थलको पार्किङमा सुविधासम्पन्न रेस्टुरेन्ट र थकाली खानाको समेत व्यवस्था रहने गरी तयारी भइरहेको उनी बताउँछन् ।

करीब ३ करोड रुपैयाँ लगानीमा २४ सै घण्टा सेवा दिने गरी रेस्टुरेन्ट खुल्दैछ । जसमा सबै सिफ्टमा गरी करीब ५० जना कर्मचारी हुनेछन् ।

काठमाडौंमा पाइने थकाली खानाभन्दा केही फरक र उत्कृष्ट स्वादमा त्यहाँ खाना पाइने लामाको भनाइ छ । उनी भन्छन्, ‘अर्थतन्त्र संकटबाट माथि उठेपछि नयाँ मेनु थप्ने योजना छ ।’

व्यवसायसँगै जनप्रतिनिधि पनि

वसन्त अहिले व्यवसायमा मात्रै सीमित छैनन् । गत स्थानीय निर्वाचनमा उनी दोलखाको मैलुङ–३ को वडाध्यक्ष पदमा निर्वाचित भएका छन् । 

‘व्यवसायसँगै समाजसेवा पनि हामी युवाले नै गर्नुपर्छ भन्ने सोचले जनप्रतिनिधि बन्ने अवसर पाएँ,’ उनी भन्छन् । 

उनले व्यवसायी हुनु र जनप्रतिनिधि हुनुमा फरक रहेको भन्दै आफू अहिले जनताका स–साना गुनासोको सुनुवाइ गर्ने काममा लागेको बताए । 

Maruti inside
TATA Below
NLIC
ncc inside
भदौ २५, २०७९

पहाडको टुप्पोमा छ मुठाचौर । यहाँभन्दा माथि कुनै बस्ती छैन ।  तमानखोला गाउँपालिका–२ मा पर्ने मुठाचौर बागलुङ जिल्लाकै उच्च स्थानमा रहेको बस्ती हो । भौगोलिक हिसाबले निकै विकटमा रहेको मुठाचौर पर्य...

भदौ २९, २०७९

प्राकृतिक विविधताले भरिपूर्ण बर्दिया राष्ट्रिय निकुञ्ज । उत्तरमा चुरे पहाड, दक्षिणमा तराईको समथर फाँट । निकुञ्जलाई मध्यभागमा पारेर पूर्वमा बबई नदीे अनि पश्चिममा कर्णाली बगेको छ । बीचमा जैविक विविधताले भरिपूर्ण प्...

भदौ २५, २०७९

खोटाङको खोटाङ दिक्तेल मजुवागढी नगरपालिकाका महानन्द सुवेदी र लीला मायाका ४ सन्तान छन् । चारै जना यतिबेला निजामती सेवामा छन् । ३ छोरा र १ छोरी नै सरकारी जागिरे छन् । जेठा रुद्रप्रसाद कोशी अस्पतालको लेखापाल...

भदौ १८, २०७९

यूके आर्मीमा जागिर खाने लक्ष्य लिएर मोरङको सुनवर्षी नगरपालिका–१ का गणेश राईले बिहान–साँझ नभनी ४ वर्ष मेहनत गरे तर उनको मेहनत खेर गयो ।  आर्मीमा जागिर खाने गरी देखेको सपना सधैंका लागि ...

असोज १०, २०७९

मकवानपुरकी नानी मैयाँ तामाङले सीतापाइलाको फूटपाथमा मकै पोल्दै बेच्न लागेको उन्नाइस वर्ष भयो । मकै बेचेरै उनले आफ्नो पेट र घर–परिवार पाल्दै आएकी थिइन् । तर, काठमाडौं महानगरपालिकाले फूटपाथबाट हटाएप...

भदौ २५, २०७९

मोरङको सुन्दरहरैंचास्थित विराटचोकका भक्तबहादुर घिमिरे विगत ३७ वर्षदेखि साइकल बनाउने व्यवसायमा सक्रिय छन् ।  यसैबाट जीविकोपार्जन गर्दै आएका भक्तबहादुर अहिले पनि बिहानैदेखि साइकलको ‘फ्रेम’ ज...

कर्णालीको कष्टपूर्ण सडक सञ्जाल : दुर्गमका जनताले सुरक्षित यात्रा गर्न नपाउने ?

कर्णालीको कष्टपूर्ण सडक सञ्जाल : दुर्गमका जनताले सुरक्षित यात्रा गर्न नपाउने ?

असोज १४, २०७९

यो वर्ष दशैंको मौसम शुरू भैसक्यो तर घर (जुम्ला) जान न सडक मार्ग गतिलो छ, न त हवाइमार्गको टिकट सहजै पाइन्छ । सधैँ झैं हुन्छ कि भनेर ‘झुक्याउने’ एयरलाइन्स एजेन्सी एजेन्ट मोबाइल फोन अफ हुन थालिस...

रवीन्द्र मिश्रको हाँसो लाग्दो भाषण सुनेपछि...

रवीन्द्र मिश्रको हाँसो लाग्दो भाषण सुनेपछि...

असोज १३, २०७९

बीपी कोइरालाको आदर्श मैले बोकेको छु भन्दै चुनावको मुखैमा रवीन्द्र मिश्र राप्रपा नेपालको हलो तान्न आइपुगेका छन् । पशुपति शमशेर राणा जत्तिकै उमेरसम्म  बाँचेर भए पनि देशको रक्षा गर्ने अठोट लिएका मिश्रले देशमा...

सूचनाको हक : सुशासनका लागि अनिवार्य शर्त

सूचनाको हक : सुशासनका लागि अनिवार्य शर्त

असोज १२, २०७९

सूचना नै शक्ति हो । सूचनाले सही तथ्यको उजागर गर्दछ । सही सूचना व्यवस्थापनको प्रमुख स्रोत हो । सूचनाको स्रोतबाट शासनको प्रभावकारिता बढेको हुन्छ । शासनलाई बलियो बनाउन नागरिकले शासकीय क्रियाकलापको जानकारी लिन...

ad
x