×

X
Nic Asia
Marvel
Khukuri

प्रतिनिधिसभा निर्वाचन

चुनाव लड्न कम्मर कसेका कलाकर्मी– रेखादेखि रोज राणासम्म उम्मेदवार बन्ने होडमा

काठमाडाैं | भदौ २४, २०७९

NTC
Argakhanchi Cement
Premier Steels
British college
TVS INSIDE

आगामी मंसिर ४ गते हुने प्रतिनिधिसभा र प्रदेशसभा निर्वाचनका लागि राजनीतिक दलका नेताहरू मात्र नभई कलाकार समेत तयारीमा जुटेका छन् । 

DHARA
LAxmi BAnk

कतिपय कलाकारले त राजनीतिका हेवी–वेटलाई समेत चुनौति दिने घोषणा गरेका छन् । लामो समय कलाकारिता गरेर दर्शकको मन जितेका कलाकारले अब भने मतदाताको मत जित्ने उद्घोष गरेका छन् । 


Advertisment
NMB BANK
RMC TANSEN
NIC ISLAND BOX

आगामी मंसिरमा चुनावी मैदानमा होमिने तयारीमा रहेकामध्ये केही भने राजनीतिक दलको फेर समाएर उम्मेदवार हुने  प्रयासमा छन् भने कतिपयले स्वतन्त्र उम्मेदवारी घोषणा गरेका छन् । 

नेपाली फिल्म क्षेत्रकी लोकप्रिय अभिनेत्री, निर्माता एवं निर्देशक समेत रहेकी रेखा थापा राष्ट्रिय प्रजातन्त्र पार्टी (राप्रपा) बाट प्रतिनिधिसभा सदस्यमा लड्ने तयारीमा छिन् । 


Advertisment
Bizbazar
Saurya island

राप्रपाको महाधिवेशनबाट महामन्त्रीमा हारेकी थापा पछिल्लो समय पार्टी राजनीतिमा सक्रिय छिन् । उनी गृहजिल्ला मोरङ–३ बाट प्रत्यक्षतर्फ निर्वाचन लड्ने तयारीमा जुटेकी छन् । राप्रपाले थापाको मोरङ–३ बाट प्रतिनिधि सभातर्फ प्रत्यक्ष उम्मेदवारको रूपमा नाम सिफारिस गरिसकेको छ ।

मोरङ क्षेत्र नम्बर–३ मा नेपाली कांग्रेसबाट व्यवसायी सुनिल शर्माको एकल नाम प्रतिनिधि सभा सदस्यको उम्मेदवारको लागि सिफारिस भएको छ । त्यसैगरी, एमालेबाट पोलिटब्यूरो सदस्य भानुभक्त ढकालको नाम सिफारिस भएको छ । २०७४ को चुनावमा ढकालले जितेका थिए । 

Vianet communication
IME BANK INNEWS

त्यसैगरी, लोकप्रिय गायिका कोमल वली दाङ–३ बाट प्रत्यक्षतर्फ प्रतिनिधिसभा सदस्यको उम्मेदवारमा सिफारिस भएकी छिन् । उनी एमालेको नेतृको रूपमा राजनीतिमा सक्रिय छिन् । २०७४ को चुनावमा समानुपातिक उम्मेदवार बनेकी वली राष्ट्रिय सभा सदस्य पनि बनेकी थिइन् । अहिले उनी दाङमा रहेर राजनीतिक कार्यक्रममा सक्रिय छिन् । 

थुप्रै हिट फिल्म निर्माण गरेका निर्माता, अभिनेता एवं नेपाली कांग्रेसका युवा नेता रोज राणा प्युठानबाट प्रदेशसभा सदस्य उम्मेदवारमा सिफारिस भएका छन् । कांग्रेसका क्षेत्रीय सभापति समेत रहेका राणाको नाम पहिलो नम्बरमा राखेर क्षेत्रीय कार्यसमितिले उम्मेदवारको रूपमा सिफारिस गरेको छ ।

प्रतिनिधिसभातर्फ एउटा मात्रै निर्वाचन क्षेत्र रहेको प्यूठानमा एमालेबाट सूर्य थापाको एकल नाम सिफारिस भएको छ । 

फिल्म निर्देशक एवं कांग्रेसनिकट नेपाल सांस्कृतिक संघका केन्द्रीय सभापति रहेका तीर्थ थापा लमजुङबाट उम्मेदवार बन्ने तयारीमा छन् । नेपाली कांग्रेसले लमजुङबाट प्रत्यक्षतर्फ प्रतिनिधिसभा सदस्य उम्मेदवारको रूपमा थापाको नाम सिफारिस गरेको छ । 

चुनावी तयारीमा जुटिसकेका थापाले कांग्रेसको चुनावी प्रचारका लागि सांगीतिक सामाग्रीको तयारी थालेका छन् । 

सांस्कृतिक संघ यतिबेला चुनावी गीतको तयारीमा जुटेको उनले बताए । ‘चुनावी गीतको तयारीमा छौं । एउटा गीतको छायांकन समेत गरिसकेका छौं,’ थापाले भने, ‘२–३ दिनमै गीत सार्वजनिक गर्छौं ।’

कांग्रेस निकट सांस्कृतिक संघमा आवद्ध रहेका झण्डै २ दर्जन कलाकारहरू उम्मेदवारका लागि सिफारिस भएका छन् । जसमा चर्चित लोकगायक विमलराज क्षेत्री, हास्य कलाकार शिवहरि नेपाल ‘बैरागी’देखि शिवशंकर रिजाल ‘जोगिन्दर पानवाला’सम्म उम्मेदवारका लागि सिफारिस भएका छन् ।

गायक विमलराज क्षेत्री पर्वतबाट प्रत्यक्षतर्फ प्रतिनिधिसभा सदस्य उम्मेदवार बन्ने तरखरमा छन् । नेपाली कांग्रेस पर्वतले उनको नाम सिफारिस गरिसकेको छ ।

कांग्रेसले उम्मेदवार बनाएको अवस्थामा क्षेत्रीले राष्ट्रिय सभा अध्यक्षसमेत रहेका एमालेका नेता गणेशप्रसाद तिमल्सिनासँग प्रतिस्पर्धा गर्नुपर्ने सम्भावना छ ।

एमाले पर्वतले उम्मेदवारकोरूपमा तिमल्सिनाको नाम सिफारिश गरेको छ ।

कांग्रेस निकट नेपाल सांस्कृतिक संघका महामन्त्री समेत रहेका क्षेत्री भन्छन्, ‘कलाकारले गीत, संगीत, साहित्यको मात्रै सिर्जना गर्दैन, समृद्ध समाजको पनि सिर्जना एवं परिकल्पना गर्न सक्छ । त्यसैका लागि मैले उम्मेदवारीमा दावी गरेको हुँ ।’

संघमै आवद्ध रहेका शिवहरि नेपाल ‘बैरागी’  सिन्धुपाल्चोकबाट प्रदेश सभाका लागि समानुपातिक उम्मेदवार सिफारिस भएका छन् । 

हास्य कलाकार शिवशंकर रिजाल सर्लाहीबाट प्रदेशसभामा समानुपातिक तर्फको उम्मेदवार सिफारिस भएका छन् । उनी पनि कांग्रेस निकट सांस्कृतिक संघमा महामन्त्रीको जिम्मेवारीमा छन् ।

‘विगतबाटै कलाकारितासँगै राजनीतिमा पनि उत्तिकै सक्रिय थिएँ । अहिले क्षेत्रीय समितिले विश्वास गरेर सिफारिस गरेको छ । महत्त्वपूर्ण पदका लागि सिफारिस हुँदै गर्दा आफू किन पछि हट्ने ?’ शिवशंकरले लोकान्तरसँग भने, ‘मौका र समय मिल्दा, देशले–माटोले माग्दा कलाकारहरू पनि देश चलाउन सक्षम छन् भन्ने प्रमाणित गर्न मैले उम्मेदवारीमा दावी गरेको हुँ ।’

चुनावी मैदानमा होमिएका अर्का फिल्म निर्माता एवं अभिनेता हुन् मधुकुमार श्रेष्ठ । उनी प्रदेशसभा सदस्य पदका लागि धादिङ–१ बाट प्रत्यक्ष उम्मेदवारमा कांग्रेसबाट सिफारिस भएका छन् । 

त्यसैगरी, पप गायक सञ्जय श्रेष्ठले धेरै पहिले नै आउँदो प्रतिनिधिसभा निर्वाचनमा उम्मेदवारी दिने घोषणा गरेका थिए । राष्ट्रिय प्रजातन्त्र पार्टी (राप्रपा) मा आवद्ध श्रेष्ठले पार्टीले टिकट दिए पनि, नदिए पनि आउँदो मंसिरमा हुने प्रतिनिधिसभामा उम्मेदवारी दिने घोषणा फेसबूकमार्फत गरेका थिए । 

प्रतिनिधिसभा निर्वाचनमा काठमाडौं–६ बाट उम्मेदवारी दिने उनको घोषणा थियो । ‘मेरो पार्टीले मलाई टिकट दिए पनि, नदिए पनि मैले आउँदो मंसिरताका हुने प्रतिनिधिसभा निर्वाचनमा काठमाडौंको क्षेत्र नम्बर ६ बाट फेरि उमेदवारी दिने निर्णय गरें । अब बाँकी तपाईंहरूको साथ र विश्वास,’ त्यसबेला उनले भनेका थिए । यसअघि २०७० सालमा भएको दोस्रो संविधानसभा निर्वाचनमा राप्रपा नेपालको तर्फबाट उम्मेदवारी दिएकोमा श्रेष्ठ पराजित भएका थिए ।

‘मिस्टर नेपाल २०१९’ विजेता डा. सन्तोष उपाध्याय पनि चुनावी मैदानमा उत्रिने भएका छन् ।  उनी नेपाली कांग्रेसको तर्फबाट अछाम–२ प्रदेशसभा (२) मा प्रत्यक्षतर्फको उम्मेदवारको लागि सिफारिस भएका छन् ।

अभिनेता गणेश उप्रेती पनि उम्मेदवार सिफारिस भएका छन् । मोरङ–२ बाट माओवादी केन्द्रले उनको नाम सिफारिस गरेको छ । यद्यपि उनी केही वर्षयता अमेरिकामा छन् । 

फिल्म ‘कालोपोथी’का निर्देशक मीनबहादुर भाम नेपाली कांग्रेसको तर्फबाट प्रतिनिधिसभामा समानुपातिक तर्फको उम्मेदवार सिफारिस भएका छन् । कांग्रेसले मुगुको छायाँनाथ रारा नगरपालिका–४ का भामलाई पिछडिएको क्षेत्र र खस आर्यतर्फको क्षेत्रबाट सर्वसम्मत सिफारिस गरेको छ ।

फिल्म निर्माता किरण नेपाली नुवाकोट क्षेत्र नम्बर २ (२) मा कांग्रेसबाट समानुपातिक उम्मेदवारमा सिफारिस भएका छन् । उनले निर्माण गरेको फिल्म ‘दुई नम्बरी’ प्रदर्शनको तयारीमा छ । 

गायिका शितल शर्मा पनि बाग्लुङ–२(२) को लागि नेपाली कांग्रेसबाट समानुपातिक उम्मेदवार सिफारिस भएकी छिन् । 

स्वतन्त्रको लहर

कला क्षेत्रबाट स्वतन्त्र उम्मेदवार बन्न चाहनेहरूको संख्या पनि प्रशस्तै छ । फिल्म निर्देशक तथा समीक्षक मनोज पण्डितले पनि काभ्रेपलाञ्चोक–२ बाट प्रतिनिधिसभा सदस्यका लागि मैदानमा उत्रिने घोषणा गरेका छन् । उनले राजनीतिक पार्टीबाट नभएर स्वतन्त्र उम्मेदवारको रूपमा चुनाव लड्ने घोषणा गरेका हुन् ।

गत बैशाखमा सम्पन्न स्थानीय तहको निर्वाचन अगाडि नै पण्डितले आफू संसदीय निर्वाचनमा उम्मेदवारी दिने घोषणा गरेका थिए । एमाले नेता गोकुल बास्कोटाको क्षेत्र रहेकै कारण आफू त्यहाँबाट चुनाव लड्न लागेको उनले बताउँदै आएका छन् । 

चर्चित हास्य टेलीशृंखला ‘सक्किगोनी’का ‘सीते बा’ अर्थात् मधुसुदन पाठक काठमाडौंबाट उम्मेदवार बन्ने भएका छन् । उनले काठमाडौं–५ मा नेकपा एमालेका वरिष्ठ उपाध्यक्ष ईश्वर पोखरेलसँग चुनावी प्रतिस्पर्धा गर्ने घोषणा गरेका छन् । उनी स्वतन्त्र उम्मेदवार अभियानको तर्फबाट उम्मेदवार बन्न लागेका हुन् । ‘सक्किगोनी’का अर्का चर्चित पात्र ‘जिग्री’ अर्थात् कुमार कट्टेलले झापा–५ बाट स्वतन्त्र उम्मेदवारी दिने बारेमा आफ्ना निकटस्थहरूसँग छलफल गरिरहेको बताएका छन् । 

कट्टेल झापा–५ कै मतदाता हुन् । ‘देश विकासका लागि केही गर्ने सोच पहिलादेखि नै थियो । चुनाव लड्ने बारे भने साथीहरूसँग छलफल र परामर्श गरिरहेको हो,’ उनले लोकान्तरसँग भने, ‘तर अहिलेसम्म निर्णय लिइसकेको छैन । उम्मेदवार बन्ने कुरा अलिकति सोचेर, तयारी गरेर गर्नुपर्ने हुन्छ । केही दिनमा निर्णय लिनेछु ।’

हास्य टेलिसिरियल ‘भद्रगोल’मा ‘बाहुन डन’को भूमिकामा अभिनय गरेपछि चर्चामा आएका अशोक धितालले पनि आगामी चुनावमा स्वतन्त्र उम्मेदवारी दिने घोषणा गरेका छन् । उनले निर्वाचन क्षेत्र र अन्य योजनाबारे छिट्टै जानकारी दिने बताएका छन् ।

Maruti inside
TATA Below
NLIC
ncc inside
असोज १३, २०७९

सत्ता गठबन्धनमा आबद्ध दलहरुबीच प्रतिनिधिसभा र प्रदेशसभाका केही निर्वाचन क्षेत्रमा रहेको दोहोरो दाबेदारी शीर्ष तहमा बसेर टुंगो लगाइने भएको छ । माओवादी केन्द्रका अध्यक्ष प्रचण्डका स्वकीय सचिव रमेश मल्लले केही नि...

असोज १४, २०७९

नेपाल दूरसञ्चार प्राधिकरणले दूरसञ्चार सेवा प्रदायकहरुलाई कारबाहीको चेतावनी दिएको छ । इन्टरनेट सेवा बाहेक अन्य सेवाहरु सञ्चालन गर्ने क्रममा इन्टरनेट सेवा, आईपीटीभी सेवा र अप्टिकल नेटवर्क युनिट तथा राउटरहरूका प्य...

असोज १४, २०७९

नेकपा एमाले मंसिर ४ गते हुने निर्वाचनका लागि उम्मेदवार चयनको आन्तरिक तयारीमा छ । केन्द्रीय सचिवालयमा सम्भावित उम्मेदवार चयनका लागि छलफल शुरू भएको छ । बुधवार साँझ पार्टी अध्यक्ष केपी शर्मा ओलीको निवासमा पदा...

असोज १४, २०७९

हालैमात्र राप्रपा प्रवेश गरेका रवीन्द्र मिश्रले काठमाडौं १ बाट प्रतिनिधि सभामा उम्मेदवारी घोषणा गरेका छन् । शुक्रवार बानेश्वरमा आफू समर्थकको भेलामार्फत मिश्रले उम्मेदवारी घोषणा गरेका गरेका हुन् ।  उम्मेदवार...

असोज १४, २०७९

‘लोकान्तर राउण्ड अप’मा पाठकवृन्दलाई स्वागत छ । सधैँझैँ आज पनि हामी बितेका २४ घण्टाका मुख्यमुख्य घटनाक्रमसहित उपस्थित भएका छौँ– नेकपा एमालेले प्रत्यक्षतर्फ चुनाव लड्ने उम्मेदवारको टुंगो लगाउन छल...

असोज १३, २०७९

नेकपा एमालेले प्रत्यक्षतर्फ चुनाव लड्ने उम्मेदवारको सूची तत्काल सार्वजनिक नगर्ने भएको छ । बिहीबार मध्यरातसम्म चलेको एमाले सचिवालय बैठकमा उम्मेदवारबारे लामो छलफल भएको थियो । अध्यक्ष केपी शर्मा ओलीको निवास बालकोटमा...

कर्णालीको कष्टपूर्ण सडक सञ्जाल : दुर्गमका जनताले सुरक्षित यात्रा गर्न नपाउने ?

कर्णालीको कष्टपूर्ण सडक सञ्जाल : दुर्गमका जनताले सुरक्षित यात्रा गर्न नपाउने ?

असोज १४, २०७९

यो वर्ष दशैंको मौसम शुरू भैसक्यो तर घर (जुम्ला) जान न सडक मार्ग गतिलो छ, न त हवाइमार्गको टिकट सहजै पाइन्छ । सधैँ झैं हुन्छ कि भनेर ‘झुक्याउने’ एयरलाइन्स एजेन्सी एजेन्ट मोबाइल फोन अफ हुन थालिस...

रवीन्द्र मिश्रको हाँसो लाग्दो भाषण सुनेपछि...

रवीन्द्र मिश्रको हाँसो लाग्दो भाषण सुनेपछि...

असोज १३, २०७९

बीपी कोइरालाको आदर्श मैले बोकेको छु भन्दै चुनावको मुखैमा रवीन्द्र मिश्र राप्रपा नेपालको हलो तान्न आइपुगेका छन् । पशुपति शमशेर राणा जत्तिकै उमेरसम्म  बाँचेर भए पनि देशको रक्षा गर्ने अठोट लिएका मिश्रले देशमा...

सूचनाको हक : सुशासनका लागि अनिवार्य शर्त

सूचनाको हक : सुशासनका लागि अनिवार्य शर्त

असोज १२, २०७९

सूचना नै शक्ति हो । सूचनाले सही तथ्यको उजागर गर्दछ । सही सूचना व्यवस्थापनको प्रमुख स्रोत हो । सूचनाको स्रोतबाट शासनको प्रभावकारिता बढेको हुन्छ । शासनलाई बलियो बनाउन नागरिकले शासकीय क्रियाकलापको जानकारी लिन...

ad
x